Plu Glosa Nota

Bi sti mira-andro de Glosa

U nati de Glosa pa habe bi duce andro.
1) Profesora Lancelot Hogben; qi pa proto u-ci internatio auxi lingua e
2) Ronald Charles Clark; qi pa kontinu developo id e proto publika id peri Gaia.

Tem plu pre meno mi pa gene petitio ex oligo Glosa-ami pro ma info de plu bio, plu interese e karakteri de bi-ci sti mira andro; ci es oligo nota pro plu-la pe qi ne pa ski alo Hogben alo Clark.

Profesora Lancelot Hogben

Profesora Lancelot Hogben pa gene nati Decembra 9, 1895; plu parenta pa nima an po Metodisti religio doci-pe u Reverend Lancelot Railton. Plu parenta famili pa veni ex orienta Kent; kron Hogben pa gene nati mu pa eko Southsea proxi Portsmouth epi austro litora de England. Tem 1907 u famili pa ki a neo eko-lo in Stoke Newington. An pa habe tri sorori e bi fratri. Plu parenta pa dona mega tem e energi de plu religio doci aktivi; mu pa dice plu famili preka singu matina e vespera; e u juve Hogben ne pa lice visita plu domi de ali sko-do ami qi ne pa akorda ko an famili religio. An pa ki a sko-do in Tottenham.

Kron an pa habe mo-tetra anua Hogben pa sufere skarlatina (scarlet fever); e ka-co, ne pa lice ki in sko-ka un holo sko anua-tem. An pa gene qarantina in sko-do bibli stora-ka; mega-mero u-la tem an pa amusa-se per lekto plu bibli la. Mo bibli pa es de doci aritmetika; e pro prima kron, u-ci bibli pa sti klari ad an u logika de plu algoritma; pre an pato-tem Hogben pa es proxi infra gradu de an klasi; po pato-tem, an pa es akro id; plus-co, an pa face u gravi detekti - u mode de doci se!

Po-co, Hogben pa proto spende mega tem in bibli-do; an pa lekto plu bibli de naturali Histori, poesi e literatura. An pa decide de esce biologi-pe. An pa amo visita u Naturali Histori Museu in austro Kensington, London, plu-ci visita pa auxi an plu stude. An pa amo plu longi gresi e stude natura; e pre an pa proto stude kemi, fisika, botani e zoologi in Kambridge Universita an pa spende un hedo 1913 estiva libe-tem stude botani in Epping Foresta. An plus-co, pa nece stude Greko; an ma amo u-ci lingua de Latino; posi kausa pre nu an pa habe ski de poli Greko radi ex an skience vokabulari; seqe-co, plu-ci radi pa habe plu hedo e bio memo pro an.

Tem 1915-1916 stude anua in Kambridge poli-pe pa ergo plu milita aktivi. Hogben pa es u membra de Religio Societa de plu Ami; e an pa ki a Qaker organisatio anti-milita servi in France ge-nima “Service de Santé Militaire” in Marne regio. An ergo pa es de tekto plu pusi xilo-domi pro plu-la famili qi pa lose mu domi e mu plu idio-ra. An pa ergo forti, anti-co an pa fru u-la ergo; e mo reposa di singu setimana pro plu Qaker unio pa ofere ad an un okasio de gresi in “Forêt de Trois Fontaines” alo peri plu viti-lo. Ma-tardi Hogben pa ergo pro “Plu Ami Ambulance Unita” in Dunkirk pato-do. Tem in Marne, Hogben pa enkontra T. Edmund Harvey – u Liberali Membra de Parliamenta; e kron an pa fini stude in Kambridge Hogben pa es an idio sekretari pro brevi tem ergo.

- pagina 2: -

Hogben pa ergo pro Paci Societa; e po-co an pa es Sub-edito-pe pro loka nova-papira; iso-tem an pa kontinu u-ci ergo brevi tem po proto doci zoologi in Birkbek Kolegi.

1917 Hogben re-unio ko stude-fe de Kambridge – Enid Charles. Fe pa es dina pro femini- e sociali-justi. Mu pa gene game e pa es plu ami de Silvia Pankhurst; qi pa eko proxi mu. Po-co, Hogben pa proto doci in Imperial Kolegi de Skience.

Tem plu seqe anua Hogben pa ergo forti de kitologi recerka; an “Plu Stude de Sinapsi” (Studies on Synapsis) pa gene publika per Regi Societa (the Royal Society) e seqe-co, u proto de ami inter Hogben e u Nobel Merita-an in Geneti ergo Sr. T. H. Morgan e de Sr. F. A. E. Crew.

1922 Hogben pa es u Vice-Direktora de Edinbur Universita Zoa Kultiva Recerka Departamenta; u Direktora pa es Frank Crew. Hogben, Crew, Julien Huxley e J. B. S. Haldane pa proto u Societa de Experimenta Biologi. Un hetero fo boni ami Sr. H. G. Wells pa ofere valuta auxi de proto publika u jurnali.

1925 Hogben, Enid e mu tri infanti pa ki a Montreal; Hogben pa es Auxi-Profesora de Medika Zoologi in McGill Universita. Proto u-ci ergo mo eduka problema pa monstra se. Hogben pa habe boni ski de Latin e Greko radi e mu etimologi; in Skotland plu stude-pe de an pa habe funda ski de Latin; sed plu stude-pe in McGill ne pa ski alo Latin alo Greko alo ali English etimologi. Seqe-co, Hogben pa introduce etimologi singu kron an pa introduce u neo skience alo tekno lexi; an ne pa ski id u-la tem, sed id pa es u proto de Interglossa – u vokabulari in qi singu lexi habe mnemotekno valu in plu-la landa topo plu ocide medicina nu-sani e nu-dinamo-produce gene vikto.

U fu-ergo de Hogben pa es in Universita de Kape Town; an pa es u Profesora Eduka-pe de Departamenta de Zoologi. Austro Afrika es u boni ambienta pro biologi investiga; e Hogben pa uti ali okasio de stude in u-ci paradisi pro plu biologi-pe. An gina Enid pa kontinu fe skience ergo la.

Mu pa re-proto plu Saturna-di diskusi ko plu ami, plu stude-pe, e ko plu kon-ergo-pe; mu pa unio in domi de Hogben; qi mu pa nima Xenopus – u nima de un Austro Afrika ge-ungula bufo, Xenopus laevis; u famo zoa de u Hogben Pregna Testi (pregnancy test).

Hogben pa gene fo mega hedo eko in Kape Town per an biologi ergo e per okasio de enkontra poli neo ami; anti-co, an ne pa volu; an plu fili eko in landa topo es zero justi pro ambi leuko-pe e melano-pe; seqe-co, u famili, nu ko tetra infanti, pa ki versi ad England e Hogben pa proto ergo in London Sko-do de plu Ekonomi; iso tem pa kontinu ergo de Extra Examina-pe pro Birmingham Universita.

Po eko brevi tem in London; mu pa merka u domi proxi Dartmoor; plu infanti pa resta la holo tem ko mu kura-fe; e Hogben e Enid pa trena a London singu Luna-di; e mu pa trena versi singu Venus-di. Ambi mu pa ergo klu epi trena viagia; veri Hogben pa dice; an pa grafo an bibli “Science for the Citizen”, 1938 tem viagia mo setimana-fini!

Eko in Dartmoor pa es boni pro holo famili; mu pa kultiva plu galina, anas e koni e plus-co, mu pa kultiva plu potato e hetero legumi holo anua. Pa es poli okasio pro gresi; e u maxi paleo fe-fili pa proto epi hipo. E sura Hogben pa kontinu oligo eduka aktivi la.

Ex Dartmoor Hogben pa kine a Skotlanda de es Regius Profesora de Naturali Histori in Aberdeen Universita. Hogben pa kontinu plu diskusi-vespera in an domi; plu ami qi pa veni pa inklude C. K. Ogden u grafo-pe de “Basic English” e un hetero boni ami Frederick Bodmer. Bi-ci andro pa stimula ma interese de plu lingua e ge-nexi tema. Hogben pa ergo ko Bodmer te grafo “The Loom of Language”; in ultima mero u-la bibli, Hogben pa introduce un idea pro internatio auxi lingua; an pa fini grafo u-ci projekti oligo anua po-co an pa publika u seqe – u bibli “Interglossa”, 1943.

Hogben pa volu eko holo resta de an bio in Aberdeen; mali-fortuna kausa de Munda Milita Bi u-ci ne pa es posi. Ad u-la tem u famili pa es ge-lisi. Mo fe-fili pa es in Sverige, mo an-fili in Wisconsin, USA e bi hetero fili pa es kon Enid qi pa ergo in Kanada. Hogben pa ki a Sverige te unio ko an fe-fili; pre viagia kon alelo ad USA te unio ko hetero membra famili.

Hogben pa gene invita de es Visita Profesora in Universita de Wisconsin. U fu-anua, pre an fini ergo in Wisconsin, Hogben pa gene kla itera ad Aberdeen. U-ci pa es tem 1941; u landa dura akti milita; e Hogben ne pa es fo sani; an pa sufere de retrosterna gutura (goitre).

U fu-anua Hogben pa ergo itera in Birmingham Universita. Id pa es la, tem piro-skope bi noktu singu setimana tem six meno Hogben pa grafo “Interglossa”; u-ci bibli pa gene publika ex Pelikan Books, 1943.

Plus-co, u-la tem Hogben gutura-pato pa gene ma-mali. An pa sufere plu tem de fatiga alo excita e ko-co takikardia. Fini an pa ki in pato-do; e pa habe u tiroidektomi (thyroidectomy); po-co an pa sufere pleuritis e pneumonia. Kron an pa es sati sani de ergo itera, an pa ergo in Milita Ofici; an pa ergo de plu Armea Medika statisti.

Tem 1946 Enid pa veni vers ad England; fe ne facili pa pote detekti ergo. Inter-tem, Hogben dura ne pa habe fo mega energi; an pa volu mega ma relaxa tem. Po, sti frustra tem pro ambi mu; Hogben pa merka u pusi domi in Ciriog, Gales (Wales). Mo anua po-co, Hogben pa sufere de tirotoxikosis e seqe-co an pa habe un hetero tiroidektomi; nu id pa es klu ma gravi; an pa ma relaxa.

Enid pa proto neo ergo pro U. N. extra-landa. Pan mu fili nu pa es ge-game; Enid e Hogben pa lisi; e po-co, pa gene divorci.

Hogben pa gene game itera tem 1957 a boni ami ge-nima Jane. Mu pa viagia ad Afrika.

- pagina 3: -

Po fini ergo in Birmingham Universita; Hogben pa gene invita de es Vice-Ministra de Universita de Britani Guiana; an pa spende solo oligo meno de un anua la.

Po fini ergo la, an e Jane pa kontinu eko in Gales in mu rura domi. Po oligo anua, kausa de plu fo frigi hiberna; e kausa Jane pa es no-sani, tem 1970 mu pa kine a neo domi in viki de Llansantfraid Glyn Ceiriog. Tem 1974 Jane pa lose bio.

Hogben pa eko meso viki; e pa habe poli boni ami; anti-co, po lose Jane, an pa este forti tristi e solito.

Mu pa fru mo-bi fo hedo anua kon alelo; mu pa amusa se in rura-lo alo dice de plu lingua alo de plu hetero intelekti interese.

U fu-anua, 22, August 1975 Hogben pa lose bio.

Tu pote lekto ma de Hogben in bibli: “Lancelot Hogben, Scientific Humanist – An unauthorised autobiography”
Plu edito-pe: Adrian & Anne Hogben.
Publika-pe: The Merlin Press, Suffolk, England.
ISBN 0 85036-470-1 Preci: £14.95

Ron Clark

Ronald Charles Clark pa gene nati in St. Pancras, London, 28 April 1914. An matri Lilian pa es fo kali gina; e iso Ron fe pa habe leuko kapila, plu ciano oku, e pa es u piktu de boni sani. An patri Charles pa es u fo sani andro; interese de panto-ra e u boni sporta-pe. An pa ergo pro Markoni; an pa es u tekno elektro-pe e interese de plu komunika-me. Mu pa eko u domi in Hampstead, London.

Tem Ron pa habe cirka bi anua, an patri pa gene cide in France; an pa es ante-line radio-pe in plu milita-agri. Lilian – u fo anti-milita-fe, zero-kron pa gene-game itera; fe pa dice “an pa es u solo andro pro mi; mi ne volu ali hetero andro”; seqe-co-co, Ron ne pa habe ali sorori alo fratri.

Tende kontinu eko in Hampstead e gene boni eduka pro Ron, Lilian pa tem-dona oligo kamera in fe domi. Mu ne pa habe mega valuta; u-la ne pa es fo gravi; pro fe, boni sani, hedo bio e boni eduka pa es plu duce-ra.

Ron pa proto gene sko de musik u piano kron an pa habe tetra anua; an pa amo klasika e Jaz musika u maxi boni. An pa ki a Marylebone Grammar Sko-do; po-co, an pa gene merita-valuta pro London Universita. An plu duce tema pa es matematika, skience, medicina e biologi. An pa gene sko de plu lingua; sed ne fo interese de mu; an pa gene-sko de mu solo kausa an pa volu komunika tem viagia extra-landa. An pa gene auxi de dice Ruski; ex Ruski-fe qi eko proxi Regent's Park, London. An pa amo un idea de un internatio lingua; sed ne amo plu-la internatio lingua qi pa existe. An panto-kron pa protesta de u mega tem e energi pe nece uti te stude u lingua. An pa volu spende u-ci valu tem stude uno-ra interese alo neo; ne disipa tem stude komplexi gramatika. Mi doxo; an proto ergo pa es in pato-do laboratri; mi ne ski ali-ra de plu seqe fu-anua de an bio.

Tem an pa habe cirka 25 anua; Ron e an matri pa kine a Shaftesbury – u rura viki in Wiltshire, in austro-ocide regio de England. Mu pa eko ko boni ami de Ron ge-nima Roy e an matri. Mu pa habe u mega paleo agri-do ge-loka epi akro kolina qi pa skope kata a Shaftesbury viki. Mu pa habe plu vaka pro lakti, krema e butira, e plu galina e anas pro plu ova. Mu pa kultiva poli speci frukti e leguma; plus-co mu pa habe u mega fungu-do e plu api pro meli. Id pa es un hedo amusa e sani bio la pro panto-pe. Posi oligo Glosa-pe memo lekto un amusa stori ex Ron de plu api la e un hetero ami ge-nima Rex; id pa es in PGN numera 65.

Mu pa habe poli ami in e peri viki e plus-co, Ron pa don-sko la. Ron e an matri freqe pa visita plu museu e teatra in London e plu kron, Ron e Roy pa viagia ma-tele inklude Paris.

Ron pa es fo interese de biologi recerka; an pa spende mega tem gresi in rura e foresta stude plu fungu; stude peri plu limno kapti plu-ra te identifi per an mikroskope alo stude plu sali-aqa petro-limno in Cornwall e Devon. Un hetero interese pa es fotografi; an pa habe auto developo-ka; plus-co Roy e Ron pa face vino e bira; bi-ci ra, mu pa dice; “pa es pro interese de skience experimenta e gusta experimenta”; mu bi matri pa auxi fo zelo ko plu gusta experimenta!

Mo di, Ron pa auxi un ami loka u neo tape in an domi. Kron mu pa tira ana u paleo tape mu pa detekti plu mero fo paleo nova-papira; e bi-ci ami ne pa pote sto se prende plu papira e lekto mu. Mo mero pa es fo ge-skizo ex “Daily Telegraph”; id pa es un artikla de u bibli revista – feno – de u lingua-bibli e u nova-papira-pe pa nima id “Hogben's Hogwash” (No-semane Disipa ex Hogben). Ron fo amo plu grafo de Profesora

- pagina 4: -

Lancelot Hogben (inklude plu bibli “Science for the Citizen”, e “Mathematics for the Million”) e an imedia pa gene interese; mali-fortuna pa es solo pusi mero artikla; anti-co, Ron pa sti memo se de cerka u-la lingua-bibli in futura.

Ron e an matri pa fo amo France e tem oligo anua mu pa habe plu karavana proxi Paris e epi Côte d'Azure. Mu pa visita singu karavana mo mero singu anua; e pa tem-dona plu hetero tem ne uti mu.

Ron e an matri pa linqe Wiltshire e pa eko in Hampshire. Klu tem viagia in Paris, Ron freqe pa doci; alo gene-sko; panto-ra es amusa e interese ad an. Mu pa facili pa face plu ami in ambi France e England; freqe mu pa fru dice de poli speci eduka-ra; iso kron mu pa habe poli komika e amusa acide – ambi mu pa es fo zelo pro bio.

Poli anua ma-tardi – posi c. 1966 – Ron pa ki in bibli-do pro ge-uti bibli tem visita Wilthire; subito, an pa vide u-la bibli de “Hogben's Hogwash” – id pa es u bibli “Interglossa – A draft of an auxiliary for a democratic world order” Ex Pelikan Books, 1943. Ron pa merka id. An pa gene fo interese de u-ci kali e simpli internatio lingua. Po lekto e stude u-la bibli Ron pa grafo a Hogben. Po-co, Ron e Hogben pa kambio oligo grama e po-co; pa dice per telefono, plu kron mu pa habe zelo e interese dice, plu-kron Hogben pa feno subo debili e fatiga. Anti-co, Hogben kontinu grafo; ko auxi de Jane an nu-pa proto grafo u neo bibli “Vocabulary of Science” e Ron pa atende de vide u kopi. Hogben pa es fo hedo kron po mero tem, Ron petitio si an pa pote kontinu developo un idea de Interglossa; brevi-tem po-co, Ron pa proto u-ci ergo.

U-la tem Ron e an matri pa eko Mudeford – u pusi viki para mari e navi-asila in Dorset. Ron pa merka u paleo grafo-me e pa proto grafo u neo ma-mega lexi-lista. An pa spende poli horo singu-di e noktu loka plu lexi in alfabeta sistema. An nu-pa face oligo kopi per sko-do dupli-me, kron, an matri pa sufere ex mali virus e pa nece ki in pato-do. Fo subito e no-ge-expekta fe pa lose bio. Id pa es u fo mega trauma pro Ron. An matri pa habe 87 anua; anti-co, pre u-la setimana fe pa es u fo sani, hedo e aktivi gina. Fe freqe pa ki ex kon plu ami; alo pa fru gresi in Neo Foresta ne tele ex mu domi. E fe nu-pa proto stude Italiano – fe maxi neo interese. Simi Ron, fe zero kron pa feno este fatiga. Ron pa klude an domi; e pa ki ab Dorset te repara se.

Fini, u fu-anua, Ron pa veni versi a Dorset te re-proto an lingua ergo. Sed un hetero non-hedo-ra; an pa gene ski; Profesora Hogben nu-pa lose bio.

Ron nu ne pa habe un okasio de dice ko Hogben te kambio plu idea. Anti-co, Ron pa decide de kontinu un ergo; an pa ski plu doxo de Hogben de u lingua; e Hogben pa dona konsili a Ron de poli aspekti de grafo e modifi u lexi-lista. Ex positivi punktu de vista, Ron nu, pa este ma libera de developo e difusi u lingua minus freqe dice a Hogben te gene an lice de singu posi muta ad Interglossa.

In oligo mode Hogben e Ron pa es fo simi; bi-ci andro pa habe mega interese e ski de matematika, biologi, skience e teknologi; plus-co, mu pa logi English e plu hetero lingua fo boni. Ron pa ski plu Latin e Greko vokabulari e pa flu dice Ruski, Deutsch e Francais. Ron pa es fo zelo pro etimologi; veri oligo boni ami pa nima an, “Profesora Etimologi”. An pa dona sko de English e plu hetero lingua a plu stude-pe de poli eva, juve e paleo; e simi Hogben, Ron pa uti plu interese e facili doci-mode pro panto-pe intra e ultra Europa. Ron pa es fo interese de plu geneti, medicina e botani. An pa uti ali okasio de gene sko per visita plu biblioteka, plu museu, per lekto alo per dice ko plu hetero stude-pe e doci-pe ko plu simi interese. Ron pa habe boni sensi de humori – bio pa es panto-kron hedo e sti mira pro an. Veri, an maxi ge-amo kanta pa es Louis Armstrong “Id es u Sti-mira Munda”. Hogben nu-pa lose bio; anti-co, iso Hogben, mi doxo; Ron pa es u fo gru andro de kontinu Interglossa.

Ron pa gene publika pro u lingua e seqe-co, an pa duce oligo unio proxi Mudeford 1 - 2 vespera singu setimana. Cirka 6 - 10 persona pa veni; e mu pa habe plu interese e amusa vespera. Maxi mero plu unio-pe pa es English-pe; oligo mu ne pa logi un hetero nati lingua; Mudeford ne pa es ad u-la tem u fo internatio loka. U ma lati e positivi reakti pro Glosa pa veni ex plu stude-pe in Southampton Universita.

Po oligo diskusi, Ron pa brevi u nima a Glossa; per-co pe pote plus u ante-nima; exempla: Medika-Glossa pro medika vokabulari; Euro-Glossa, Lega-Glossa, Latino-Glossa, Greko-Glossa, etc.

Te ma lati difusi u lingua, Ron pa decide vendo an domi te auxi in-vauta pro Glossa; e cirka 1980 an pa kine a London. Oligo anua an pa eko Hampstead – an ur-eko-lo – e po-co, an pa veni a Richmond Upon Thames, qi per koincide pa es proxi mi ur-eko-lo. U duce kausa an pa veni a Richmond pa es an freqe amo visita Regi Botani Horti, Kew; e an pa volu kontinu an biologi e botani stude inter akti an lingua ergo. Plus-co, id es facili e tako trena ex Richmond a Naturali Histori e Skience Museu in Austro Kensington.

Ron pa duce plu Glosa unio in Hampstead; ci id pa es ma internatio loka de Mudeford; e po brevi tem praxi de dice Glosa ko plu persona de extra-landa e England an pa face oligo hetero pusi modifi ad u lingua. Plu-ci pa inklude; uti fonetika ortografo.

1987 u karita Glosa Education Organisatio (GEO) pa gene nati. Id buta es: de publika Glosa. Dona info de id inter plu persona in holo munda. E sti koragio u doci de Glosa iso u lingua bi in plu sko-do. Id plus, monstra; Glosa ne es solo un internatio auxi lingua plus-co id ofere eduka valu ad ali-pe qi gene-sko de id.

Ko mega auxi ex Sa. Evelyn Jerrard, tem 1998 GEO pa gene id proto puta-me. Seqe-co, na pa pote proto publika plu ma boni Glosa bibli in oligo lingua; po-co na pa proto ma mega difusi u lingua.

- pagina 5: -

Ex u-la tem Ron e mi pa unio ko poli ami de poli landa; e na pa fru poli hedo e amusa visita e diskusi. Non-hedo, na plus, pa lose oligo fo boni ami. Sa. Evelyn Jerrard fo subito pa lose bio tem Juni 1994. (Vide PGN numera 66); fe pa auxi na publika Glosa tem plu expositi; na freqe pa unio ko fe in London e plu kron pa visita fe e fe famili in Kent. Mi dura este u lose de fe iso un ami e plus-co de u dina kon-ergo-pe.

Un hetero fo boni ami e valu-pe in Glosa promoti pa es Sr. Onen Smith in Uganda. An pa proto u doci de Glosa in poli sko-do in an landa; Ron e mi pa kambio poli stimula komunika kon an. (Vide PGN numera 71). Na pa tende unio kon an tem un eduka visita a Nederland tem Autumna 1997, anti-co, an ne pa veni ad Europa kausa an pa gene pato. An pa lose bio u-la anua; id es fo tristi de lose u-ci fo tekno e inteligi juve andro.

Tem Oktobra 1997 Ron e mi pa unio ko Sr. Banobi Herbert tem publika Glosa in boreo Italia. Banobi pa es u stude-pe de Sr. Onen Smith e pa es mo de plu proto stude-pe de Glosa in Uganda sko-do. Nu an duce Ruggotec – u Glosa Centra in Uganda. Ron e mi pa es fo excita de unio Banobi; id pa es u fo hedo tem. Id pa es u proto aeroplana viagia pro Ron; mi memo panto viagia-pe e servi-pe peri an pa este an enorma hedo e excita; Ron excita pa voci “qo-ka mi pa atende a-kron mi habe 83 anua pre ki ana ci, id es sti mira!”

Fu-anua mi pa aeroplana kon an a France te visita plu hetero Glosa ami; u-ci plus pa es u fo hedo visita pro na.

1999 Ron pa kine a neo kamera-fa in ge-asila eko-do; an ne pa es fo sani u-la tem; e an pa este ma hedo de ski; u kura-fe pa es proxi an in homo domi. Id plus pa es ma boni pro mi; kausa mi matri ne es sani; nu fe pende ex mi singu di; seqe-co, mi ne pa pote visita Ron in Richmond iso freqe de pre.

Ron freqe subito pa somni; plu-kron mi pa visita an; e detekti an somni sedi ante puta-me! Plus-co an ne pa boni audi; e plu-kron an brevi-tem memo ne pa es fo boni. Anti-co, plu hetero di an pa feno ple de energi e pa es fo aktivi.

Na pa kontinu visita plu museu, Kew Horti e London Docklands – Ron fo amo u-la topo; e an pa fo volu habe Glosa Centra la. Mali-fortuna id ne pa gene reali; fo subito Ron pa kade e lose bio Juni 12, 2000.

Mi proto pa enkontra Ron e an matri tem 1968; e nu u lose de an es non-hedo mega trauma pro mi. Mi pa gene sti mira de poli, poli ami qi pa este de mi; poli-pe pa bali plu ami lexi e stimula frasi (sura maxi mero mu in Glosa); te sti ma hedo mi e te sti koragio mi de kontinu difusi Glosa. Mi ne pa pote reakti a panto-mu; anti-co, mi sura tu; mu pa dona dina a mi. Place pardo mi; si mi ne pa reakti; mi dice ave! e mega gratia a singu ami.

Simi Kron Ron pa lose Hogben; mi nece spende tem repara se; e puta de mi futura ergo ko Glosa. Oligo idea pa veni a mi; anti-co, id es tro tosto pro mi de decide u longi-tem skema; plus-co, mi matri ne es sani; seqe-co, mi ne pote ki tele ex fe alo visita extra landa te difusi Glosa.

Anti-co, Glosa veri dura vive; poli-pe dura kambio plu grama inter plu hetero landa. Oligo Glosa-pe pa grafo a mi te explika de mu plu neo gram-ami; de komo mu auxi difusi Glosa in mu regio; plu de mu unio kon alelo tem viagia extra-landa. E gratia de un auxi de plu hetero Glosa-ami, es plu Glosa aktivi per E-posta e plu Inter-Reti pagina. Id es fo stimula vide e audi plu Glosa-ami dice e kanta la. (Vide artikla ex Marcel Springer in u-ci PGN).

Hogben e Ron pa volu iso poli-pe de posi gene-sko de, e uti Glosa. E maxi-gravi; de fru e amusa se kon id; Glosa ne es u sti-fatiga no-facili lingua; e mi este sura, ko alo minus mi auxi Glosa fu dura gene ma-difusi e fu survive pro futura. Glosa ne menaci plu nati-lingua; id es u lingua-bi pro panto-pe, panto-lo; te ofere facili komunika; e plus-co id habe eduka-valu.

Oligo na in Surrey, pa decide kontinu PGN; e na nece reakti a plu-la pe qi pa qestio; komo na tende memo Ron e an enorma ergo a Glosa. U-ci meno na pa tira u puta-me ex stora-lo. U mega entusi ex plu ami pa sti koragio mi forti; e nu mi este mi pote re-proto grafo e dice de Glosa e Ron. U-ci PGN es na neo skala ana in Histori de Glosa. Poli tu lekto-pe, petitio pro PGN de kontinu; place auxi mi kontinu face id u stimula e amusa publikatio; per bali tu plu idea e plu nova de plu aktivi. Mega gratia!

   Plu ami saluta

      Ex Wendy

N. B.
Panto aktivi e plu bibli-vendo (inklude PGN) nu es per na karita: Glosa Education Organisation,
P. O. Box 18, Richmond, Surrey, TW9 2GE, U.K.

Europa Anua de Plu lingua

U Koncili de Europa e un Europa Unio ergo kon alelo te promoti 2001 un Europa Anua de Plu Lingua. Id pa gene proto 5 April 2001. Id buta es de stimula Europa kon-ergo e ofere plu civi ma okasio. Pro ma info vide: www.eurolang2001.org..

Pro internatio komercia e eduka-recerka u pote de komunika ko panto-pe de panto-lingua es fo gravi. Anti-co, gene sko de poli hetero lingua uti mega tem e energi; e ne poli Euro-pe habe sati tem de gene-sko de ma de bi alo tri Euro-lingua. E qo de poli lingua ge-dice ultra kontinenta de Europa? U-la es u kausa Hogben e Clark pa ergo ta zelo developo e difusi un internatio auxi lingua - Glosa. U buta de Glosa ne es de vice plu natio-lingua; sed de ofere facili komunika inter plu demo in holo munda. Glosa nu existe; e Glosa monstra id es facili e boni pro poli pe; na nece puta de poli hetero mode de gene id ma-lati ge-ski.

Wendy Ashby

- pagina 6: -

Glosa in Inter-reti

“Inter-reti fu muta na vita!”, pe pa dice. E plu kapitalisti-pe imedia merka plu mero de plu Inter-reti-firma. Mu gene fo pluto ko plu firma homo Yahoo, Amazon-dot-com alo Ebay. Sed subito mo persona pa qestio; “Inter-reti es boni. Sed qo-mode plu firma pote gene valuta per id?” Po-co, plu Inter-reti-mero sti plu lose. Poli pe pa lose ma valuta de gene pre nu. E ka-co, mu lose pluso poli lakrima.... –

In urba; klu si id es u mega urba; ne poli pe habe interese de plu lingua. E solo oligo pe habe interese de plu munda-auxi-lingua. Posi u-la mega urba habe un Esperanto-Grega kon oligo membra. Pro plu hetero auxi-lingua; qi es ma juve; e qi posi es ma boni de Esperanto, exempla, Glosa; pe ne facili pote detekti plu ami la.

Homo, mu nu-pa dice; pe ne facili pote gene valuta per Inter-reti; anti-co, na pote detekti plu Glosa-ami per id!

Un Inter-reti habe un e-grama-lista pro Glosa. Sr. Robin Gaskell ex Australia pa komence id tem 1997. Tem ali-pe grafo ad id per e-posta; pan hetero-pe epi u-la lista pote lekto id. E singu persona pote responde. So, u-ci lista pa dona a na, space pro poli fo interese diskursi in Glosa e de Glosa.

E pro veri internatio kon-ergo; plu pe ex holo munda pa du ergo pro neo Glosa-verba-bibli. Nuli-tem mu pa enkontra alo vide alelo. Mu eko fo tele ex alelo; anti-co, mu akti mo ra simul.

Plus-co, plu hetero Inter-reti pagina de Glosa existe. Proto Glosa Inter-reti pagina pa gene face tem 1996 ex Paul Bartlett in USA. Nu ali-pe ex holo munda pote gene info de Glosa fo tako.

Un hetero Glosa-ami Sr. Syd Pidd nu-pa proto plu Inter-reti pagina. An eko-lo es: www.members.AOL.com/sydpidd/glosa.htm

Mi habe Glosa-pagina ko nima www.glosa.org. Id explika; qo-mode u Glosa-grama-lista funktio e qo-mode tu pote gene membra de id. Tu pote detekti la plu verba-lista, plu textu de Glosa-gramatika ex Robin Gaskell e oligo pusi textu. In textu-kolektio tu pote vide plu piktu de plu Glosa grafo-pe. Neo-ra in u-ci pagina es plu brevi audi exempla.

Tu pote audi Ron Clark e Wendy Ashby dice kon alelo in Glosa. Alo Robin lekto u stori; alo tu pote audi Gary Miller e an bi juve fe-fili kanta, – sura in Glosa!

Mi ski; plu hetero auxi lingua habe ma kali Inter-reti pagina; posi ko ma kroma. Na fu dura ergo te sti ma-boni qalita; e sti ma mega un elekti de info la. Anti-co, place visita www.glosa.org!

      Marcel Springer
      Hamburg, Deutschland.

Glosa Kanta in Inter-reti

Karo plu Glosa-ami; na famili, Gary, Barbara Jo, Johannah (9) e Suzannah (7) nu kanta in Marcel Springer Inter-reti-pagina. Place vide na piktu la; e audi na: (www.glosa.org/en/audi.htm).

Ci es plu lexi de mo de na kanta epi u-la pagina.

Rubi Fluvi Vali

1. Ab na vali – mu dice – tu fu ki.
   Na fu este u minus de tu,
   Ka – mu dice – ne es heli-foto
   Po-kron tu ki ab vali e mu.

rekanta: Si tu amo mi, kron sedi ko mi.
   Nuli vale ex tu fu es gru,
   Sed sti memo de na fluvi vali
   E bovi-an; qi amo tu.

2. O, mi longi-tem puta, mi karo,
   De pan verba; tu ne dic a mi.
   Sed pan mi spe nu gene no-feno
   Ka – mu dice – tu ki ab fu-di.

3. Mu fu fune mi sub la; tu gresi,
   Sub la buno, la flori es su.
   Po-kron tu fu es ab fluvi vali,
   Ka mi ne pote es minus tu.

Na plus grafo “Justi” u gratis publika-ma in Esperanto e Glosa; ali-pe; qi volu u kopi place grafo a na:

      U Miller Famili,
      409-7 Avenue NW,
      Mandan, ND., 58554 - 2522, U. S. A.
      <miller.justi@....net> [Ma neo e-adresa: ]

Glosa in Universita

Mi pa gene e-posta ex Dr. Rudolf Fischer. An pa lekto mi inter-reti pagina. An es lingua-skience-pe in universita in Münster, Deutschland. Fu-semi-anua an dona u seminari de plu munda-auxi-lingua; e la, an volu dice pusi-ra de Glosa.

Mi pa visita an Inter-reti pagina; id eko-lo es: (http://medweb.uni-muenster.de/~fischru). La mi pa lekto; an es presidenti de Münster Esperanto-Grega; seqe-co, an habe maxi amo pro Esperanto; e sura an fu dice u-ci ad an plu stude-pe. Anti-co, posi oligo an stude pe fu gene interese de plu-la boni-ra de Glosa. Mi spe; Glosa fu gene plu neo ami ex u-ci seminari. E mi doxo; id sio es boni; si Glosa gene ma auxi interese ex plu lingua-skience-pe.

Marcel Springer

- pagina 7: -

Un Urba Kon U Kastela

Infra alti tesku
Plu buna, agri, agri-lo
Longi baso lito, plu domi skapa a skapa,
plu viki deklivi in
plu line a plata-landa
Meandro, u via, evita diluvia, evita alti plato
Juga plu dista viki

–
orienta
–

Ma mega viki
Lito e brika humili e pluto-fikti
Line e makula ko kromo horti
Lito homo kremno supra
Brika fo kontra plu kloro agri

–
orienta
–

Meandro in plu lati rubeola de brika, no-kura
ge-mite ge-pande supra plu buna e kata plu ma latu

–
orienta
–

Urba via dia plu dendro line plu pluto domi mega horti,
kloro sed no agri, no inter space
Ma pusi domi proxi alelo fo pusi horti
Inter domi plu pusi boteka

–
orienta
–

Domi, boteka, eklesia skapa a skapa
Ma alti tekto plu domi supra plu boteka
Plu longi line de boteka
Tekto tekto tekto u rubi kli-te epi pan tera
suprema plu buna, plu vali, plu agri, plu silva
Pan tekto, domi, via
U mari de tekto

–
orienta
orienta
–

U feru-via statio
U marketa in importa-do
U grandi urba krati-do
Plu grandi hoteli
Plu antiqa via steno longi u buna
Plu antiqa via steno longi u buna
Plu antiqa domi steno e alti, skapa a skapa
Mo domi epi skapa de hetero
Mo porta-basi libela u hetero tegu
Lukta no glisa kata, tensio ana a kastela
Iso plu unda epi litora
U diluvia de tekto bate u pedi de kastela

–
U centra
–

U centra de paleo urba
U ma neo urba extende se pan direkti
SED subito
un urba sto!

–

Ad orienta semi de urba ge-seka ab!
Ad ocide poli tekto, agri, buna, dendro
Ad orienta nuli domi, nuli via, nuli agri, nuli buna
Subito, solo plati libela a dista vide
Subito, solo u mari
Nuli tako turba peti pulsa voci
Pan es paci

      Ex Sid Pidd
         Scarborough, England.

Plu komenta:–
Teska – alti, no ge-kulti-lo, aqa tera, paluda. Ex Latino tescum.
Deklivi – klina kata. Ex Latino declivis.
Rubeola – homo u rubi. Es skience-Latino lexi deriva ex Latino rubeus.

Plu Inter-reti Pagina

Mi nu-pa proto face plu Glosa Plu Inter-reti-pagina; place visita mu:

www.members.AOL.com/sydpidd/glosa.htm
www.members.AOL.com/sydpidd/invita.htm
www.members.AOL.com/sydpidd/StiGlosa.htm
www.members.AOL.com/sydpidd/page1.htm
www.members.AOL.com/sydpidd/eeee.htm

- pagina 8: -

Enigma Pagina: place vide www.glosa.org/pic/pgn084_enigm.png

www.glosa.org, 2005-09-20 ... 2009-04-25.