![[pikto de bibli e kandela]](../pic/kristob01.jpg)
Paleo Testamento:
Plu Psalmus (solo mero);
Neo Testamento:
Boni-Info de Mataios (solo mero),
Boni-Info de Lukas,
Boni-Info de Johanes (solo mero),
Plu akti de plu apostola,
Grama a plu Galata-pe.
(ge-translati ex Glosa inventi-pe Ron Clark, GB, vide bibli "18 Steps to Fluency in Euro-Glosa", p. 33)
![[pikto: pastora e plu ovis]](../pic/kristob02.gif)
| 1 | Psalmus. Ex David. |
| U Teo es mi pastora. Mi ne fu fami; | |
| 2 | An don a mi u kli in kloro agri. |
| An duce mi para plu paci aqa; | |
| 3 | An fresko mi spiritu. |
| An duce mi in plu via de veri, pro an nima. | |
| 4 | Klu kron mi gresi dia vali de umbra de morta, mi fobo nuli kako; |
| Ka Tu es ko mi; | |
| Tu baci e Tu ovi-ru konsola mi | |
| 5 | Tu prepar u tabla pro mi kontra mi plu anti-pe; |
| Tu flu olea epi mi kefa; | |
| Mi kalici supra flu. | |
| 6 | Sura, agata e pardo fu seqe mi panto di de bio; |
| E mi fu eko in domi de Teo holo tem. |
...
(U proto de "Sermoni epi Monti", plu "Bene-dice-lauda", ge-translati ex Glosa autori Wendy Ashby, GB.)
1 Vide plu poli-pe, an pa ana monti, e kron an pa sedi; an plu discipuli pa veni ad an. 2 E an pa apri stoma; epa doci mu, dice;
| 3 | "Hedo es plu pove de spiritu; ka mu fu habe urani. |
| 4 | Hedo es plu-la; qi lamenta; ka mu fu gene konsola. |
| 5 | Hedo es plu paci-pe; ka mu fu herit u geo. |
| 6 | Hedo es plu-la; qi cerka justi; ka mu fu gene id. |
| 7 | Hedo es plu pardo-pe; ka mu fu gene pardo. |
| 8 | Hedo es plu puri in kardia; ka mu fu vide Teo. |
| 9 | Hedo es plu paci-pe; ka mu fu gene nima plu fili de Teo. |
| 10 | Hedo es plu-la; qi gene persekuta pro veri; ka urani fu veni a mu." |
...
...
(U "Na parenta", ge-translati ex Daniel A. Alegrett Salazar (?), Venezuela, 1999)
9 ... Na parenta in Urani; na volu; Tu nima gene revero. 10 Tu krati veni; Tu tende gene akti epi Geo homo in Urani Place; 11 don a na nu-di na di-pane; 12 e Tu pardo na plu mali akti. Metro na pardo mu; qui akti mali de na. 13 E ne dirige na a plu moli ofere; sed libe na ab mali.
(ge-adi u bene ge-ski himno:) (Ka Tu tena u krati, u dina e un eufamo pan tem).
...
(U seqe textu habe un holo bibli, ge-translati ex Gary Miller, USA, 2001-2002)
1 Poli homi pa prende ad-in manu tende grafo un histori de ra; qi es maxi ple ge-kredi inter na, 2 e pa dona a na, ka mu pa es oku-testi-pe e servi-pe de u Verba ex proto. 3 Taxo grafo a tu, maxi fo-boni Teofilo, feno boni a mi; qi pa gene exakti ski de panto-ra ex proto, 4 so tu fu gene ski de sura de ra; de qi tu pa gene doci.
5 Acide tem plu di de Herode, Juda-landa an-regi: pa es un Abija-divide preka-pe, ge-nomina Zaharia, e Aaron-fili sponsa, ge-nomina Elisabet. 6 Panto mu es justi ante Teo, tem akti minus etio akorda panto komanda e lega de na Cefa. 7 Ne pa es un infanti, ka Elisabet pa es no-fertili. Panto mu es paleo. 8 Acide: tem preka-pe servi ante Teo per taxo de tem 9 akorda more de preka-pe servi, an pa gene elekti per fortuna tende akti piro de gluko-odoro-ma, po ki ad-in Teo religio-do. 10 Panto-pe dice preka extra religio-do tem gluko-odoro-ma. 11 Un angeli de na Cefa monstra se e sta a dextro de gluko-odoro-ma mensa. 12 Kron vide, Zaharia este turba, ko-co an subito este fobo. 13 Un angeli dice ad an: "Ne este fobo, Zaharia, ka tu preka pa gene audi. Tu sponsa, Elisabet, fu nati an-fili a tu. Tu fu voci an per nomina 'Joane'. 14 "An fu es un hedo e u delekta a tu. Poli homi fu voci hedo, kron an fu es ge-nati. 15 "ka an fu es importa ante na Cefa. An fu bibe vino e forti alkoholi-ma per nuli mode. [Teo] Sankti Spiritu fu es ple in an klu ex matri uteri. 16 "An fu stimula poli Israel-fili a Teo, na Cefa. 17 "An fu ki ante An per Elija spiritu e dina tende stimula patri kardia a fili e no-obe-pe a sofi de justi-pe e tende face prepara a na Cefa panto-pe." 18 Zaharia dice ad angeli: "Mi fu gene ski de u-ci per qo, ka mi es paleo-pe e mi sponsa paleo?" 19 Tem reakti, un angeli dice: "Mi es Gabriel; qi sta ante Teo. Mi pa gene mite tende dice a tu e tende voci a tu plu-ci boni nova. 20 "Vide; tu fu es no-dice e no-pote de loqi a di, kron panto-ci fu acide, ka tu ne este kredi de mi verba; qi fu gene sati auto-tem." 21 Panto-pe du atende Zaharia e dice a se u qestio; qo-ka an es po-kron in religio-do. 22 Anti-co, po ki-ex, an ne posi dice. Mu gene ski; an pa habe mira-vista in religio-do. An face sema e dura es no-dice. 23 Acide: kron servi di gene sati, an ki versi auto domi. 24 Po plu-ci di, Elisabet, an sponsa, gene fili intra se e face ge-kripto se tem penta meno tem dice: 25 "Na Cefa pa akti u-ci a mi tem panto di; tem qi An vide mi, tende apo mi mali stato inter homi."
26 Tem meno sixa Teo bali un angeli Gabriel a civita; qi nomina es Nazaret, in Galilai-landa, 27 a virgo, ge-promise ad andro, David-fili; qi nomina es Josef. Virgo nomina es Maria. 28 Kron ki a fe, un angeli dice: "Saluta, ge-amo-pe. Na Cefa es ko tu. Tu es ge-bene-dice inter gina." 29 Kron vide, fe este turba kausa verba, e fe sti puta; u-ci es qo saluta. 30 Un angeli dice: "Ne este fobo, Maria, ka Teo pa dona favo a tu. 31 "Vide; tu fu gene fili intra uteri, e tu fu nati un an-fili e fu voci An per nomina 'JESU'. 32 "An fu es importa. An fu gene nomina 'Maxi-Alti-Pe Fili'. Teo, na Cefa, fu dona ad An u regi-landa de An patri David. 33 "An fu es u regi supra Jakob-fili panto-tem. Ne fu es fini de regi-landa." 34 Maria dice ad angeli: "Per qo mode u-ci fu es, ka mi ne habe ski de andro?" 35 Tem reakti, un angeli dice: "[Teo] Sankti Spiritu fu ki epi tu. Maxi-Alti-Pe dina fu es tegu supra tu. Ka-co u ge-nati Sankti-Pe fu gene nomina 'Teo Fili'. 36 "Vide; Elisabet, tu relati-pe, gene an-fili intra se tem paleo eva. U-ci meno es u sixa a fe; qi pa gene voci per nomina 'no-fertili', 37 "ka panto-ra ne es no-posi ko Teo." 38 Maria dice: "Vide; mi es u dulo de na Cefa. Fu es a mi akorda tu verba." Un angeli ki-ab.
39 Po sta tem plu-la di, Maria tako ki a buno landa a civita in Juda-landa 40 e ki in Zaharia domi e dona saluta ad Elisabet. 41 Acide: kron Elisabet audi Maria saluta, u babi salta intra uteri. [Teo] Sankti Spiritu es ple in Elisabet. 42 Fe voci per fo soni voka e dice: "Tu es ge-bene-dice inter panto gina e produce-ra de tu ge-bene-dice. 43 "Ab qo-lo es u-ci a mi, so u matri de mi Cefa debi ki a mi? 44 "Ka vide; kron u soni de tu saluta pa ki ad-in mi oti, u babi intra mi salta per vikto. 45 "Fe; qi pa este kredi: este hedo, ka fu es u sati de ra; ge-dice ex na Cefa."
46 Maria dice: "Mi psiko face mega na Cefa. 47 "Mi spiritu habe vikto per Salva-pe Teo. 48 "An vide u civili de Auto dulo, ka vide; panto homi de panto tem fu voci hedo mi po nu. 49 "Na Dina-Pe pa akti a mi u mega. An nomina es sankti. 50 "An favo es a panto homi-fili; qi este fobo. 51 "An face dina per Auto braki. An face difusi pe; qi dona lauda a se per auto puta. 52 "An apo regi ex regi-landa e face importa non-importa-pe. 53 "An face sati fami-pe per boni e bali vaku pluto-pe. 54 "An dona auxi ad Israel, Auto dulo, tende sti memo de favo 55 "akorda; An pa dice a na patri, ad Abraam ko fili, panto-tem." 56 Maria du resta ko fe cirka tri meno e ki versi auto domi.
57 U nati-kron gene sati ad Elisabet. Fe nati un an-fili. 58 Para-pe e relati-pe audi fe; qi dona lauda de favo de na Cefa ko se, ko-co mu voci hedo ko fe.
59 Acide: tem di ok, mu veni tende akti peri-seka ritu de ju-an tem voci an per patri nomina 'Zaharia'. 60 Tem reakti, u matri dice: "No, anti-co an gene voci per nomina 'Joane'." 61 Mu dice a fe: "Inter tu relati-pe es nuli-pe; qi es ge-voci per u-ci nomina." 62 Mu face a patri plu sema; an volu voci an per qo nomina. 63 Po face petitio de grafo taba, an grafo: "An nomina es 'Joane'." Panto-pe este mira. 64 An stoma e glosa imedia gene libe. An dice tem bene-dice a Teo. 65 Panto-pe; qi du eko peri mu, gene fobo. [Panto-pe] in holo buno landa in Juda-landa dice de panto nara. 66 Panto-pe; qi audi, longi-tem puta tem dice: "U-ci ju-an fu es qo?" U manu de na Cefa es kon an.
67 U patri Zaharia gene ple per [Teo] Sankti Spiritu e pre-dice: 68 "Teo de Israel, na Cefa, es ge-bene-dice, ka An pa vide e paga u preci pro Auto demo, 69 "ko-co An leva forti salva a na inter fili de David, An dulo, 70 "akorda; An pa dice ex stoma de Auto panto sankti pre-dice-pe po tem habe proto, 71 "so na fu gene salva ab non-ami e ab manu de panto-pe; qi este miso de na, 72 "tende face favo ko na panto patri e tende memo Auto sankti akorda, 73 "tende dona a na u jura; An akti ad Abraam, na patri: 74 "tem gene salva minus fobo ex manu de non-ami, na fu servi An 75 "per sankti e per justi tem panto bio di. 76 "Tu, pusi ju-an, fu gene nomina 'Pre-Dice-Pe de Maxi-Alti-Pe', ka tu fu ki ante Teo tende face prepara u via 77 "e tende dona ski de salva ad An demo per pardo de mu kako akti, 78 "ex Cefa veri favo; per qi u Di-Proto ex alti sti visita a na, 79 "tende dona foto a pe; qi sedi in skoto e in morta umbra, e tende duce na pedi longi paci via." 80 Pusi ju-an kresce e gene spiritu forti. An es in agrio landa a-kron monstra ad Israel-fili.
1 Acide tem plu-la di: krati-ra origi ex imperi-regi Augusto: holo munda fu es ge-lista. 2 U lista proto acide tem Qirini es u Siria-landa cefa. 3 Panto-pe ki tende gene ge-lista--panto-pe ad auto civita. 4 Josef ki ab Galilai-landa ex Nazaret-civita a Juda-landa a David civita; qi es ge-nomina Betleem, ka an es de David fili e famili, 5 tende es ge-lista ko Maria, ge-promise sponsa, tem fe habe fili intra se. 6 Acide: tem es la, u di; fe akti nati, es sati. 7 Fe nati un an-Fili, proto-ge-nati pe, e involve per textili e moti An in zoa fago-va, ka ne es loka in somni-do.
8 Es plu ovis-pe in iso landa; qi du eko in agri e du guarda supra ovis grega tem noktu. 9 Vide; un angeli de na Cefa sta proxi mu. U glori de na Cefa dona foto peri mu. Mu este mega fobo. 10 U-ci angeli dice: "Ne este fobo. Vide; mi voci a vi plu boni nova de mega hedo; qi fu es a panto-pe. 11 "U Salva-pe; Qi es Kristo, na Cefa, pa es ge-nati a vi nu-di in civita de David. 12 "U-ci es u sema a vi: vi fu detekti u babi; ge-involve per textili e kumbe in zoa fago-va." 13 Kon angeli subito es mega de urani arme; qi dona lauda a Teo tem dice: 14 "Glori a Teo in maxi alti, paci epi geo, boni doxo in panto homi!" 15 Acide: tem panto angeli ki ab mu in urani, plu-ci ovis-an dice ad alelo: "Na fu face iti a Betleem-civita. Na fu vide u-ci nara; qi acide e na Cefa pa dona ski a na de." 16 Mu ki ko tako e detekti Maria e Josef kon u babi; kumbe in zoa fago-va. 17 Po vide, mu face difusi ski de nara; ge-dice de Ju-an. 18 Panto-pe; qi audi, este mira de ra; plu ovis-pe pa dice a mu. 19 Maria tena panto nara tem kura puta de mu. 20 Plu ovis-pe ki versi tem dona glori e lauda a Teo kausa panto-ra; mu pa audi e pa vide akorda dice a mu.
21 Okto di pre Ju-an peri-seka ritu gene sati. An es ge-nomina 'JESU'; per qi An pa es ge-nomina ex angeli, pre An habe origi intra matri.
22 Panto di de puri ritu, akorda Moses lega, gene sati. Mu fero An a Jerusalem-civita tende akti dona a na Cefa, 23 akorda ge-grafo in Lega de na Cefa: "Panto andro; qi aperi uteri, fu es ge-voci sankti a Teo," 24 e tende dona sakrifice, akorda dice in Lega de na Cefa: "u bi de Streptopelia-avi alo bi juve Kolumba-avi." 25 Vide; es un andro--justi e religio andro; qi nomina es Simeon, in Jerusalem-civita tem atende Israel Konsola-Pe. [Teo] Sankti Spiritu es epi an. 26 [Teo] Sankti Spiritu pa monstra; an ne fu vide morta pre vide Kristo de na Cefa. 27 An ki in religio-do per [Teo] Spiritu, kron parenti fero u ju-an, so mu posi akti pro An akorda lega more, 28 ko-co an prende An a braki e bene-dice Teo tem dice: 29 "Cefa: lice; Tu dulo nu ki ko paci, 30 "ka mi oku vide Tu Salva; 31 "Tu pa face prepara ante panto-pe-- 32 "Foto de monstra a no-juda-pe e Glori de Tu Israel-fili." 33 Josef e An matri este mira de ra; an pa dice de An. 34 Simeon bene-dice e dice a Maria, An matri: "Vide; An es ge-fixa a kade e a leva de poli homi in Israel-landa e homo sema; anti Qi fu es dice. 35 "De tu: u gladia fu ki dia tu psiko, so doxo de poli homi fu es ge-monstra."
36 Es Ana, pre-vide-fe, fili de Fanuel de Aser tribu. Fe es fo paleo po bio ko sponsa tem seti anua po virgo. 37 Fe es u vidua de okto-tetra anua. Fe ne ki ex religio-do tem servi per no-fago e per preka tem noktu e tem di. 38 Fe, tem simul veni, dona lauda a na Cefa e dice de An a panto-pe; qi du atende salva in Jerusalem-civita.
39 Po mu akti fini de panto-ra akorda Lega de na Cefa, mu ki versi Galilai-landa a Nazaret-civita. 40 U Ju-an du kresce. Teo amo es epi An.
41 An parenti ki a Jerusalem-civita a Paska-festa singu anua. 42 Tem An habe mo-bi anua, mu ki a Jerusalem-civita akorda festa more. 43 Po [festa] di fini, tem mu ki versi Nazaret-civita, u Ju-an Jesu du resta in Jerusalem-civita. Josef e An matri ne habe ski de id. 44 Tem postula; An es in grega inter kognati-pe, mu du iti tem mo di e akti cerka inter relati-pe e inter ge-ski-pe. 45 Po ne detekti, mu ki versi Jerusalem-civita tem akti cerka. 46 Acide po tri di: mu detekti An in religio-do, tem An sedi meso doci-pe e tem audi e tem dice qestio. 47 Panto-pe; qi audi, este mira de An logi e de An reakti. 48 Kron vide An, mu este mira. An matri dice ad An: "Ju-an, qo-ka Tu akti a na tali ra? Vide; Tu patri e mi pa akti cerka de Tu." 49 An dice a mu: "Qo-ka vi akti cerka de Mi? Qe vi ne ski; Mi nece dona kura a Mi Patri pragma?" 50 Mu ne logi nara; An pa dice a mu.
51 An veni ko mu e ki a Nazaret-civita e tena obe. An matri longi puta de panto nara. 52 Jesu kresce per sofi e per alti, plus per amo ko Teo e kon homi.
1 Tem imperi-regi Tiberi anua mo-penta e tem Ponti Pilato es Juda-landa cefa e tem Herode es Galilai-landa qarto-cefa e tem Filipo es Itura-e-Trakoniti-landa cefa e tem Lisani es Abilene-landa cefa, 2 Ana e Kaiafa arki-preka-pe tem, Teo nara ki a Zaharia fili Joane in agrio landa. 3 An ki in panto landa peri Jordane-fluvi tem voci de bapti ritu de penite kon apo kako akti, 4 homo ge-grafo in bibli de Isaia, pre-dice-pe, dice: "U voka de voci-pe in agrio landa: 'Face prepara u via de na Cefa. Face rekti An pedi-via.' 5 "Panto vali fu es ge-ple. Panto monti e panto buno fu es ge-baso. No-rekti loka fu gene rekti e u ruga via glabro. 6 "Panto homi fu vide Teo salva."
7 Ka-co an dice a poli-pe; qi veni, tende gene u bapti-ritu ex an: "Vipera fili! Qo-pe dice a vi monita; fugi ab veni koleri? 8 "Ka-co face produce-ra; digni de penite. Ne proto dice intra se: 'Na habe na patri Abraam,' ka mi dice a vi; Teo pote face plu Abraam-fili ex petro. 9 "Pre-nu u peliko es ge-uti epi dendro radi. Ka-co panto dendro; qi ne pa face boni frukti, fu gene seka e fu gene bali in piro." 10 Plu poli-pe dona qestio tem dice: "Na debi akti qo-ra?" 11 Tem reakti, An dice: "Pe; qi habe bi tunika, fu dona mero ad homi; qi ne habe. Pe; qi habe sito, fu homo akti." 12 Plu fiska-pe veni tende gene a se u bapti-ritu e dice ad an: "Doci-pe, na fu akti qo-ra?" 13 An dice a mu: "Prende ne ma de ra; qi pa es ge-fixa a vi." 14 Plu milita-pe dona qestio tem dice: "Na debi akti qo-ra?" An dice a mu: "Akti opresi anti nuli-pe, ni dice falsi etio. Este sati per vi in-valuta."
15 Tem panto-pe este expekta e puta de Joane intra se; qe an es Kristo, 16 Joane reakti a panto-pe tem dice: "Veri, mi akti bapti-ritu a vi per aqa. Un Homi; Qi veni e Qi pedi-ve; mi ne es gru tende face laxa u fixa-ra, es ma dina de mi. An fu akti bapti ritu a vi per [Teo] Sankti Spiritu e per piro. 17 "An lisi-ru es in manu, ko-co An fu face kompleti puri u pedi-lo e fu kolekti Tritikum in grana-do, ko-co An fu destru gluma per no-sto piro." 18 Tem dice inkoragio per poli hetero pragma, an dona a panto-pe plu boni nova. 19 Po Joane dice kritici de Herodia; sponsa de an fratri Filipo, e po kritici de panto kako; Herode akti, u qarto-landa-cefa Herode 20 adi a panto-ra u-ci; an face ge-klavi in karcera Joane. 21 Acide: po panto-pe gene u bapti-ritu e po Jesu gene u bapti-ritu e tem An dice preka, un urani es ge-aperi, 22 ko-co [Teo] Sankti Spiritu ki kata per soma forma homo Kolumba-avi epi An. U voci ki ex urani tem dice: "Tu es Mi ge-amo Fili, Mi este hedo per Tu."
23 Jesu pa habe cirka tri-ze anua tem proto, homo, pe postula; u Fili de Josef, de Eli, 24 de Matat, de Levi, de Melhi, de Jana, de Josef, 25 de Matatia, de Amos, de Naum, de Esli, de Nagai 26 de Maat, de Matatia, de Semei, de Josef, de Juda, 27 de Joana, de Resa, de Zerubabel, de Sealtiel, de Neri, 28 de Melhi, de Adi, de Kosam, de Elmodam, de Er, 29 de Jose, de Eliezer, de Jorim, de Matat, de Levi, 30 de Simeon, de Juda, de Josef, de Jonan, de Eliakim, 31 de Melea, de Menan, de Matata, de Natan, de David, 32 de Jese, de Obed, de Boaz, de Salmon, de Nason, 33 de Aminadab, de Ram, de Hezron, de Perec, de Juda, 34 de Jakob, de Isaak, de Abraam, de Tera, de Naor, 35 de Serug, de Reu, de Peleg, de Heber, de Sela, 36 de Kainan, de Arfaksad, de Sem, de Noa, de Lameh, 37 de Metusela, de Enoh, de Jared, de Maalalel, de Kainan, 38 de Enos, de Set, de Adam, de Teo.
1 Jesu; ple per [Teo] Sankti Spiritu, ki versi ab Jordane-fluvi. U Sankti Spiritu duce An in agrio landa 2 tem tetra-ze di e tem Diaboli tenta stimula kako in An. An fago nuli-ra tem plu-ci di. Po mu habe fini, An este fami. 3 Diaboli dice: "Si Tu es Teo Fili, dice a petro, tende id gene muta a sito." 4 Jesu reakti ad an: "Es ge-grafo: 'Homi ne es vive solo per sito sed per Teo panto nara.'" 5 Po duce An ana alti monti, Diaboli monstra ad An panto regi-landa de munda tem minuta. 6 Diaboli dice: "Mi fu dona panto-ci arki e glori a Tu, ka holo-ci pa es ge-dona a mi, mi posi dona id ad ali-pe; mi volu. 7 "Ka-co, si Tu fu dona lauda ante mi, panto-ra es de Tu." 8 Tem reakti, Jesu dice: "Gene poste Mi, Satana, ka es ge-grafo: 'Tu fu akti adora a Teo, tu Cefa, ko-co tu fu akti servi solo ad An.'" 9 An duce a Jerusalem-civita e moti An epi religio-do turi e dice: "Si Tu es Teo Fili, bali-kata Se, 10 "ka es ge-grafo: 'An fu dona arki de tu ad Auto angeli tende du alexi Tu. 11 "'Mu fu fero tu in manu, kaso tu bate pedi anti petro.'" 12 Tem reakti, Jesu dice: "Pa es ge-dice: 'Tu ne fu stimula kako a Teo, tu Cefa.'" 13 Po fini de panto tenta stimula kako, Diaboli ki ab An uno-tem.
14 Jesu ki versi Galilai-landa per dina de [Teo] Spiritu. U rumora de An ki dia holo landa. 15 An dona sko in religio-do tem gene glori ex panto-pe.
16 An ki a Nazaret-civita; topo An pa gene eduka. An ki ad-in religio-do homo; es more tem sto-ergo-di, e sta tende lekto. 17 An gene u bibli de pre-dice-pe Isaia. Po aperi u bibli, An detekti u loka; in qi es ge-grafo: 18 "Teo Spiritu es epi Mi, ka An pa fusi oleo epi Mi tende voci plu boni nova a pove-pe, e ka An pa mite Mi tende akti repara ad homi ko ge-frakti psiko e tende voci libe a kapti-pe e voci vide a no-vide-pe e tende mite libe plu ge-opresi-pe 19 "e tende voci cepti anua de na Cefa." 20 Po klude e po apo u bibli a kura-pe, An sedi. Plu oku de panto-pe in religio-do tena fixa ad An. 21 An proto dice a mu: "Tem nu-di, u-ci grafo gene sati in vi oti." 22 Panto-pe gene testi e este mira de amo verba; qi ki ex stoma. Mu dice: "Qe An ne es Josef fili?" 23 An dice a mu: "Ko sura, vi fu dice a mi u-ci kompara: 'Medika-pe, akti repara a tu auto.' Akti panto-ra; Tu akti in Kapernaum-civita, in Tu landa." 24 An du dice: "Mi dice a vi; es veri; nuli pre-dice-pe es ge-cepti in auto landa. 25 "Mi dice a vi per veri; pa es poli vidua tem di de pre-dice-pe Elija in Israel-landa, tem urani es ge-klude tem tri anua sixa meno e tem es u mega fami panto-lo epi landa. 26 "Elija ne gene mite a nuli-pe sed a vidua-fe in Sarepta-civita in Sidon-landa. 27 "Es poli derma-pato-pe in Israel-landa tem pre-dice-pe Elisa, ko-co nuli-pe gene puri sed u Siria-pe Naaman." 28 Panto-pe in religio-do gene ple per koleri tem audi panto-ci. 29 Po sta, mu bali ex civita e duce An a monti margina; epi qi mu pa face u civita, tende bali-kata An. 30 Po ki dia meso, An ki-ab.
31 An ki a Kapernaum, u Galilai civita, e doci tem sto-ergo-di. 32 Mu este mira de doci, ka An verba es per arki. 33 Es un andro; qi habe u spiritu de kako diaboli, in religio-do. An voci per mega fono, 34 tem dice: "O, qo a na e a Tu, Nazaret-pe Jesu? Qe Tu veni tende akti destru de na? Mi ski; Tu es qo: Teo Sankti-Pe." 35 Jesu dice kritici: "Sti silento, ko-co ki ex an." Po bali in meso, u diaboli ki ex an, po akti noku per nuli mode. 36 Panto-pe gene mira. Mu dice ad alelo tem dice: "Qo verba es u-ci, ka An dice komanda a kako spiritu per arki e per dina, ko-co mu ki-ex?" 37 Re-dice de An ki in panto loka de peri landa.
38 Po veni ex religio-do, An ki ad-in Simon domi. Simon sponsa matri este algo ex mega febri. 39 Tem sta supra fe, An dice kritici a febri, ko-co id linqi fe. Po imedia sta, fe dona servi a mu.
40 Tem un heli ki kata, poli homi; qi habe pato-pe ko difere pato, duce ad An. Po moti manu epi panto-pe, An akti repara. 41 Plu diaboli ki ex poli homi tem dice: "Tu es Kristo, Teo Fili." Tem dice kritici, An ne lase; mu dice, ka mu ski; An es Kristo. 42 Po di veni e po ki ex, An ki ad eremo loka. Plu poli-pe akti cerka e ki ad An e face lento, tende An ne ki ab mu. 43 An dice a mu: "Mi nece voci plu boni nova de Teo regi-landa ad hetero civita, ka Mi pa gene mite kausa u-ci." 44 An du dona doci in Galilai religio-do.
1 Acide: tem u poli-pe du presa anti An tende audi Teo verba, An sta para Genesaret-laku. 2 An vide; bi navi sta epi laku. Po ki-ex, plu piski-pe face puri plu reti. 3 Po ki in mo navi; qi es de Simon, An dice petitio; an moti pusi ab landa. Po sedi, An dona sko ex navi a poli-pe. 4 Po sto dice, An dice a Simon: "Moti supra bato e moti-kata plu reti tende kapti plu piski." 5 Tem reakti, Simon dice: "Cefa, po ergo tem holo noktu, na pa kapti nuli-ra. Mi fu moti-kata plu reti kausa Tu verba." 6 Po akti u-ci, mu kapti u mega de piski. Plu reti gene frakti. 7 Mu face a socia in hetero navi plu sema; mu nece veni tende dona auxi. Mu veni e face ple panto navi, so mu sti kata. 8 Po vide, Simon Petro kade proxi Jesu genu tem dice: "Ki ab mi, ka mi es u kako-an, Cefa," 9 ka an e panto-pe kon an pa gene u subito miro de ge-kapti piski; mu pa leva, 10 homo-co Jakob e Joane; Zebedai fili, qi es Simon socia. Jesu dice a Simon: "Ne este fobo. Tu fu kapti homi po nu." 11 Po moti panto navi a landa e kron linqi panto-ra, mu ki-seqe.
12 Acide: tem An es in mo ex civita, vide; un andro; ge-ple per derma pato e qi pa vide Jesu e qi pa kade epi facia, dice petitio: "Cefa, si Tu volu, Tu posi face puri mi." 13 Po tensio manu, An palpa an tem dice: "Mi volu; es ge-puri." U derma pato imedia ki ab an. 14 An dice komanda; an dice nara a nuli-pe, anti-co: "Po ki-ab, monstra se a preka-pe, e akti sakrifice de puri homo; Moses pa komanda, tende face testi." 15 Un homi face u nara de An klu ma tele. Plu mega poli-pe veni tende audi e tende An face repara de pato. 16 An face pausa in agrio landa e dice preka.
17 Acide: tem uno di tem An dona sko, plu Farisai-pe e lega-doci-pe; qi pa ki ex panto Galilai e Juda viki e ex Jerusalem-civita, es proxi. U dina de na Cefa es la tende akti repara. 18 Vide; plu andro fero epi kli un andro; qi pa gene paralisi. Mu akti cerka tende fero e moti ante An. 19 Po ne detekti u mode; per qi mu fero-in dia poli-pe, kron ki epi domi, mu moti-kata an ko kli dia tegula a meso ante Jesu. 20 Kron vide u fide, An dice: "Andro, tu kako akti nu gene pardo." 21 Plu religio-tekno-pe e Farisai-pe proto u disputa tem dice: "Qo-pe es u-ci; qi dice anti Teo? Qo-pe pote dona pardo exklude solo Teo?" 22 Tem ski mu doxo e tem reakti, Jesu dice a mu: "Qo-ka vi habe disputa intra vi? 23 "Qo es ma facili: dice: 'Tu kako-akti nu gene pardo,' alo dice: 'Sta e gresi'? 24 "So vi fu ski; un Homi-Fili habe un arki de dona u pardo de kako-akti epi geo..." An dice a paralisi-pe: "Mi dice a tu: sta e, po prende tu kli, ki a tu domi." 25 Po imedia sta ante mu e po prende ra; an pa kumbe epi, an ki ab mu ad auto domi tem dona glori a Teo. 26 Panto-pe subito este mira, ko-co mu dice glori a Teo e fobo gene ple tem dice: "Tem nu-di, na pa vide xeno."
27 Po panto-ci, An ki-avanti e vide u fiska-pe, ge-nomina Levi; qi sedi in fiska-lo. An dice: "Ki seqe Mi." 28 Po linqi panto-ra e po sta, an ki-seqe. 29 Levi face mega hospita pro An in auto domi. Es u mega poli-pe de fiska-pe e de hetero homi; qi es peri mensa ko mu. 30 Plu Farisai e religio-tekno-pe akti u protesta anti sko-pe tem dice: "Qo-ka vi fago e bibe ko kako-pe?" 31 Tem reakti, Jesu dice a mu: "Mu; qi este sani, habe nuli nece de medika-pe sed mu; qi este pato. 32 "Mi ne veni tende voci plu justi-pe a penite sed kako-pe."
33 Mu dice ad An: "Qo-ka Joane sko-pe freqe sto fago e dice preka homo Farisai-pe sed Tu sko-pe fago e bibe?" 34 An dice a mu: "Qe vi pote face; plu ami de game-an sto fago, tem u game-an es ko mu? 35 "Plu di fu veni, kron u game-an gene apo ab mu, po-co mu fu sto fago tem plu-la di."
36 An dice a mu u kompara: "Nuli-pe face ge-nexi u mero de neo vesti a paleo vesti, hetero-co pe skizo u neo, ko-co u mero de neo ne habe harmoni ko paleo. 37 "Nuli-pe fusi neo vino in paleo derma-vino-va, hetero-co u neo vino fu face explode anti vino-va e mali fusi, ko-co vino-va gene destru. 38 "Kontra-co neo vino nece es ge-fusi in neo derma-vino-va. Ko-co panto-ra simul es ge-tena. 39 "Nuli-pe; qi pa bibe u paleo, volu u neo vino, ka an dice: "U paleo es ma boni."
1 Acide tem sto-ergo-di bi po sto-ergo-di mo: An ki dia grana agri. An sko-pe karpe e fago plu grana mero tem frika mu in manu. 2 Plu Farisai-pe dice: "Qo-ka vi akti ra; qi es no-lega tem sto-ergo-di?" 3 Tem reakti, Jesu dice a mu: "Qe vi ne pa lekto ra; David pa akti? Kron an este fami--an e panto homi; qi es kon an-- 4 "An ki ad-in Teo domi, e an prende e fago plu sankti pani; fago es no-lega exklude solo preka-pe, ko-co an dona a panto homi kon an." 5 An dice: "Un Homi-Fili, es u sto-ergo-di Cefa."
6 Acide tem hetero sto-ergo-di: An ki in religio-do e dona sko. Un andro; qi dextro manu es ge-meiosi, es la. 7 Plu religio-tekno-pe e plu Farisai-pe skope An: qe An fu akti repara tem sto-ergo-di, tende mu fu posi detekti etio. 8 An ski plu puta. An dice ad andro ko ge-meiosi manu: "Ana e sta in meso." Po ana, an sta. 9 Ci-kron Jesu dice a mu: "Mi fu dice a vi: qe akti boni alo akti kako tem sto-ergo-di es akorda lega--akti salva alo akti destru de bio." 10 Po vide panto-pe peri religio-do, An dice ad andro: "Tensio manu." An tali akti. An manu gene repara homo hetero manu. 11 Rabi gene ple, ko-co mu dice ad alelo konsili; mu akti qo anti Jesu.
12 Acide tem panto-ci di, An ki ex civita epi monti tende dice preka. An du es in Teo preka tem noktu. 13 Kron noktu gene muta a di, An voci veni a panto sko-pe e elekti ex mu mo-bi; a qi An dona nomina "apostola" [ge-mite-pe]: 14 Simon; a qi An dona plus nomina "Petro", kon an fratri Andre, plus Jakob ko Joane, Filipo ko Bartolomai, 15 Matai ko Toma, Alfe fili Jakob ko Simon; qi pa gene nomina "Zelo-pe", 16 Jakob fratri Juda ko Juda ex Keriot; qi fu vendo Jesu a non-ami.
17 Po ki-kata ko mu, An sta epi libela loka ko poli sko-pe e ko mega poli-pe de homi; qi veni ex panto Juda-landa e ex Jerusalem-civita e ex Tyro e Sidon civita, tende audi e tende gene repara de pato, 18 e kon homi, ge-turba per kako spiritu, ko-co mu gene repara. 19 Panto poli-pe tenta palpa An, ka dina ki ex An e akti repara de panto-pe.
20 Tem vide panto sko-pe, An dice: "Vi; qi nu es pove: este hedo, ka Teo regi-landa es de vi. 21 "Vi; qi nu este fami: este hedo, ka vi fu este sati. Vi; qi nu lakrima: este hedo, ka vi fu ridi. 22 "Vi fu este hedo, kron homi este miso de vi e kron mu fu face divide ab vi e fu dice mali de vi e fu apo kako vi nomina kausa un Homi-Fili. 23 "Voci hedo tem u-la di e salta, ka vide; vi premi in urani es mega, ka mu patri pa akti a pre-dice-pe akorda panto-ci.
24 "Anti-co kako a vi, pluto-pe, ka vi cepti auto konsola. 25 "Kako a vi; qi nu es ge-sati, ka vi fu este fami. Kako a vi; qi nu ridi, ka vi fu lakrima. 26 "Kako a vi, kron panto homi dice boni de vi. Mu patri pa akti a falsi pre-dice-pe akorda panto-ci.
27 "Kontra-co Mi dice a vi; qi audi; este amo de non-ami, akti boni a pe; qi este miso de vi, 28 "bene-dice pe; qi dice mali a vi, e dice preka pro pe; qi akti kako uti de vi. 29 "Ofero hetero buka a pe; qi pa bate vi epi mo buka. Ne akti veto de tunika ab pe; qi apo extra-ve ab vi. 30 "Dona a panto-pe; qi dice petitio a vi. Ne dice petitio de versi ab pe; qi apo ra; qi es de vi. 31 "Vi debi akti akorda ra; vi volu; homi akti a vi, ko-co vi akti per homo mode. 32 "Si vi este amo de pe; qi este amo de vi, es qo gratia a vi? Kako-pe este amo de pe; qi este amo de mu. 33 "Si vi akti boni a pe; qi akti boni a vi, es qo gratia a vi? Kako-pe akti homo ra. 34 "Si vi tem-dona a pe; ex qi vi spe cepti, es qo gratia a vi? Kako-pe tem-dona a kako-pe, so mu posi cepti homo ra. 35 "Anti-co este amo de non-ami, akti boni e tem-dona tem ne este spe de versi. Vi premi in urani fu es mega, ko-co vi fu es Maxi-Alti-Pe fili, ka An es boni a no-grati-pe e a kako-pe. 36 "Ka-co este simpati homo; vi Patri este simpati.
37 "Ne face judika, ko-co ne gene judika. Ne dona kondemna, ko-co ne gene kondemna. Dona pardo, ko-co gene pardo. 38 "Dona, ko-co gene dona, ko-co mu fu dona u kali metri, ge-presi, ge-seiso e ge-ultra-fusi a vi, ka per homo metri; per qi vi akti, vi fu gene u metri." 39 An dice a mu u kompara: "Qe no-vide-pe posi duce no-vide-pe? Qe panto-pe ne fu kade in kavita? 40 "U sko-pe ne es ma boni de auto doci-pe. Kron kompleti, panto-pe fu es homo auto doci-pe. 41 "Qo-ka tu vide u makula-ra; qi es in socia oku, e ne vide u bloka in auto oku? 42 "Per qo-mode tu posi dice a socia: 'Socia: lice; mi apo makula-ra ab tu oku,' tem ne vide u bloka in auto oku. Falsi-akti-pe: proto apo u bloka ab auto oku, ci-kron tu fu klari vide, tende apo makula-ra ab socia oku,
43 "Ni es boni dendro; qi face mali frukti, ni es mali dendro; qi face boni frukti, 44 "ka panto dendro gene ski per auto frukti, ka mu ni gene Ficus-frukti karpe ex spina dendro, e mu ni gene Vitis-frukti karpe ex Rubus-dendro. 45 "U boni homi face boni ex boni tresora in auto kardia, ko-co u kako homi face kako ex kako tresora in auto kardia, ka pe stoma dice ex poli in auto kardia.
46 "Qo-ka vi voci: 'Cefa, Cefa,' e ne akti ra; Mi dice? 47 "Mi fu monstra a vi; panto-pe; qi veni a Mi e qi audi Mi verba e qi akti mu, es homo qo: 48 "mu es homo homi; qi stru u domi e qi fosi e face u bato kavita e moti u basi epi petro. Po u diluvi veni, u fluvi face explode anti domi e ne pote face seiso, ka id habe u basi epi petro. 49 "Pe; qi audi sed ne akti, es homo homi; qi stru u domi epi geo minus basi; u fluvi face explode anti, ko-co id imedia kade, ko-co u ruina de u-la domi es mega."
1 Po face kompleti in panto-pe oti panto verba, An ki in Kapernaum-civita. 2 Un arme-kapitana habe u dulo; qi pa gene honori e qi fu lose bio tem habe pato. 3 Po audi de Jesu, an mite ad An plu Juda arki-pe; qi dice petitio; po veni, An fu akti repara de an dulo. 4 Po ki a Jesu, mu dice ko no-sto u petitio; an; An fu dona u-ci ad an, es digni, 5 "ka an este amo de na landa, e an pa face religio-do pro na." 6 Jesu ki ko mu, anti-co, tem ne es tele ab domi, un arme kapitano mite ad An plu ami; qi dice: "Na Cefa: ne sti turba, ka mi ne es digni de; Tu fu ki infra mi stego. 7 "Ka-co mi ne doxo digni; mi fu ki a Tu. Kontra-co dice per verba, ko-co mi dulo fu gene repara, 8 "ka mi es un homi; ge-taxo infra arki, tem habe plu milita-pe infra mi. Mi dice a mo: 'Ki,' ko-co an ki, e ad hetero: 'Veni,' ko-co an veni, e a dulo: 'Akti u-ci,' ko-co an akti." 9 Po audi panto-ci, Jesu este mira. Po tropi a poli-pe; qi ki seqe An, An dice: "Mi dice a vi; Mi pa detekti tali fide ne in Israel-fili." 10 Po mu; qi pa es ge-mite, ki versi domi, mu detekti sani u dulo; qi pa habe pato.
11 Acide tem seqe di: An ki in civita, ge-nomina Nain. Poli sko-pe e u mega poli-pe ki-ko. 12 Kron An ki proxi civita porta, vide; es u morta-pe; qi pa es matri solo fili, gene fero ex civita, plus-co fe es u vidua. U mega poli-pe es ko fe. 13 Po vide fe, na Cefa este simpati pro fe e dice: "Ne lakrima." 14 Po veni, An palpa u morta-va. Plu homi; qi fero, sto ki. An dice: "Juve andro, Mi dice a tu: ana." 15 U morta-pe sti sedi e proto dice. An dona an a matri. 16 Panto-pe subito este fobo e dona glori a Teo tem dice: "U mega Pre-Dice-Pe pa surge inter na," e "Teo pa akti visita ad Auto demo." 17 Nara de An ki in holo Juda-landa e in panto peri landa.
18 Joane sko-pe monstra ad an panto-ci. 19 Po sti; bi sko-pe veni, Joane mite a Jesu tem dice: "Qe Tu es u Veni-Pe alo qe na du atende hetero-pe?" 20 Po ki ad An, plu andro dice: "Bapti-pe Joane pa mite na a Tu tem dice: 'Qe Tu es u Veni-Pe alo qe na du atende hetero-pe?" 21 Tem iso horo, An pa akti repara anti poli pato e anti kako spiritu e dona vide a poli no-vide-pe. 22 Tem reakti, Jesu dice: "Po ki-ab, dice a Joane u nara de ra; vi pa vide e pa audi: no-vide-pe vide, e klaudi-pe gresi, e derma-pato-pe gene puri, e non-audi-pe audi, e morta-pe es ge-sta, e pove-pe gene plu boni nova. 23 "Pe; qi ne akti mali kausa Mi, fu es hedo." 24 Po Joane angeli ki-ab, An proto dice a poli-pe de Joane: "Vi ki in agrio landa tende vide qo? Kalamus-fito, ge-seiso per venti? 25 "Anti-co vi ki ex civita tende vide qo? Un homi in moli vesti? Vide; mu; qi es in splendi vesti e qi habe bio in pluto, es in palati. 26 "Anti-co vi ki ex civita tende vide qo--u pre-dice-pe? Mi dice a vi; ja, ma boni de pre-dice-pe. 27 "An es un homi; pa es ge-grafo de: 'Vide; Mi mite ante vi un angeli; qi fu face prepara u via ante Tu,' 28 "ka Mi dice a vi; inter panto homi; qi es ge-nati ex panto gina, nuli-pe es ma importa de bapti-pe Joane. Anti-co pe; qi es mei importa in Teo regi-landa, es ma importa de an." 29 Po audi, panto-pe, klu fiska-pe, monstra; Teo es justi, per cepti Joane bapti ritu. 30 Plu Farisai-pe e plu lega-pe akti nega de Teo konsili pro mu per ne gene u bapti ritu ex an. 31 Na Cefa dice: "Mi fu akti kompara de homi de u-ci tem per qo? 32 "Mu es homo pusi infanti in marketa; qi sedi e qi voci ad alelo tem dice: 'Na pa soni flauta pro vi, ko-co vi ne kore. Na pa akti tristi a vi, ko-co vi ne lakrima.' 33 "Bapti-pe Joane pa veni tem ni fago ni bibe, ko-co vi dice: 'An habe diaboli.' 34 "Un Homi-Fili pa veni tem fago e bibe, ko-co vi dice: 'Vide; u tro-fago-pe e u tro-vino-pe, un ami de fiska-pe e de mali-pe.' 35 "Sofi es ge-monstra justi per panto seqe."
36 Mo ex Farisai-pe dice petitio; An fu vora kon an. Po ki in Farisai-pe domi, An ki a mensa. 37 Vide; u gina; qi es u kako-pe, in civita, po fe gene ski; An ki a mensa in Farisai-pe domi, e po prende un Alabastros vasa ko perfuma 38 tem sta proxi An pedi poste An, proto face aqa An pedi per lakrima. Fe frika An pedi per kapila de auto kefa e oskula mu e fusi perfuma epi mu. 39 Po vide, Farisai-pe; qi pa dice petitio, dice intra se: "U-ci pe, si An sio es u pre-dice-pe, este ski; u-ci gina; qi palpa An, es qo-pe, ka fe es u kako-pe." 40 Tem reakti, Jesu dice ad an: "Simon, Mi habe uno-ra; Mi dice a tu." An dice; "Doci-pe: dice." 41 "Es bi debito-pe de kredito-pe. Mo habe debito de penta-hekto moneta e hetero penta-ze. 42 "Po mu habe nuli paga, an dona a panto-pe pardo. Ka-co dice a Mi; qo-pe fu este ma amo ad an?" 43 Tem reakti, Simon dice: "Mi postula pe; a qi an dona ma pardo." An dice: "Tu pa face korekti judika." 44 Po tropi a gina, An dice a Simon: "Qe tu vide u-ci gina? Mi ki in tu domi. Tu ne dona aqa a Mi pedi, sed fe face aqa Mi pedi per lakrima, ko-co fe frika per auto kapila. 45 "Tu ne pa dona osku a Mi sed, po kron Mi ki in tu domi, fe ne sto dona oskula Mi Pedi. 46 "Tu ne pa fusi olea epi Mi kefa, sed fe fusi perfuma epi Mi pedi. 47 "Ka-co Mi dice a tu; Mi dona a fe pardo de poli kako akti. Fe fo dona amo, anti-co pe; homi dona pusi pardo ad an, este pusi amo." 48 An dice a fe: "Tu kako akti gene pardo." 49 Plu homi; qi es la kon An, proto dice intra se: "U-ci es qo-pe; qi dona pardo de kako akti?" 50 An dice a gina: "Fide pa face ge-salva tu. Ki per paci."
1 Acide: po-co An iti dia civita e dia viki tem dona doci e tem voci plu boni nova de Teo regi-landa. Panto Mo-bi-pe, 2 e plu gina; a qi An pa akti repara de kako spiritu e de pato, e Maria; ge-nomina "Magdala-pe", ex qi seti diaboli ki, 3 Joana, sponsa de Huza; Herode kura-pe, e Susana e poli hetero homi; qi dona auxi ex auto habe-ra, es kon An.
4 Tem u mega poli-pe simul ki kon homi; qi veni ad An ex panto civita, An dice u kompara: 5 "U sperma-pe ki tende moti sperma in solu. Tem an akti, plu sperma kade para via. Plu homi pedi epi mu. Plu urani avi fago mu. 6 "Hetero sperma kade epi petro. Po surge, mu gene meiosi, ka mu ne habe humidi. 7 "Hetero sperma kade meso spina fito. Po surge ko mu, plu spina fito sto aero ab mu. 8 "Hetero sperma kade epi boni solu. Po surge, mu face hekto-qantita karpe." Po dice panto-ci, An fo voci: "Pe; qi habe oti, debi audi."
9 An sko-pe dona qestio tem dice: "U kompara es qo?" 10 An dice: "Teo pa dona a vi u ski de misteri de Auto regi-landa sed ad hetero homi per kompara, so mu ne vide tem vide e ne gene logi tem audi.
11 "U kompara nu es; plu sperma es Teo verba. 12 "Plu homi para via es pe; qi audi, po-co Diaboli veni e apo verba ex kardia, kaso, po sio este kredi, mu fu es ge-salva. 13 "Plu homi epi petro es pe; qi cepti verba kon hedo. Mu; qi, tem este kredi, ne habe radi e kade ab id tem turba. 14 "Ra; qi kade in spina fito, es pe; po audi e tem ki, kura e pluto e hedo de bio sto aero ab mu e qi ne gene matura. 15 "Ra in boni solu es pe; qi, po audi e po tena verba per honesti e per boni kardia, face karpe per tolera."
16 "Po sti lumi per lampa, nuli-pe face u tegu per vasa alo moti poste kli sed moti id epi lampa-lo, so mu; qi ki-in, vide u lumi, 17 "ka nuli-ra; qi fu es ge-monstra, es sekreti; ni qi fu es ge-ski e fu ki ad-in lumi, es ge-kripto. 18 "Ka-co tena kura de; per mode vi audi, ka Teo fu dona a pe; qi habe, e a pe; qi ne habe, Teo fu apo ra; pe feno habe, ab pe."
19 An matri e fratri ki ad An e ne pote es kon An kausa poli-pe. 20 Uno-pe dice: "Tu matri e fratri es extra domi tem volu vide Tu." 21 Tem reakti, An dice a mu: "Mi matri e fratri es pe; qi audi e qi akti Teo verba."
22 Acide tem uno di: An ko sko-pe ki in navi. An dice a mu: "Na fu ki ad hetero laku latu." Mu sti flo. 23 An sti somni tem veli. Mega venti tempestu ki-kata epi laku. Mu habe excesi aqa e es in risko. 24 Po veni, mu vigi An tem dice: "Cefa, Cefa, na gene morta!" Po sta, An dice kritici a venti e ad aqa fo-moti. Mu sto, ko-co es kalma. 25 An dice: "Vi fide es qo-lo?" Tem este fobo, mu este mira tem dice ad alelo: "U-ci es qo-pe? An dice komanda a venti e ad aqa, ko-co mu sti obe!"
26 Mu ki a Gadara-pe landa; qi es kontra Galilai-landa. 27 Po ki ex navi epi landa, u civita-an; qi habe plu diaboli longi-tem e qi habe nuli vesti epi se e qi ne tena eko in domi sed in tafo, gene inkontra. 28 Po vide Jesu e po fo voci, an kade ante An. An dice per fo soni voka: "Qo a mi e a Tu, Jesu, u Maxi-Alti-Pe Fili? Mi dice a Tu u petitio; ne dona fo-algo a mi," 29 ka An dice a no-puri spiritu komanda; ki ex homi, ka id pa kapti an poli-kron e ka uno-pe pa moti plu liga epi an tem tena per katena. Po frakti plu liga, u diaboli duce an in agrio landa. 30 Jesu dona qestio tem dice: "Tu nomina es qo?" An dice: "'Milita-Grega'," ka poli diaboli pa ki ad-in an. 31 An dice petitio; An ne dice komanda; ki-ab ad-in nuli-baso kavita. 32 Es u grega de poli fago sui epi monti. Mu dice petitio; An lice; mu ki ad-in panto-la. An lice. 33 Po plu diaboli ki ex andro, mu ki ad-in sui. U sui grega tako ki kata kremno ad-in laku e lose aero. 34 Po mu; qi dona sito, vide ra; qi pa acide, mu fugi. Mu ki e dice nara in civita e in rura. 35 Mu ki tende vide ra; qi pa acide. Mu ki a Jesu e detekti un andro; ex qi panto diaboli pa ki, ge-vesti e de sani menta para Jesu pedi. Mu este fobo. 36 Mu; qi pa vide, dice nara; per mode an; plu diaboli pa habe, gene repara. 37 Poli homi de landa peri Gadara-pe dice petitio; ki ab mu, ka mega fobo habe mu. Po ki ad-in navi, An ki versi. 38 Andro; ex qi plu diaboli pa ki, dice petitio; an iti kon An. Jesu mite an tem dice: 39 "Ki versi tu domi e dice u nara de panto-ra; Teo pa akti a tu." An ki-ab e voci dia holo civita de ra; Jesu pa akti.
40 Acide: kron Jesu ki versi, u poli-pe cepti An kon hedo, ka panto mu akti cerka. 41 Vide; un andro; qi nomina es Jairo, veni. An es u religio-do arki-pe. Po kade para Jesu pedi, an dice petitio; ki ad-in auto domi, 42 ka auto solo fe-fili de mo-bi anua lose bio. Tem an ki, plu poli-pe presa anti An. 43 Po es kon hema flu ex mo-bi anua, u gina; qi, po spende holo bio a medika-pe, ne pa posi gene repara, 44 e po ki-poste, palpa u margina de An vesti. Un hema flu imedia sto. 45 Jesu dice: "Qo-pe pa palpa Mi?" Tem panto-pe dice nega, Petro e homi ko se dice: "Cefa, plu poli-pe presa anti Tu, ko-co Tu dice: 'Qo-pe pa palpa Mi?'" 46 Jesu dice: "Uno-pe pa palpa Mi, ka Mi ski; dina pa ki ex Mi." 47 Kron u gina vide; fe ne pa gene kripto, fe veni tem tremulo. Po kade ante An, fe voci ante panto-pe u kausa; fe pa palpa, e per mode; fe imedia gene repara. 48 An dice a fe: "Koragi, Mi fe-fili! Fide pa akti repara a tu. Ki ko paci." 49 Tem An dice, uno-pe ab religio-do arki-pe veni tem dice: "Tu fe-fili pa lose bio. Ne dona turba a Doci-Pe." 50 Po audi, Jesu reakti: "Ne este fobo, solo tena kredi! Fe fu gene repara." 51 Po ki in domi, An ne lice; homi ki ad-in la, exklude Petro e Jakob e Joane, plus infanti patri e matri. 52 Panto-pe lakrima e este tristi. An dice: "Ne lakrima. Fe ne es morta sed somni." 53 Mu ridi anti An tem ski; fe es morta. 54 Po bali panto-pe ex domi e po tena fe manu, An voci: "Infanti, ana!" 55 Fe spiritu ki versi, ko-co fe imedia ki-ana. An dice komanda; dona sito. 56 Fe parenti este mira. An dice a mu komanda; dice a nuli-pe de ra; qi pa acide.
1 Po sti; mo-bi sko-pe veni, An dona a mu dina e arki supra panto diaboli e de repara de pato. 2 An mite mu tende voci de Teo regi-landa e tende akti repara a pato-pe. 3 An dice a mu: "Prende nuli-ra tem iti: ni baci ni saka ni pani ni valuta ni singu pe habe bi vesti. 4 "Vi fu posi ki in ali domi--resta la e ki ex la. 5 "Si plu civita-pe ne cepti vi, seiso pulve ab pedi tem ki ab civita, homo testi anti mu." 6 Po ki-ab, mu ki dia plu viki tem voci plu boni nova e tem akti repara a panto-lo.
7 U qarto-arki-pe Herode audi de panto-ra; An akti. An este turba, ka uno-pe dice: "Joane pa es ge-leva ex morta-pe," 8 e uno-pe: "Elija pa monstra se," e uno-pe: "U paleo pre-dice-pe pa surge." 9 Herode dice: "Mi pa apo Joane kefa. Un homi; de qi mi audi tali ra, es qo?" An tenta vide An.
10 Po versi, panto apostola dice nara; mu pa akti panto-ra. Po duce, An retira ki ad agrio landa proxi civita, ge-nomina Betsaida. 11 Po gene ski de id, plu poli-pe ki-seqe. Po cepti, An dice de Teo regi-landa, ko-co An face sani mu; qi nece repara. 12 U di meio. Po veni, Mo-bi-pe dice: "Bali u poli-pe, so, po ki in plu civita e rura peri na, mu fu tem-eko e fu detekti sito, ka na es ci in agrio landa." 13 An dice a mu: "Vi fu dona sito a mu." Mu dice: "Es ne ma de penta pani e bi piski a na, si, po ki-ab, na ne fu merka sito pro panto-pe," 14 ka es cirka penta-kilo andro. An dice a sko-pe: "Prepara; mu habe pausa per grega de penta-ze." 15 Mu tali akti e prepara; panto-pe habe pausa. 16 Po prende plu penta pani e bi piski e po vide ad urani, An bene-dice e frakti mu e dona a sko-pe tende moti ante poli-pe. 17 Mu fago, ko-co panto-pe gene sati. Mu prende mo-bi korbe de resta frakti.
18 Acide tem eremo dice preka: es plu sko-pe. An dona qestio tem dice: "Plu poli-pe dice; Mi es qo-pe?" 19 Tem reakti, mu dice: "'Bapti-pe Joane,' e hetero pe: 'Elija,' e hetero-pe: 'U pre-dice-pe ex paleo pre-dice-pe pa surge.'" 20 An dice: "Vi dice; Mi es qo-pe?" Tem reakti, Petro dice: "Kristo de Teo."
21 An dice severi komanda; dice u-ci a nuli-pe, 22 tem dice: "Nece ad Homi-Fili: fu este algo de poli ra e fu gene no-cepti ex cefa e ex arki-preka-pe e ex religio-tekno-pe, plus gene cide, plus gene leva tem di tri."
23 An dice a panto-pe: "Si uno-pe volu ki poste Mi, pe fu nega se e fu fero kruci panto di e fu ki seqe Mi, 24 "ka pe; qi volu salva auto bio, fu lose id, e pe; qi fu lose auto bio kausa Mi, fu salva id. 25 "Ka-co un homi habe qo profito, po cepti gania de panto munda sed lose se alo gene apo? 26 "Un Homi-Fili fu este etio de pe; qi este etio de Mi e de Mi verba, kron An fu veni kon Auto glori e ko Patri e sankti angeli glori. 27 "Mi dice veri a vi: es inter homi; qi sta ci, plu homi; qi ne fu gene experi de morta, a-kron mu pa vide Teo regi-landa."
28 Acide po okto di po plu-la verba: po duce Petro e Joane e Jakob, An ki ana monti tende dice preka. 29 Acide: tem preka, An facia feno gene muta e vesti es lumi-leuko. 30 Vide; bi andro; qi es Moses e Elija, dice. 31 Tem monstra se ko glori, mu dice de An morta; An fu akti in Jerusalem-civita. 32 Petro e homi kon an pa gene opresi per somni. Po gene vigi, mu vide An glori e vide bi homi kon An. 33 Acide: kron mu ki ab mu, Petro dice a Jesu: "Cefa, es ci es boni pro na. Na fu face tri te-do: mo pro Tu e mo pro Moses e mo pro Elija," tem ne este ski de ra; an dice. 34 Tem dice panto-ci, u nefo veni e face umbra epi mu. Mu este fobo tem sta in nefo. 35 U voka ki ex nefo tem dice: "U-ci es Mi ge-amo Fili. Audi!" 36 Kron voka acide, Jesu es ge-detekti eremo. Mu es silento, e mu dice ra; mu pa vide, a nuli-pe tem plu-la di.
37 Acide tem seqe di: kron mu pa ki kata monti, u mega poli-pe gene inkontra. 38 Vide; un andro ex poli-pe voci tem dice: "Doci-Pe, mi dice a Tu petitio; vide mi an-fili, ka an es mi solo infanti. 39 "Vide; u spiritu kapti an, e an subito voci. Id face spasmo in an tem stoma-afro, ko-co id no-facili ki-ab tem dona noku ad an. 40 "Mi dice a Tu sko-pe petitio; mu fu apo id. Mu ne pa pote." 41 Tem reakti, Jesu dice: "O ne-fide e ge-ero homi de u-ci tem, Mi dura es e dura tena permane ko vi a qo-kron? Duce tu fili a ci." 42 Tem veni, u diaboli bali-kata an e face spasmo in an. Jesu dice kritici a no-puri spiritu. An akti repara ad infanti, e An dona an versi patri.
43 Panto-pe este mira de Teo mega dina. Tem panto-pe este mira de panto-ra; Jesu pa akti, An dice a sko-pe: 44 "Akti stora de plu-ci verba in vi oti, ka un Homi-Fili fu es ge-vendo ad-in homi manu." 45 Mu ne logi u dice. Id es ge-kripto ab mu, so mu ne logi.
46 U puta sti surge inter mu: qo-pe inter mu es u maxi-importa homi. 47 Po vide puta intra mu e po prende, An moti un infanti para Se. 48 An dice: "Uno-pe; qi fu cepti u-ci infanti per Mi nomina, cepti Mi. Uno-pe; qi fu cepti Mi, cepti Pe; Qi pa mite Mi. Ka-co pe; qi es mei importa inter panto vi, fu es importa."
49 Tem reakti, Joane dice: "Cefa, na pa vide homi; qi apo plu diaboli per Tu nomina. Na veto, ka An ne gene sko ko na." 50 Jesu dice ad an: "Ne veto, ka pe; qi ne es anti na, es pro na."
51 Acide: tem plu di de An cepti es sati, An fo-decide de ki a Jerusalem-civita. 52 An mite plu angeli ante Se. Po ki ab, mu ki in Samaria-landa viki tende akti prepara pro An. 53 Mu ne cepti An, ka An pa fo-decide de ki a Jerusalem-civita. 54 Kron vide, sko-pe Jakob e Joane dice: "Cefa, qe Tu volu; na voci; piro ki-kata ex urani e destru homo; Elija pa dice?" 55 Tem tropi, an dice kritici: "Vi ne ski; vi es de qo spiritu, 56 "ka un Homi-Fili ne veni tende destru homi bio sed salva." Mu ki ad hetero viki.
57 Acide: tem ki longi via, uno-pe dice ad An: "Mi fu ki seqe Tu a topo; Tu ki ad ali-lo, Cefa." 58 Jesu dice: "Plu Vulpes habe eko kavita, e plu urani avi habe nidi. Anti-co un Homi-Fili ne habe somni-lo." 59 An dice ad hetero homi: "Ki seqe Mi." An dice: "Cefa: lice; proto, mi ki-ab tende fune patri." 60 Jesu dice: "Lase; morta-pe fu fune auto morta-pe sed, tem ki-avanti, tu fu voci Teo regi-landa." 61 Hetero homi dice: "Mi fu ki seqe Tu, Cefa. Anti-co lice; proto, mi dice vale ad homi in mi domi." 62 Jesu dice ad an: "Po uti ara-ru e po vide poste, nuli-pe es gru de Teo regi-landa."
1 Po panto-ci, na Cefa elekti seti-ze hetero homi. An mite per bi ante Se ad-in panto civita e ad-in panto-lo; topo An fu veni. 2 Ka-co An dice a mu: "Veri, karpe es mega, sed karpe-pe es oligo. Ka-co dice a na karpe Cefa u preka: An fu mite karpe-pe a karpe. 3 "Ki. Vide; Mi mite vi homo; ovis-fili inter Lupus. 4 "Fero ni bursa ni saka ni pedi-ve. Dice saluta a nuli-pe longi via. 5 "Kron ki in ali domi, proto dice: 'Paci a domi.' 6 "Si fu veri es u paci homi la, vi paci fu resta epi id, sed si ne, id fu ki versi vi. 7 "Resta in homo domi tem fago e bibe tali ra; mu dona, ka ergo-pe es digni kausa auto merito. Ne ki ex domi ad-in hetero domi. 8 "Kron ki in ali civita e kron mu cepti vi, fago ra; mu moti ante vi. 9 "Akti repara de pato-pe in id. Dice a mu: 'Teo regi-landa ki proxi vi.' 10 "Kron ki in ali civita e kron mu ne cepti vi, po ki epi strata, dice: 11 "'Na apo pulve; qi hesi a na ex vi civita, anti vi. Anti-co ski u-ci: Teo regi-landa ki proxi vi.' 12 "Mi dice a vi; fu es ma tolera a Sodoma-civita tem u-la di de; ad u-la civita.
13 "Kako a tu, Horazin-civita, e kako a tu, Betsaida-civita, ka, si u dina ergo; qi pa acide in vi civita, pa sio acide in Tyro e Sidon civita, mu este penti tem sedi in saka-te e in cinera. 14 "Anti-co fu es ma tolera a Tyro e Sidon civita kron judika de; a vi. 15 "Tu, Kapernaum-civita; de qi [homi] dona lauda ad urani, fu ki-kata ad-in morta-lo. 16 "Pe; qi audi vi, audi Mi, e pe; qi ne cepti vi, ne cepti Mi, e pe; qi ne cepti Mi, ne cepti Pe; Qi pa mite Mi."
17 Seti-ze-pe ki-versi kon hedo tem dice: "Cefa, plu diabola du obe a na per Tu nomina." 18 An dice: "Mi pa skope Satan homo; flasc kade ex urani. 19 "Vide; Mi dona a tu arki de presa pedi epi serpenti e epi Skorpio e epi panto non-ami dina. Nuli-ra fu noku tu per ali-mode. 20 "Anti-co ne sti hedo, ka plu spiritu du obe a vi, sed sti hedo, ka vi nomina es ge-grafo in urani."
21 Jesu sti hedo tem iso horo tem dice: "Mi dona lauda a Tu, Patri, Cefa de urani e de geo, ka Tu face kripto panto-ci ab sofi-pe e ab ge-eduka-pe e ka Tu dona mu ad infanti. Ja, Patri, ka tali ra feno boni per Tu vide." 22 Po tropi a sko-pe, An dice: "Mi Patri pa dona a Mi panto-ra. Nuli-pe exklude Patri ski; u Fili es qo-ra, ko-co exklude Fili--e exklude pe; a qi u Fili volu monstra An--Patri es qo-ra." 23 Po tropi idio a plu-ci sko-pe, An dice: "Hedo es panto oku; qi vide ra; vi vide, 24 "ka Mi dice a vi; poli pre-dice-pe e regi pa volu vide ra; vi vide, e ne pa vide e pa volu audi ra; vi audi, a ne pa audi."
25 Vide; u religio lega-pe du sta tem stimula An a kako e tem dice: "Doci-pe, po akti qo-ra, mu fu gene panto-tem bio homo geneti habe-ra?" 26 An dice ad an: "Qo-ra es ge-grafo in Lega? Tu lekto qo-mode?" 27 An dice reakti: "'Tu fu este amo de na Cefa, Teo, per panto kardia e per panto psiko e per panto forti e per panto menta,' e 'a tu para-pe homo a se.'" 28 An dice: "Tu pa reakti ko korekti. Tali akti, e tu fu es vive." 29 Tem volu face justi se, an dice a Jesu: "Mi para-pe es qo-pe?" 30 Tem reakti, Jesu dice: "Un homi ki-kata ex Jerusalem-civita a Jericho-civita. An acide es inter klepto-pe; qi ki ab an tem lase; an es semi morta, po apo an habe-ra e po face trauma. 31 "Per fortuna, u preka-pe ki longi via. Po vide an, an ki ultra an per kontra latu. 32 "Per homo mode, kron es la e po vide, u Levi-fili ki ultra an per kontra latu. 33 "Un iti Samaria-pe ki ad an. Po vide an, an este simpati. 34 "Po veni, an akti involve peri trauma tem fusi olea e vino. Po moti epi auto zoa, an duce ad hoteli e akti kura. 35 "Tem fu-di e tem ki ex hoteli e tem prende bi moneta, an dona mu ad hoteli-kura-pe, e an dice ad an: 'Akti kura de an. Si tu fu habe plus spende, kron ki versi, mi fu dona a tu re-paga.' 36 "Tu dice doxo: qo-pe ex plu tri homi pa es para-pe ad an; qi kade inter klepto-pe?" 37 An dice: "An; qi monstra simpati ad an. Ka-co Jesu dice ad an: "Ki e tali akti."
38 Acide: kron mu ki avanti, An ki in uno viki. U gina, per nomina Martha cepti An in auto domi. 39 Fe habe sorori, ge-nomina Maria; qi audi An verba po sedi para Jesu pedi. 40 Marta este turba de poli servi. Po veni, fe dice: "Cefa, qe es nuli koncerne a Tu: mi sibi pa lase; solo mi dona servi? Ka-co dice a fe, so fe fu dona auxi a mi." 41 Jesu dice a fe reakti: "Marta, Marta, tu este kura e turba de poli ra. 42 "Es u nece de mo ra. Maria pa elekti boni meri; qi ne fu gene apo ab fe."
1 Acide: po An es in loka tem preka e kron An sto preka, mo ex An sko-pe dice ad An: "Cefa, dona a na sko de preka homo; Joane pa dona sko a sko-pe." 2 An dice: "Kron vi dice preka, dice: Na Patri; Qi es in urani, Tu nomina fu habe sankti, e Tu regi-landa fu veni, e Tu volu fu gene face epi geo homo in urani. 3 "Dona nece sito a na tem u-ci di. 4 "Dona pardo de na kako akti, ka na dona pardo a panto-pe; qi habe debito a na. Ne duce na ad-in stimula a kako sed salva na ab kako."
5 An dice a mu: "Qo-pe inter vi, si tu habe un ami, ne fu ki ad u-ci ami kron meso-noktu e fu dice ad u-ci ami: 'Ami: tem-dona tri pani a mi, 6 "'ka mi ami pa ki a mi tem viagia e mi ne habe ali-ra pro moti ante an.' 7 "An in domi fu dice reakti: 'Ne face turba a mi. Mi pre-nu klude u porta. Mi fili es ko mi in kli. Mi ne posi kata tende dona a tu.' 8 "Mi dice a vi; klu si ne fu dona a pe kausa es un ami, po sta, u-ci homi fu dona iso poli pani de; an nece, kausa an dura.
9 "Mi dice a vi: cerka e vi fu detekti, bate e fu gene aperi a vi, 10 "ka panto-pe; qi dice petitio, gene, e ka pe; qi akti cerka, detekti, e ka gene aperi a pe; qi bate. 11 "Si tu an-fili dice petitio de pani ad uno-pe ex vi; qi es u patri, qe tu volu dona ad an u petro? Si de piski, qe tu volu dona ad an u serpenti? 12 "Alo si de ova, qe tu volu dona ad an u Skorpio? 13 "Ka-co, si vi, tem habe kako, ski dona boni doro a vi fili, vi Patri ex urani tali ma volu dona Auto Sankti Spiritu a pe; qi dice petitio."
14 Tem An bali ex homi u diaboli; qi habe no-dice-pote, acide: po u diaboli ki-ex, no-dice-pe akti loqi. U poli-pe sti mira. 15 Uno-pe ex mu dice: "An bali plu diaboli ex homi per Beelzebul, u regi-fili de panto diaboli." 16 Tem stimula a kako, plu hetero-pe tenta gene urani sema ex An. 17 Tem ski mu puta, An dice: "U regi-landa; qi gene divide anti se, fu gene destru, plus u domi anti domi--fu kade. 18 "Si Satana gene divide anti se, auto regi-landa fu du sta per qo-mode, ka vi dice; Mi bali diaboli ex homi per Beelzebul? 19 "Si Mi bali diaboli ex homi per Beelzebul, vi fili bali mu ex homi per qo-pe? Ka-co mu fu es vi judika-pe. 20 "Si Mi bali diaboli ex homi per Teo dina, Teo regi-landa nu veni a vi. 21 "Kron u ge-arma forti-pe du tena eko-lo, auto habe-ra habe paci. 22 "Kron, po veni, u ma forti homi gene vikto, an apo panto arma; per qi an du fide, e skope auto gania. 23 "Pe; qi ne es ko Mi, es anti Mi, e pe; qi ne akti kolekti ko Mi, akti difusi.
24 "Po u no-puri spiritu ki ex homi, id ki dia minus-aqa loka tem cerka de pausa. Kron ne detekti, id dice: "Mi ki versi mi domi; ex qi mi pa ki. 25 "Po veni, id detekti ge-brosa e ge-orna loka. 26 "Ci-kron, id ki e id detekti seti hetero spiritu, ma kako de se. Po ki in, mu du eko la. Ultima stato de u-la homi es ma mali de proto."
27 Acide: kron An dice panto-ci, u gina de poli-pe dice voci: "U gina; qi pa nati Tu, es hedo--plus mama; Tu pa suge." 28 An dice: "Vice-co mu; qi audi e tena Teo verba, es hedo."
29 Kron plu poli-pe es fo ge-presa, An proto dice: "Panto homi de u-ci tem habe kako. Id volu u mira sema. Nuli mira sema fu gene dona exklude Jona mira sema. 30 "Un Homi-Fili es u mira sema ad homi de u-ci tem homo; Jona pa es mira sema a Nineve-civi. 31 "U suda fe-regi fu ki-ana kon homi de u-ci tem tende dice judika e dice kondemna, ka fe ki ex tele tende audi sofi ex Solomon. Vide; un Homi, ma boni de Solomon, es ci. 32 "Plu Nineve-civi fu sta kon homi de u-ci tem tem judika e dice kondemna, ka mu este penite, kron Jona dice voci. Vide; un Homi, ma boni de Jona, es ci.
33 "Po sti flama de lampa, nuli-pe moti id in sekreti-lo ni sub meri-korbe sed epi lampa-lo, so mu; qi ki in lumi, vide. 34 "U lampa de soma es un oku. Kron tu oku es sani, holo soma habe lumi. Kron id habe kako, soma habe skoto. 35 "Ka-co tena kura; lumi in tu ne es skoto. 36 "Ka-co, si tu holo soma habe lumi tem ne habe ali mero per skoto, holo id fu habe lumi homo; foto lampa dona a tu lumi."
37 Tem An dice, u Farisai-pe dice petitio; qe An fu vora para an. Po ki-in, An ki a mensa. 38 Kron vide; An ne lava pre vora, u Farisai-pe qestio se. 39 Na Cefa dice ad an: "Nu, vi Farisai-pe face puri extra facia de tasa e de disko, sed intra de vi es ple kon excesi e kako. 40 "Fatuo-pe, qe An; qi pa krea extra facia, plus pa krea intra mero? 41 "Anti-co dona ra; qi es in [tasa e epi disko] homo doro a pove-pe, e vide; panto-ra es puri a vi. 42 "Anti-co kako a vi, Farisai-pe, ka vi dona u mero-deka paga de Menta e de Ruta e de panto herba, e vi linqi Teo kritici e Teo amo. 43 "Kako a vi, Farisai-pe, ka vi este amo de maxi importa sedi-lo in religio-do e de saluta in marketa. 44 "Kako a vi, religio-tekno-pe e Farisai-pe, falsi-akti-pe, ka vi es homo ne-vide tafo, so homi; qi gresi supra mu, ne habe ski." 45 Tem reakti, mo ex religio lega-pe dice: "Doci-pe, tem dice plu-ci ra, Tu dice mali anti na." 46 An dice: "Kako a vi, religio lega-pe, ka vi moti fo gravi kargo epi homi, e vi ne palpa plu-ci kargo per mo digi. 47 "Kako a vi, ka vi face pre-dice-pe tafo, ko-co vi patri pa cide mu. 48 "Ka-co vi monstra testi e dice akorda a vi patri akti, ka mu veri cide mu e ka vi stru mu morta-lo. 49 "Ka-co Teo sofi pa dice: 'Mi fu mite plu pre-dice-pe e plu apostola. Mu fu cide e duce u qantita de mu ex ci,' 50 "so liabili de hema; ge-fusi per mu, de panto pre-dice-pe po geo proto, gene dona ad homi de u-ci tem-- 51 "po Abel hema a hema de Zaharia; qi lose bio inter sakrifice-lo e religio-do. Mi dice; ja, liabili fu gene dona liabili ad homi de u-ci tem. 52 "Kako a vi, religio lega-pe, ka vi pa apo u klavi de ski. Vi ne pa ki-in, e vi pa akti anti; hetero homi ki-in." 53 Tem An dice panto-ci a mu, plu religio-tekno-pe e Farisai-pe sti deino presa e sti dina tende An dice de poli ra 54 tem skope An, tende mu posi dice akusa anti An.
1 Tem plu poli-pe es ge-grega so mu moti pedi epi alelo, An proto dice a sko-pe: "Kura de Farisai kako-akti; qi es falsi-akti. 2 "Es nuli ge-tegu ra; qi fu es ne-ge-tegu, ni ge-kripto; qi fu es ne-ge-ski. 3 "Ka-co ra; vi pa dice in skoto, fu gene audi in lumi. Ra; vi pa dice ad oti in intra kamera, fu gene voci ab domi akro.
4 "Mi dice a vi, Mi ami; ne fu este fobo de pe; qi cide soma e, po panto-ci, ne posi akti adi. 5 "Sed Mi fu monstra a vi un homi; de qi vi debi este fobo: este fobo de u-la pe; qi habe arki de bali uno-pe in panto-tem tortu-lo. Ja, Mi dice a vi; este fobo de an. 6 "Qe pe ne vendo penta Paseri-avi per bi kupra moneta? Teo ne no-memo mo ex mu. 7 "Anti-co [Teo] dona numera a panto kefa kapila. Ka-co ne este fobo. Vi tena ma valu de poli Paseri-avi.
8 "Mi dice a vi: un Homi-Fili, ante Teo panto angeli, fu dice konfesi de uno-pe; qi, ante homi, dice konfesi de Mi. 9 "Pe; qi dice nega de Mi ante homi, fu gene nega ante Teo angeli. 10 "Panto-pe; qi dice u verba anti un Homi-Fili--fu gene pardo. Pe; qi dice kako anti [Teo] Sankti Spiritu ne fu gene pardo. 11 "Kron mu duce vi ante plu religio-do e ante plu arki-pe e ante plu krati-pe, ne este kura de mode alo de ra; per qi vi fu dice reakti, alo de ra; vi fu dice. 12 "[Teo] Sankti Spiritu fu dona a vi kron u-ci hora u sko de ra; vi nece dice."
13 Un homi ex poli-pe dice: "Mi Doci-Pe, dice a mi fratri; dona a mi mero de geneti habe-ra." 14 An dice: "Andro, qo-pe elekti Mi u judika-pe alo u media-pe de vi?" 15 An dice a mu: "Skope e kura de envidi, ka pe bio es ne ge-face ex poli ra; an habe."
16 An dice u kompara a mu tem dice: "Solu de u pluto-an face mega karpe. 17 "An doxo intra se: 'Mi akti qo, ka mi ne habe loka de karpe stora?' 18 "An dice: 'Mi akti u-ci: mi fu apo mi grana stora-do e fu stru ma mega. Mi fu akti stora de panto karpe e panto boni ra la. 19 "'Mi fu dice intra se: "Psiko, tu habe poli boni ra; ge-stora tem poli anua. Pausa e fago e bibe e este hedo."' 20 "Teo dice: 'Fatuo-pe, [Mi] fu volu tu psiko ex tu kron u-ci noktu. Ra; tu pa akti, fu es a qo-pe?' 21 "So es pe; qi gene tresora pro se e qi ne es pluto a Teo."
22 An dice a sko-pe: "Ka-co Mi dice a vi; ni este kura de bio; vi fago qo-ra, ni: vi habe qo vesti. 23 "Bio es ma de sito, e soma de vesti. 24 "Puta de Korax-avi, ka mu akti ni kulti ni karpe e ka mu habe ni stora-do ni grana-do, ko-co Teo dona sito a mu. Qe vi tena ma mega valu de avi? 25 "Qo-pe ex vi posi ma-mega statura de mo kubita-metri per vexa? 26 "Si vi ne posi akti maxi pusi ra, qo-ka vi este anxio de resta ra? 27 "Puta de; Lilia-flori gene kresce per qo mode? Mu akti ni ergo ni sue. Mi dice a vi; ne Solomon in auto panto glori habe vesti homo mo ex mu. 28 "Si Teo dona vesti per tali mode a gra; qi es ci kron nu-di e es ge-bali in furna kron fu-di, An fu dona qo ma boni vesti a vi, vi de pusi fide? 29 "Ne akti cerka; vi fago qo-ra alo vi bibe qo-ra, e ne este anxio, 30 "ka panto natio de munda akti cerka de tali ra. Vi Patri habe ski; vi habe nece de panto-ci. 31 "Anti-co akti cerka de Teo regi-landa. [Teo] fu dona adi de panto-ci a vi. 32 "Ne este fobo, pusi ovis grega, ka vi Patri boni doxo es; dona a vi u-ci regi-landa. 33 "Vendo habe-ra e dona a pove-pe plu doro. Face pro vi plu bursa; qi ne gene paleo, e u no-fali tresora in urani; in qi ni klepto-pe ki ni noktu Lepidoptera destru. 34 "In loka; in qi vi tresora es, fu es vi kardia.
35 "Vi vesti debi es ge-prepara, e vi lampa debi habe foto. 36 "Vi debi es homo plu homi; qi du atende pro cefa, kron an fu veni ab game ritu, so, po veni e po bate [epi porta], mu imedia posi aperi. 37 "Panto dulo; po veni, u cefa fu detekti atende, fu este hedo. Mi dice a vi veri; an fu moti vesti epi an e fu moti mu [peri mensa] e ki e dona a mu servi. 38 "Si an veni pre alo klu po meso noktu e detekti mu per tali stato, panto-la dulo fu es hedo. 39 "Anti-co ski: si domi-cefa pa sio ski; qo horo u klepto-pe fu ki in, an pa du skope e ne pa lase ki in domi. 40 "Vi debi es ge-prepara, ka un Homi-Fili fu veni kron horo; de qi vi ne habe doxo." 41 Petro dice: "Cefa, qe Tu dice u-ci parabola a na alo a panto-pe?" 42 Na Cefa dice: "U fide e sofi supra-visi-pe es qo-pe; u cefa fu face un arki-pe de auto domi tende dona sito korekti-kron? 43 "U dulo; po veni, u cefa fu detekti tem akti per tali mode, fu es hedo. 44 "Mi dice veri; u cefa fu dona ad an arki de panto habe-ra. 45 "Si u dulo dice intra se: mi cefa face lento veni, e proto bate anti hetero dulo e fago e bibe e gene narko, 46 "u cefa fu veni tem di; tem qi u dulo ne du atende, e kron horo; de qi u dulo ne habe ski, e fu akti dia-seka e dona ad an u mero ko no-fide-pe. 47 "U-la dulo; qi ski cefa volu e ni face prepara se e ni akti akorda an volu, fu gene poli bate. 48 "Pe; qi ne ski e qi akti ra; qi nece flagela-bate, fu gene oligo bate. [Teo] fu volu poli ra ex panto-pe; a qi An dona poli ra, e fu dice ma qestio a pe; a qi An dona fide de poli ra.
49 "Mi pa veni tende bali piro epi geo. Mi volu; id pre-nu habe flama! 50 "Mi nece gene bapti ritu. Mi este tro turba, a-kron id gene kompleti! 51 "Qe vi habe doxo; Mi veni tende dona paci epi geo? Mi dice a vi; no, sed tende dona divide. 52 "Po nu, fu es in mo domi penta homi; ge-divide tri anti bi e bi anti tri. 53 "Patri fu habe divide anti an-fili e an-fili anti patri e matri anti fe-fili e fe-fili anti matri e sponsa matri anti sponsa fe-fili e sponsa fe-fili anti sponsa matri."
54 An dice a poli-pe: "Po vide; u nefo ki-ana ab uest, vi imedia dice: 'Pluvi veni,' ko-co u-ci acide per tali mode. 55 "Po sud venti fla, vi dice: 'Fu es termo,' ko-cl u-ci acide. 56 Falsi-akti-pe, vi akti judika de facia de urani e de geo. Vi ne akti judika de u-ci tem.
57 "Qo-ka vi ne face justi judika de vi auto? 58 "Tem tu ki ad arki-pe kon anti-pe, forti tenta gene libe ab an longi via, kaso an trakto tu a judika-pe e kaso judika-pe dona tu a karcera-pe e kaso karcera-pe bali tu in karcera. 59 "Mi dice a tu; vi ne fu veni ex la, a-kron tu fu dona paga de ultima kupra moneta."
1 Iso tem, plu homi es ci tem dice nara de Galilai-pe; Pilato pa mixa mu hema ko mu sakrifice. 2 Tem reakti, Jesu dice: "Qe vi tena doxo; plu-ci Galilai-pe es kako-pe, ma kako de panto Galilai-pe, ka mu gene noku de tali ra? 3 "Mi dice a vi no. Anti-co, si vi ne este penite [de auto kako], panto vi fu gene morta per homo mode. 4 "Alo qe vi tena doxo; mo-okto andro; epi qi turi in Siloam pa kade e cide, es kako-pe, ma kako de panto-pe; qi du eko in Jerusalem-civita? 5 "Mi dice a vi no. Anti-co, si vi ne este penite [de auto kako], vi fu gene morta per homo mode."
6 An dice u-ci kompara: "Un andro pa face; uno-pe moti u Ficus-dendro in horti. An ki tende detekti frukti epi id sed ne detekti. 7 "An dice ad horti-pe: 'Vide; mi pa ki tende detekti frukti epi Ficus-dendro tem tri anua sed ne detekti. Apo! Qo-ka id face no-funktio solu?' 8 "Tem reakti, an dice: 'Lase plus tem u-ci anua, po mi fu face kavita peri id e moti in fertili-ma. 9 Boni, si id fu gene frukti. Si ne, po-co tu fu apo.'"
10 An dona sko in mo religio-do tem plu no-ergo-di. 11 Vide; es u gina; qi habe pato spiritu tem mo-okto anua, tem es ge-klina e es no-pote de kompleti orto. 12 Po vide fe, Jesu voci e dice a fe: "Gina, gene laxa ab pato!" 13 An moti manu epi fe. Fe gene orto imedia e dona glori a Teo. 14 Tem este koleri ka Jesu pa akti repara tem non-ergo-di e tem reakti, u religio-do arki-pe dice a poli-pe: "Es sixa di; tem qi pe debi ergo. Ki a ci e gene repara tem panto-ci di sed ne tem non-ergo-di. 15 Ka-co na Cefa reakti e dice: "Falsi-akti-pe, panto vi face laxa bovi alo Asinus ab zoa-lo tem non-ergo-di e, po moti-ab, dona aqa. 16 "Tem es Abraam-fili, u-ci; Satan pa liga klu tem okto-mo anua, ne debi gene libe ex liga tem non-ergo-di?" 17 Po dice panto-ci, panto-pe; qi es anti An, este etio. Holo poli-pe este hedo de panto glori ra; An akti.
18 An dice: "Teo regi-landa es homo qo? Mi fu kompara id ko qo? 19 "Id es homo Sinapis sperma. Po gene, un homi pa bali id ad-in horti. Id kresce e gene muta a mega dendro. Plu urani avi sedi epi rami."
20 An itera dice: "Mi fu kompara Teo regi-landa ko qo? 21 "Id es homo zima. Po gene, u gina pa kripti id in tri mero de farina, a-kron holo-ra fu es ge-fla."
22 An ki-kata dia civita e dia viki tem dona sko e tem face progresi a Jerusalem-civita. 23 Uno-pe dice: "Cefa, qe homi; qi fu es ge-salva, es oligo?" An dice a mu: 24 "Fo tenta ki-in dia steno porda. Mi dice a vi; poli homi fu tenta cerka de ki-in e ne fu pote. 25 "Po domi Cefa ki-ana e klude porta e po vi proto sta extra e bate porta tem dice: 'Cefa, Cefa: aperi a na.' Tem reakti, An fu dice a vi: 'Mi ne ski vi alo; vi es ex qo-lo.' 26 "Ci-kron vi proto dice: 'Na pa fago e bibe ante Tu. Tu pa dona sko epi na strata.' 27 "An dice a vi: 'Mi dice a vi; Mi ne ski vi alo; vi es ex qo-lo. Panto ergo-pe de no-justi: ki ab Mi. 28 "Fu es lakrima e frika de denti anti alelo, po vi vide Abraam e Isaak e Jakob e panto pre-dice-pe in Teo regi-landa, sed vi auto gene bali-ex. 29 "Mu fu ki ex est e ex uest e ex nord e ex sud e habe pausa in Teo regi-landa. 30 "Vide; es plu ultima-pe; qi fu es proto, e plu proto-pe; qi fu es ultima.
31 Tem iso di, plu Farisai-pe veni tem dice: "Ki-ex e ki-ab, ka Herode volu cide Tu!" 32 An dice: "Po vi ki-ab, dice ad u-la Vulpes: 'Vide; Mi apo diaboli e akti repara nu-di e fu-di e fu gene fini kron di tri.' 33 "Mi nece dura tem nu-di e fu-di e seqe di, ka es no-posi: u pre-dice-pe gene morta extra Jerusalem-civita.
34 "Jerusalem, Jerusalem; qi cide pre-dice-pe e cide per petro plu homi; qi gene mite a tu, Mi sio volu kolekti tu infanti tali freqe per mode; u galina kolekti fili-grega infra ptero, anti-co vi ne volu. 35 "Vide; vi domi es vaku a vi. Mi dice a vi; fu es veri: vi ne fu vide Mi, a-kron vi dice: 'An; Qi ki a na per Teo nomina, es ge-bene-dice.'"
1 Acide: po An ki in Farisai arki-pe domi tem non-ergo-di tende vora pani, mu akti skope de An. 2 Vide; un andro; qi habe brio, es ante An. 3 Tem reakti, Jesu dice a lega-tekno-pe e a Farisai-pe: "Qe akti repara tem non-ergo-di es akorda lega?" 4 Mu es silento. Tem tena, An akti repara e lase; an ki-ab. 5 Tem reakti a mu, An dice: "Qo-pe ex vi, si vi Asinus alo vi bovi kade ad-in kavita, ne fu trakto imedia tem non-ergo-di?" 6 Mu ne pote reakti de panto-ci.
7 An dice ad homi; qi pa gene petitio de veni, kompara, po An gene nota mode; per qi mu elekti plu cefa loka, tem dice a mu; 8 "Po pe dona a tu petitio de veni a game festa, ne gene u maxi importa loka, kasa an posi dona petitio ad homi, ma honori de tu. 9 "Po an; qi pa dona petitio a tu e ad an, ki a tu e dice: 'Dona loka ad u-ci homi,' tu sti gene u mini importa loka kon etio. 10 "Anti-co, po tu gene petitio e po ki, gene u mini importa loka, so po an; qi pa dona petitio a tu, pote dice a tu: 'Ami: ki a ma importa.' Ci-kron tu fu gene glori ante panto homi peri mensa ko tu. 11 "Ka panto-pe; qi dona a se honori, fu gene non-honori, e panto-pe; qi dona a se non-honori, fu gene honori."
12 An dice ad homi; qi pa dona petitio: "Kron tu face festa alo vora, voci ni ad ami ni a sibi ni a relatio-pe ni a pluto proxi-pe, kaso mu fu dona a tu versi-petitio e fu dona a tu re-paga. 13 "Anti-co, kron tu face festa, voci veni a pove-pe e a minus-poda-pe e a klaudi-pe e a no-vide-pe. 14 "Tu fu gene hedo, ka mu ne pote dona versi tu re-paga, ka tu fu gene re-paga kron re-vive de panto justi-pe."
15 Po audi, uno-pe peri mensa dice u-ci: "Homi; qi fago pani in Teo regi-landa, fu gene hedo." 16 An dice: "Un andro pa face mega vora e dona petitio de veni a poli homi. 17 "An bali u dulo kron vora-horo tende dice a panto-pe; qi pa gene petitio: 'Sti veni, ka panto-ra es ge-prepara.' 18 "Panto-pe ko mo akorda proto dice pardo. Un homi mo dice: 'Mi pa merka agri e nece ki e nece vide id. Mi dice petitio; sti pardo a mi.' 19 "Hetero homi dice: 'Mi pa merka penta bovi-bi e nu nece dona proba a mu. Mi dice petitio: sti pardo a mi.' 20 "Hetero homi dice: 'Mi pa es ge-game e, kausa u-ci, ne pote ki.' 21 "Po veni, u dulo dice a cefa panto-ci. Tem este koleri, u domi-cefa dice a dulo: 'Tako sti ki-ex epi strata e klu in pusi strata de civita e duce pove-pe e minus-poda-pe e klaudi-pe e no-vide-pe ad-in ci.' 22 "U dulo dice: 'Cefa, mi pa akti akorda komanda. Es libe volumi a-nu.' 23 "U cefa dice a dulo: 'Sti ki ad inter-civita via e a fragma e face; mu ki-in. 24 "'Mi dice a tu; nuli-pe; qi gene petitio a mi vora, fu gene gusta.'"
25 Mega poli-pe ki-ko. Po tropi, An dice a mu; 26 "Si ki a Mi e ne miso patri e matri e sponsa e sibi e klu auto bio, uno-pe ne fu pote es Mi sko-pe. 27 "Ali-pe; qi ne fero kruci e ki seqe Mi, ne pote es Mi sko-pe. 28 "Qo-pe ex vi, tem volu stru u tura po sedi, ne akti numera de preci [tende vide;] si pe habe [materia] pro kompleti, 29 "kasa, po face u basi, panto-pe; qi vide, fu proto ridi anti an 30 "tem dice: 'U-ci homi pa proto stru e ne nu pote fini.' 31 "Alo qo regi, tem ki tende sti milita kon hetero regi e po sedi, ne gene konsili [tende vide;] si an ko deka-kilo homi pote viole anti homi ko bi-ze-kilo homi; qi ki anti an? 32 "Si ne, tem an es tele po mite ambasadora, an dice petitio de paci. 33 "ka-co singu pe ex vi; qi ne linqi panto-ra; an habe, ne pote es Mi sko-pe.
34 "Sali es boni. Anti-co, si sali lose gusta, vi face gusta per qo? 35 "Id es gru ni pro solu ni pro solu fertili-ma. Bali-ex!. Pe; qi habe oti, debi audi."
1 Es panto fiska-pe e panto kako-pe; qi ki-proxi, tende audi. 2 Panto Farisai-pe e religio-lega-pe dice protesta: "U-ci cepti kako-pe e vora ko mu." 3 An dice a mu u kompara: 4 "Qo andro ex vi, tem habe hekto Ovis e po lose mo ex mu, ne linqi nona-nona in agrio-landa e ki seqe id; qi es ge-lose, a-kron detekti? 5 "Po detekti, an moti id epi skapa tem voci hedo. 6 "Po ki a domi, an voci ad ami e a proxi-pe tem dice: 'Voci hedo ko mi, ka mi pa detekti Ovis; qi pa es ge-lose.' 7 "Mi dice a vi; per homo mode, in urani fu es ma hedo de mo penite kako-pe de; de nona-nona; qi sio habe nuli nece de penite.
8 "Qo gina; qi habe deka argenti moneta, si lose mo, ne face flama epi lampa e ne puri domi per brosa e ne akti kura cerka a-kron detekti? 9 "Po detekti, fe voci ad ami e a proxi-pe tem dice: 'Voci hedo ko mi, ka mi pa detekti moneta; mi pa lose.' 10 "Mi dice a vi; per homo mode es hedo de mo penite kako-pe ante Teo angeli."
11 An dice: "U certa andro pa habe bi an-fili. 12 "Ma juve dice a patri: 'Patri: dona mero de habe-ra; qi habe pertine a mi.' An akti divide de bio-ra a mu. 13 "Po ne-poli di e po kolekti panto-ra, u-ci ma juve fili ki ab in tele landa e akti disipa de habe-ra tem disipa bio. 14 "Po akti spende de panto-ra, u viole famina sti origi dia landa. An proto gene pove. 15 "Po ki ab, an gene unio ko civi de u-la landa. An bali an in agri tende dona sito a sui. 16 "An fo volu face ple gastro ex gluma; sui fago. Nuli-pe dona. 17 "Po face orto menta, an dice: 'Qanto patri ergo-pe habe sati pani, tem mi gene morta ko famina? 18 "'Po sta, mu fu ki a patri e fu dice ad an: "Patri, mi pa akti mali anti urani e ante tu. 19 "'"Mi ne nu es digni; tu voci fili mi. Face mi homo ergo-pe."' 20 "Po sta, an ki a patri. Kron an es ankora fo tele, an patri vide an e este simpati e, po dromo, bali se epi an kola e dona poli oskula. 21 "U fili dice: 'Patri, mi pa akti kako anti urani e ante tu. Mi ne nu es digni; tu voci fili mi.' 22 "An patri dice a dulo: 'Moti ci u maxi boni vesti e moti epi an. Dona u digi-zo a digi e pedi-ve a pedi. 23 "'Po moti ci, cide u plumpa ju-bovi e, tem vora, lase; na este hedo, 24 "'ka u-ci fili pa es morta e nu es re-vive. An pa es ge-lose e nu es ge-detekti.' 25 "U ma paleo fili es in agri. Tem ki proxi domi, an audi musika e kore. 26 "Po voci veni a mo dulo proxi an, an dice qestio; panto-ci ra es qo. 27 "An dice: 'Tu fratri pa akti veni. Tu patri pa cide u plumpa ju-bovi, ka an gene an kon imuni e sani.' 28 "An este koleri e ne volu ki-in. Ka-co, po ki, an patri akti serca de an. 29 "Tem reakti, an dice a patri: 'Vide; mi pa dona a tu servi tem poli anua e ne akti kontra tu komanda. Tu pa dona a mi u ju-kapri nuli-kron, so mi sio pote este hedo kon ami. 30 "'Kron u-ci fili; qi pa mali uti tu bio-ra ko kako gina, pa veni, tu pa cide u plumpa ju-bovi.' 31 "An dice: 'Mi fili, tu es ko mi holo-tem. Mi panto ra es de tu. 32 "'Este e voci hedo es gru, ka tu fratri pa es morta e nu es re-vive, e pa es ge-lose e nu es ge-detekti.'"
1 An dice a sko-pe: "Pa es u certa pluto-pe; qi habe u kura-pe. An dice anti an akusa; an face disipa de habe-ra. 2 "Po voci veni, an dice: 'Qo es u-ci; mi audi de tu? Dona konto de kura-ergo. Tu ne nu pote es u kura-pe.' 3 "U kura-pe dice intra se: 'Mi fu akti qo, ka mi cefa apo kura ergo ab mi? Mi ne pote fosi e este etio de pove-pe petitio. 4 "'Mi ski; mi akti qo, so, po an apo mi ab kura ergo, pe fu cepti mi in auto domi.' 5 "Tem voci veni de panto debito-pe a cefa, an dice ad homi mo: 'Tu habe qanto debito a mi cefa?' 6 "An dice: 'Mo hekto vasa de olea.' An dice: 'Prende tu konto e, tem sedi, grafo penta-ze ko sekreti.' 7 "An dice ad hetero homi: 'Tu habe qanto debito?' An dice: 'Mo hekto mero de Tritikum.' An dice: 'Prende tu konto e grafo okto-ze.' 8 "U cefa dona lauda a no-justi kura-pe, ka an pa akti ko tekno. Ex-co plu homi de nu-tem es ma tekno de; homi de foto auto-tem. 9 "Mi dice a vi; face neo [justi] ami pro vi per no-justi ra de munda, so, po vi gene morta, mu fu cepti vi in panto-tem eko-lo. 10 "Pe; qi tena fide per mini ra, tena fide plus per poli ra. Pe; qi es no-justi per mini ra, es in poli no-justi. 11 "Ka-co, si vi ne pa es fide per no-justi ra de munda, qo-pe fu dona fide de veri ra a vi? 12 "Si vi ne pa es fide per hetero homi ra, qo-pe fu dona a vi habe-ra? 13 "Nuli dulo pote servi bi cefa. Alo an este amo de mo e este miso de hetero alo an es fide a mo e este odio anti hetero. Vi ne pote servi Teo e munda [simul]."
14 Po audi panto-ci e tem este invidio, plu Farisai-pe ridi anti An. 15 An dice: "Vi es mu; qi face justi se ante homi. Teo ski vi, ka ra; homi puta boni, es kako ante Teo. 16 "[Paleo Akorda] lega e pre-dice-pe pa es pre Joane. Po-co an voci Teo regi-landa, ko-co [Teo] pulsa panto-pe in id. 17 "Urani e geo fu es fria es ma facili de; mo pusi mero de lega gene fali. 18 "Panto-pe; qi apo sponsa e sti game kon hetero, akti matura-pe krimi. Panto-pe; qi sti game ko ge-apo [sponsa] akti matura-pe krimi."
19 "Pa es u certa pluto andro. An habe ciano-rubi e linu vesti epi se tem este hedo ko splendi. 20 "Es u certa pove-pe, ge-nomina Lazaro; ge-moti proxi porta tem es ple per vulne 21 "e tem volu gene sati per mika; qi kade ab pluto-pe mensa. Anti-co plu kani, po veni, glosa vulne. 22 "Acide: u pove-pe gene morta. Plu angeli moti-ab ad Abraam. U pluto-pe gene morta e in-tera. 23 "Po aperi oku in puni-lo tem es in tortu, an vide tele Abraam e Lazaro kon an. 24 "Tem voci, an dice: 'Mi patri Abraam: monstra simpati a mi: mite Lazaro a mi, so an bapti digi akro in aqa e an face frigi mi glosa, ka mi gene algo in flama.' 25 "Abraam dice: 'Mi fili: memo; tu pa gene boni ra tem bio e Lazaro kako. An nu habe konsola e tu algo. 26 "'Plus panto-ci, u mega divide pa es ge-fixa inter na e tu, so pe; qi volu ki-dia ab ci a vi, ne pote, ni mu ki-dia ab la a na.' 27 "An dice: 'Mi dice a tu, mi patri, petitio; mite an a mi patri domi, 28 "'ka mi habe penta an-sibi, so an dice testi a mu, so mu ne ki a tortu-lo.' 29 "Abraam dice: 'Mu habe Moses ko panto pre-dice-pe. Mu debi audi mu.' 30 "An dice: 'No, mi patri Abraam. Anti-co, si uno-pe ex morta-pe ki a mu, mu fu gene penite.' 31 "An dice: 'Si mu ne audi Moses ko pre-dice-pe, ne klu si uno-pe gene leva ex morta-pe, mu fu gene kredi.'"
1 An dice a sko-pe: "Es no-posi: plu kako akti ne veni. Kako es homi; pe qi mu veni. 2 "Es ma boni, si pe pende un Asinus farina-li peri kola e bali se in mari, de; pe face; mo ex infanti akti kako. 3 "Kura a se. Si tu proxi-pe akti kako anti tu, dice kritice. Si dice penite, dona pardo. 4 "Si tu proxi-pe akti kako anti tu seti kron tem di e ki versi tu seti kron tem di tem dice: 'Mi este penite,' tu fu dona pardo."
5 Plu apostola dice a na Cefa: "Dona a na ma fide." 6 Na Cefa dice: "Si vi habe fide homo Sinapis sema, vi fu dice a Sicomorus-dendro: 'Moti-ex radi e ki in mari,' ko-co id akti obe a vi. 7 "Qo-pe ex vi; qi habe u dulo; qi po akti ara alo po kura zoa e po veni ex agri, fu imedia dice: 'Po veni, vora.'? 8 "Anti-co an ne dice: 'Face ra; mi fu vora, e, tem habe gru vesti epi se, dona a mi servi tem mi vora e bibe. Po-co tu vora e bibe.'? 9 "Qe an dice gratia a dulo ka an akti ra; de qi an dice komanda? Mi ne face tali doxo. 10 "Ka-co, po akti ra; ge-komanda a vi, vi fu dice: 'Na es plu mali dulo, ka na pa akti debi.'"
11 Acide: tem ki-ana a Jerusalem-civita, An ki dia meso de Samaria-landa e de Galilai-landa. 12 Kron ki in uno viki, deka derma-pato andro; qi sta tele, gene inkontra. 13 Mu sti voka tem dice: "Cefa Jesu: dona a na civili!" 14 Kron vide, An dice: "Po ki-ab, monstra se a preka-pe." Acide: tem ki, mu gene puri. 15 Kron vide ge-repara, mo ex mu ki versi e, per fo-soni voka, dona a Teo glori. 16 An kade epi facia para An pedi tem dona gratia. An es u Samaria-pe. 17 Tem reakti, Jesu dice: "Ne deka gene puri? Qo-lo es nona? 18 "Ne pa es ali-pe; qi ki versi tende dona a Teo glori, exklude xeno-pe?" 19 An dice ad an: "Po sta, ki avanti. Tu fide face repara de tu."
20 Po Farisai-pe dice qestio; Teo regi-land fu veni qo-kron, An reakti e dice: "Teo regi-landa ne fu veni ko skope. 21 "Ni; mu fu dice: 'Vide ci,' alo: 'Vide la.' Vide; Teo regi-landa nu es inter vi. 22 An dice a sko-pe: "Plu di fu veni, kron vi volu vide mo di de [Teo] Homi-Fili, anti-co vi ne fu vide. 23 "Uno-pe fu dice a vi: 'Vide ci,' alo: 'Vide la.' Ne sti ki ni ki seqe. 24 "Homo flasc; qi ki ex uno latu infra urani, dona foto a hetero latu infra urani, so un Homi-Fili fu es tem Auto di. 25 "Proto, An nece gene algo per poli ra e gene nega ab homi de u-ci tem. 26 "Homo acide pa es tem Noah di, so fu es tem [Teo] Homi-Fili di. 27 "Homi pa fago e bibe e gene sponsa e gene game a di; Noah ki in navi e diluvi veni e destru panto mu. 28 "So homo tem Lot di. Mu pa fago e bibe e merka e vendo e akti sema e face stru. 29 "Tem di; Lot ki ex Sodom-civita, piro e sulfuri ki homo pluvi ex urani e destru panto-pe. 30 "Homo-co fu es tem di; Homi-Fili gene monstra. 31 "Tem u-la di, pe; qi es epi domi e habe ra in domi, ne ki-kata tende apo mu. Pe; qi es in agri, ne homo ki-versi a mu. 32 "Memo de Lot sponsa. 33 "Pe; qi tenta tena bio, fu lose. Pe; qi lose, fu tena. 34 "Mi dice a vi; tem u-la noktu, fu es bi homi epi mo kli--uno gene apo e hetero gene resta. 35 "Bi gina fu face farina simul--uno gene apo e hetero gene resta. 36 "Bi andro fu es in agri--uno gene apo e hetero gene resta." 37 Tem reakti, mu dice: "Qo-lo, Cefa?" An dice: "Ali-lo es u [morta] soma, topo es Aqila grega."
1 An dice u kompara, tende mu nece akti preka panto-tem e ne sto, 2 tem dice: "Es in uno civita uno judika-pe; qi ne este fobo de Teo e ne dona respekto ad homi. 3 "Es u vidua in civita; qi du veni ad an tem dice: 'Dona puni pro mi anti anti-pe.' 4 "An ne volu u-ci ci-tem. Po-co an dice intra se: 'Anti, mi ne este fobo de Teo e ne dona respekto ad homi, 5 "'ka u vidua face turba anti mi, mi fu dona puni pro fe, so fe ne face noku anti mi per fe dura veni.'" 6 Na Cefa dice: "Audi ra; ne-justi judika-pe dice. 7 "Qe Teo ne fu akti puni pro ge-elekti-pe; qi fo-voci ad An tem di e tem noktu e tem An tena tolera ko mu? 8 "Mi dice a vi; An fu akti puni ko tako. Anti-co, po veni, un Homi-Fili fu detekti fide epi geo?"
9 An dice ad homi; qi tena de se u fide; mu es justi e qi este no-valu a resta homi, u-ci kompara: 10 "Bi andro ki in religio-do tende dice preka. Mo es u Farisai-pe e hetero es u fiska-pe. 11 "Tem sta, u Farisai-pe dice pro se u preka: 'O Teo, mi dice a Tu gratia; mi ne es homo resta homi, ne-honesti alo ne-justi alo matura-pe kako, alo homo u-ci fiska-pe. 12 "'Mi sto fago bi tem singu setimana e dona u mero deka ex panto-ra; mi gene.' 13 "Tem sta tele, u fiska-pe ne leva oku ad urani. Anti-co an bate toraci tem dice: 'O Teo: es civili a mi, u kako-pe.' 14 "Mi dice a vi; u-ci homi ki ad auto domi po gene justi sed ne u-la homi, ka panto-pe; qi face ma importa se, fu gene non-importa, e qi face non-importa se, fu gene importa."
15 Uno-pe duce plu babi, so An fu palpa mu. Po vide, plu sko-pe dice kritici. 16 Po voci veni, Jesu dice: "Lice; panto pusi infanti ki a Mi, e ne veto. Teo regi-landa es de tali homi. 17 "Mi veri dice a vi; pe; qi ne cepti Teo regi-landa homo; pusi infanti cepti, ne fu ki in id."
18 Uno arki-pe dona qestio tem dice: "Boni Doci-Pe, mi fu gene panto-tem bio po face qo?" 19 Jesu dice: "Qo-ka tu voci boni Mi? Nuli-pe es boni exklude Teo. 20 "Tu habe ski de [Teo] komanda; ne sti matura-pe kako, ne sti cide, ne sti klepto, ne dice falsi testi, este honori de patri e de matri." 21 An dice: "Mi tena panto-ci ex mi juve." 22 Po audi panto-ci, Jesu dice: "A-nu, minus es mo ra; sti vendo de panto-ra; tu habe, e distribu a pove-pe, kron tu fu habe tresora in urani. Sti veni e ki seqe Mi." 23 Po audi panto-ci, an gene fo tristi, ka an habe poli pluto. 24 Tem vide e po gene fo tristi, Jesu dice: "Homi; qi habe pluto, ki in Teo regi-landa ko tali no-facili! 25 "Es ma facili: u Kamelus ki dia aku fora, de; u pluto-pe ki in Teo regi-landa. 26 Plu homi; qi pa audi, dice: "Qo-pe fu gene salva?" 27 An dice: "Pragma; qi es no-posi kon homi, es posi ko Teo." 28 Petro dice: "Vide; na pa linqi panto-ra e pa ki seqe Tu." 29 An dice: "Mi veri dice a vi; po linqi domi alo parenti alo sibi alo sponsa alo fili pro Teo regi-landa, es nuli-pe; 30 "qi ne fu gene ge-multi qantita ci-tem e panto-tem bio veni-tem."
31 Po gene Mo-bi-pe, An dice a mu: "Vide; na fu ki a Jerusalem-civita. Panto-ra; qi pa gene grafo ex pre-dice-pe de [Teo] Homi-Fili, fu gene akti. 32 "An fu gene dona a no-juda-pe e gene ridi anti An e gene mali-dice e gene spu anti An. 33 "Po flagela, pe fu cide An. Tem di tri, An fu surge." 34 Mu habe logi de nuli-ra de panto-ci. U dice es ge-kripto ab mu. Mu ne habe ski de ge-dice ra.
35 Acide: kron ki proxi Jeriho-civita, uno no-vide-pe sedi para via tem petitio. 36 Po audi; u poli-pe ki-para, an dice qestio; u-ci es qo. 37 Mu dice: "Jesu ex Nazaret-civita ki-para." 38 An voci tem dice: "Jesu, David Fili: dona a mi civili!" 39 Mu; qi ki-ante, dice kritici, so an fu es silento. An voci poli ma: "David Fili, dona a mi civili!" 40 Po sta, Jesu dice komanda; mu duce an ad An. Po ki proxi, An dona qestio 41 tem dice: "Tu volu; Mi akti qo?" An dice: "Cefa, mi fu gene vide-pote." 42 Jesu dice: "Gene vide-pote! Fide akti repara a tu." 43 Imedia, an gene vide-pote e ki seqe tem dona glori a Teo. Po vide, panto homi dice lauda a Teo.
1 Po veni, An ki dia Jeriho-civita. 2 Vide; un andro, ge-nima Zahai, es u fiska-arki-pe e es pluto. 3 An tenta vide Jesu--An es qo-pe. An ne pote kausa poli-pe, ka an es pusi de statura. 4 Po dromo ante, an ki epi Sicomorus-dendro tende vide, ka An fu ki-para. 5 Kron ki a la e tem vide ana, Jesu vide e dice ad an: "Zahai: tako ki-kata. Nu-di Mi nece resta in tu domi." 6 Po tako ki kata, an cepti An tem voci hedo. 7 Po vide, panto-pe dice protesta tem dice: "An ki tende habe eko ko kako-pe." 8 Tem sta, Zahai dice a na Cefa: "Cefa, vide; mi dona a pove-pe u semi de habe-ra. Si mi pa prende uno-ra ab uno-pe per falsi judika, mi dona-versi u multi-tetra qantita. 9 Jesu dice ad an: "Nu-di salva pa ki in tu domi, ka an es Abraam fili. 10 "Un Homi-Fili ki tende akti serca e akti salva de pe; qi es ge-lose."
11 Tem mu audi panto-ci, An dice plus u kompara, ka An es proxi Jerusalem-civita e ka mu doxo; An fu imedia monstra Teo regi-landa. 12 Ka-co An dice: "U certa importa andro fu ki a tele landa tende cepti u regi-landa e ki versi. 13 "Po voci deka dulo, an dona deka ponda [de argenti] e dice: 'Akti komerci a-kron mi veni.' 14 "An civi este miso e mite u grama po an tem dice: 'Na ne volu; u-ci pe es regi supra na.' 15 "Acide: kron an veni po cepti u regi-landa, an dice komanda; voci veni a plu-ci dulo; qi pa gene valuta, tende an fu gene ski; panto mu pa gene qo-ra per komerci. 16 "U mo veni tem dice: 'Cefa, tu ponda pa face plus deka ponda.' 17 "An dice: 'Boni, boni dulo! Ka tu pa es fide de pusi ra, tena arki supra deka civita.' 18 "U bi veni tem dice: 'Cefa, tu ponda pa face penta ponda.' 19 "An dice: 'Tu tena arki supra penta civita.' 20 "Un hetero veni tem dice: 'Cefa: vide u ponda; mi pa tena in textili. 21 "'Mi este fobo de tu, ka tu es u sadi andro. Tu prende ra; tu ne pa dona, e gene karpe de ra; tu ne pa moti sema in solu.' 22 "An dice: 'Mi fu face judika de tu ex auto stoma, kako dulo! Tu habe ski; mi es u sadi andro tem prende ra; mi ne pa dona, e gene karpe de ra; mi ne pa moti in solu. 23 "'Qo-ka tu ne pa dona valuta a banka. Kron veni, mi sio gene id ko kapitali?' 24 "An dice ad homi; qi sta-para: 'Apo u ponda ab an e dona ad an; qi habe deka ponda.' 25 "Mu dice: 'Cefa, an habe deka ponda.' 26 "'Mi dice a vi; pe; qi habe, fu gene dona. Pe; qi habe [proxi] nuli-ra, fu gene apo de klu ra; u-ci pe habe. 27 "'Ko-co mi non-ami; qi ne volu; mi es u regi supra mu--duce a ci e cide mu ante mi.'"
28 Po dice panto-ci, An ki-ante tem ki a Jerusalem-civita. 29 Acide: kron ki proxi Betfage-civita e Betania-civita in via ad Olivi-Monti, An mite bi sko-pe 30 Tem dice: "Ki in kontra viki. Kron ki ad-in id, vi fu detekti u ge-liga [Asinus]-fili; epi qi nuli-pe pa sedi. Po no-liga, duce. 31 "Si ali-pe dice qestio: 'Qo-ka vi no-liga?' vi fu dice so: 'Ka na Cefa habe nece.'" 32 Po ki-ab, mu; qi pa gene mite, detekti homo; An pa dice. 33 Kron no-liga un [Asinus]-fili, u cefa dice a mu: "Qo-ka vi no-liga un [Asinus]-fili?" 34 Mu dice: "Na Cefa habe nece." 35 Mu duce id a Jesu. Po bali vesti epi un [Asinus]-fili, mu moti Jesu epi id. 36 Tem iti, [plu homi] moti vesti ad-in via. 37 Kron ki proxi u kata de Olivi-Monti, holo sko-pe poli-pe sti hedo e sti dice a Teo per fo-soni voka de panto dina akti; mu pa vide, 38 tem dice: "Ge-bene-dice Regi; qi veni per nomina de na Cefa! Paci in urani e glori in maxi alti loka!" 39 Plu Farisai-pe ex poli-pe dice ad An: "Doci-Pe, dice kritici a tu sko-pe." 40 Tem reakti, An dice: "Mi dice a vi; si mu sio es silento, plu petro fu voci." 41 Tem ki proxi e vide u civita, An sti lakrima de id 42 tem dice: "Si tu--tu, klu tem u-ci, tu di--sio ski ra; qi dona paci a tu! Mu nu es ge-kripto ab tu oku. 43 "Ka plu di fu veni, tem non-ami face u longi kavita peri tu e ki-peri anti tu e face ge-inklude tu per panto latu 44 "e face libela ko solu tu e tu fili in tu e ne lase u petro epi petro, ka tu ne habe ski de tem de tu kura."
45 Po ki in religio-do, An sti bali panto vendo-pe e merka-pe ex id 46 tem dice: "Es ge-grafo: 'Mi domi es u preka domi.' Vi face u klepto-pe kaverno." 47 An dona sko tem panto di in religio-do. Plu arki-preka-pe e plu religio-tekno-pe e klu u demo-cefa tenta destru An. 48 Mu ne detekti u posi, ka panto homi es peri An tem audi.
1 Acide: tem uno di tem An dona sko ad homi in religio-do e An dice de boni nova, plu cefa-preka-pe e plu religio-tekno-pe kon plu arki-pe veni 2 e dice ad An: "Dice a na; Tu akti panto-ci ko qo arki, alo; qo-pe pa dona arki a Tu." 3 Tem reakti, An dice a mu: "Mi fu dice a vi u qestio de mo pragma: dice: 4 "Joane bapti-ritu es ex urani alo ex homi?" 5 Mu puta inter si tem dice: "Si na dice; ex urani, An fu dice: 'Qo-ka vi ne habe kredi?' 6 "Si na dice; ex homi, panto homi bali petro anti na, ka mu pa gene kredi; Joane es u pre-dice-pe." 7 Mu reakti; mu ne habe ski; ex qo-pe. 8 Jesu dice: "Mi ne fu dice a vi; Mi akti panto-ci ko qo arki."
9 An proto dice a panto homi u kompara: "Uno andro face un horti e tem-dona id a plu agri-pe e lase u landa longi-tem. 10 "Kron karpe-tem, An mite u dulo ad agri-pe, so mu fu dona frukti ex horti. Po bate, plu agri-pe bali vaku an. 11 "An plus mite un hetero dulo. Po itera bate e akti kako, Mu bali vaku. 12 "An plus mite u tri. Po face vulne in an, mu bali-ex. 13 "Un horti cefa dice: 'Mi fu akti qo? Mi fu mite mi ge-amo an-fili. Posi, po vide an, mu fu este respekto.' 14 "Po vide, plu agri-pe puta inter se tem dice: 'An es un heredi. Sti veni e cide, so na fu gene panto habe-ra de cefa.' 15 "Po bali ex horti, mu cide an. Ka-co un horti cefa fu akti qo? 16 "An fu veni e destru plu agri-pe e fu dona un horti ad hetero homi." Po audi, mu dice: "Ne fu acide!" 17 Tem skope, An dice: "U-ci; qi es ge-grafo, nu es qo? 'Petro; plu stru-pe pa no-cepti, gene muta a cefa gono.' 18 "Panto-pe; qi kade epi petro, fu gene frakti. Id fu face pulve mu; epi qi id kade." 19 Po nu volu rapi An, plu arki-preka-pe e religio-tekno-pe este fobo de panto homi, ka mu habe ski; An dice u-ci kompara anti mu.
20 Po skope, mu mite espio-pe; qi akti fikti; mu es justi, so mu fu rapi An kausa An verba, so mu fu dona An a landa-cefa dina e arki. 21 Mu dona qestio tem dice: "Doci-pe, na habe ski; Tu justi dice e dona sko e ne cepti homi [doci] sed dona sko de Teo mode akorda veri. 22 "Qe dona fiska ad imperi-regi es akorda lega alo ne?" 23 Tem este ski de strategi, An dice a mu: "Qo-ka vi stimula Mi a kako? 24 "Monstra a Mi u moneta. Id habe u pikto e u grafo de qo-pe?" Tem reakti, mu dice: "De imperi-regi." 25 An dice: "Ka-co cede ad imperi-regi plu imperi-regi ra e a Teo plu Teo ra." 26 Mu ne pote rapi An kausa verba ante panto homi. Tem qestio se de An reakti, mu es silento.
27 Po plu Sadukai-pe; qi nega; fu es re-vive, veni, mu dona estio 28 tem dice: "Doci-pe, Moses pa grafo a na; si uno-pe an-sibi lose bio kron habe sponsa e lose bio minus fili, an an-sibi debi cepti an sponsa e debi gene fili pro auto an-sibi. 29 "Pa es seti an-sibi. Po habe u sponsa, u mo lose bio minus fili. 30 "U bi cepti u sponsa e lose bio minus fili. 31 "U tri cepti. Homo-co seti ne linqi fili e lose bio. 32 "Fini, u sponsa lose bio. 33 "Kron re-vive, fe fu es u sponsa de qo-pe de mu?" 34 Tem reakti, Jesu dice: "Panto fili de u-ci tem gene game e [uno-pe] dona mu a game. 35 "Po es digni de u-la tem ko re-vive ex morta-pe, mu ni fu akti game, ni [uno-pe] fudona mu a game. 36 "Mu ne posi lose bio po u-ci. Mu eqa plu angeli e es Teo fili tem mu es re-vive fili. 37 "Moses pa monstra para u-la pusi dendro; morta-pe gene re-vive, kron an voci na Cefa 'Abraam Teo e Isaak Teo e Jakob Teo'. 38 "An ne es Teo de morta-pe, kontra-co An es Teo de vive-pe. Panto-pe es vive pro An." 39 Tem reakti, plu religio-tekno-pe dice: "Doci-pe, boni dice!" 40 Po u-ci, mu ne cepti risko de qestio.
41 An dice a mu: "Qo-mode pe dice: Kristo es David fili? 42 "E David auto dice in Kanta bibli: 'Un ES dice a mi Cefa: "Sti sedi para dextro, 43 "'"a-kron Mi moti tu non-ami homo pedi-mo a tu pedi."' 44 "Ka-co David voci Cefa An. Qo-mode An es an Fili?
45 Tem panto homi audi, An dice a panto sko-pe: 46 "Kura de religio-tekno-pe; qi hedo gresi in longi vesti e este amo de saluta in marketa e de maxi importa sedi-lo in religio-do e de maxi importa loka tem mega vora 47 e qi gluto plu domi de fe-vidua e, homo boni feno, dice mega preka. Mu fu gene ma mega etio-judika.
1 Po vide-ana, An vide; pluto-pe bali valuta ad-in tresora. 2 An vide; u pove fe-vidua bali bi pusi moneta ad-in id. 3 An dice: "Veri, Mi dice a vi; u vidua pa bali ma de panto-pe. 4 "Panto-pe pa bali ex auto mega a doro a Teo, anti-co fe pa bali ex pove panto vive-ma; fe pa habe."
5 Tem uno-pe pa dice de religio-do e de; id habe kali petro e doro, An dice: 6 "De panto-ci ra; vi skope, u di fu veni kron uno-pe fu bali-kata panto petro; qi resta epi hetero." 7 Mu dona qestio tem dice: "Na Doci-pe, kron panto-ci gene acide? U sema; kron panto-ci gene acide, fu es qo?" 8 An dice: "Kura, vi ne gene duce-ab. Poli homi fu veni per Mi nomina tem dice: 'Mi es [Teo]. U tem ki proxi.' Ka-co ne ki seqe mu. 9 "Kron vi fu audi de milita e de turba, ne este fobo. Proto, panto-ci gene acide, anti-co u fini ne es imedia." 10 Ci-kron An dice: "Natio fu ki anti natio e regi-landa anti regi-landa. 11 "Fu es mega geo-seiso e famina e pato in hetero loka e fu es fobo vista e sema ex urani. 12 "Pre panto-ci, uno-pe fu rapi per manu e akti noku anti vi tem duce a religio-do e a karcera e tem duce vi ante regi e landa-arki-pe kausa Mi nomina. 13 "U-ci fu gene muta a testi pro vi. 14 "Ka-co moti in kardia; ne fu puta de dice alexi. 15 "Mi fu dona a vi u stoma e sofi; panto-pe; qi akti anti vi, ni fu pote reakti anti ni akti anti. 16 "Parenti e sibi e relatio-pe e ami fu duce e fu morta uno-pe ex vi. 17 "Panto-pe fu miso kausa Mi nomina. 18 "Mo kapila ex kefa fu gene noku per nuli mode. 19 "Gene psiko per tolera."
20 "Kron vi vide; Jerusalem-civita fu gene peri per milita-grega, gene ski; destru ki proxi. 21 "Ci-kron pe; qi es in Juda-landa, debi fugi a monti. Pe; qi es in meso, debi ki-ex. Pe; qi es in xeno landa, debi ne ki-in. 22 "Ka fu es plu di de puni, so panto ge-grafo ra fu gene sati. 23 "Fu es kako a gina kon intra babi e a gina ko suge-babi tem plu-la di. Fu es mega turba epi landa e koleri inter homi. 24 "Uno-pe fu kade per gladia kuspi e gene muta a kapti-pe ad-in panto xeno natio. Jerusalem-civita fu gene ge-fria ex panto xeno natio a-kron tem de xeno natio gene sati."
25 "Fu es plu sema in heli e in luna e in astro e epi geo ko turba, ko-co u mari e plu undu fu face brio. 26 "Homi este fo turba kausa fobo e kausa expekta de ra; qi ki a bio-lo. Urani dina gene seiso. 27 "Ci-kron uno-pe fu vide; un Homi-Fili veni in nefo ko dina e ko mega glori. 28 "Tem panto-ci gene sati, vide-ana e moti-ana vi kefa, ka re-merka ki proxi.
29 An dice u kompara: "Vide u Ficus-dendro e panto dendro. 30 "Mu pre-nu gene kresce, ko-co, tem skope, vi auto habe ski; termo-tem es proxi. 31 "Kron vide panto-ci gene sati, homo-co vi fu gene ski; Teo regi-landa es proxi. 32 "Veri, Mi dice a vi, oligo homi de u-ci tem ne fu gene morta a-kron panto-ci ra gene acide. 33 "Urani e geo fu gene morta, anti-co Mi verba ne gene morta.
34 "Kura, kasa vi gene turba per fatuo e per narko e per kura de u-ci vive. U-la di fu ki a vi ko subito. 35 "Id homo trapa fu ki a panto-pe; qi sedi epi facia de holo geo. 36 "Ka-co skope, panto-tem dice preka; [Teo] fu doxo; vi habe merito tende fugi ab panto-ci; qi nu-fu gene acide, e tende sta ante [Teo] Homi-Fili."
37 Di po di, An es in religio-do tem dona sko. Po ki-ex tem noktu, An habe eko epi monti, ge-nomina Olivi. 38 Panto-pe ki ad An in religio-do kron proto mana tende audi.
1 U minus-zima festa; qi habe nomina Paska, gene proxi. 2 Plu arki-preka-pe e religio-tekno-pe tenta detekti; cide An per qo mode, ka mu este fobo de panto-pe. 3 Satan ki in Juda; qi gene hetero nomina "Iskariot", tem es mo ex Mo-bi-pe. 4 Po ki ab, an dice kon arki-preka-pe e polica-cefa de mode; an fu vendo An a mu. 5 Mu este hedo e dice un akorda; tende dona valuta. 6 An dice promise e tenta detekti u fortuna; tende vendo An ab poli-pe.
7 U minus-zima di ki, tem qi u paska agno gene morta. 8 An mite Petro e Joane tem dice: "Po ki, face prepara Paska, so na fu vora." 9 Mu dice: "Tu volu; na face prepara qo-lo?" 10 An dice: "Vide; po ki in civita, vi fu gene inkontra kon andro; qi fero aqa in vasa. Ki-seqe ad-in domi; ad-in qi an ki. 11 "Dice a domi-cefa: 'Na Doci-pe dice a tu: "Un hospi-ka, topo Mi fu vora u paska agno ko sko-pe, es qo-lo?"' 12 "An fu monstra a vi u supra kamera, mega e ko mobili. Face prepara la." 13 Po ki-ab, mu detekti ra; An pa dice. Mu face prepara u Paska agno.
14 Po u kron veni, An es topo mensa, e mo-bi apostola kon An. 15 An dice a mu: "Ko desira, Mi volu vora u-ci paska agno ko vi, pre Mi gene algo. 16 "Mi dice a vi; Mi nuli-kron fu vora id a-kron; u-ci gene sati in Teo regi-landa." 17 Po prende u tasa e po dice gratia, An dice: "Dona e divide u-ci. 18 "Mi dice a vi; Mi ne fu bibe ex viti frukti a-kron Teo regi-landa veni." 19 Po prende e po dice gratia, An frakti e dona pani tem dice: "U-ci es Mi soma; qi gene dona pro vi. Akti u-ci tende tena memo de Mi." 20 Homo-co An prende u tasa po vora tem dice: "U-ci tasa es neo akorda per Mi hema; qi gene fusi pro vi. 21 "Plus-co vide; u manu de an; qi fu vendo Mi es ko Mi epi mensa. 22 "[Teo] Homi-Fili fu ki akorda ra; Teo pa decide. Plus-co kako fu es ad andro; ex qi An fu gene vendo." 23 Mu proto qestio inter alelo; qo-pe ex mu fu posi akti u-ci.
24 Inter mu, es disputa; qo-pe ex mu gene doxo; an es ma importa. 25 An dice: "Plu xeno-natio regi habe arki, ko-co plu arki-pe gene nomina 'akti-boni-pe'. 26 "Vi ne fu es homo. Anti-co u ma-mega-pe inter vi: es homo ma-juve-pe, e duce-pe homo servi-pe. 27 "Qo-pe es ma importa: mensa-pe alo servi-pe? Qe u servi-pe? Mi homo servi-pe es inter vi. 28 "Vi es plu homi; qi pa dura ko Mi tem stimula a kako. 29 "Homo; Mi Patri dona a Mi, Mi dona a vi u regi-landa, 30 "so vi fu fago e bibe topo mensa in regi-landa e fu sedi epi regi-sedi-mo tem dice judika de mo-bi Israel-tribu."
31 Na Cefa dice: "Simon, Simon: vide; Satan volu habe tu tende lisi tu homo Tritikum. 32 "Mi pa dice preka pro tu, so fide ne fu fali. Po itera fide, face forti plu fide-pe." 33 An dice: "Cefa, Mi es prepara tende ki ko Tu a karcera e a morta." 34 An dice: "Mi dice a tu, Petro; un an-galina ne fu voci nu-di, pre tu tri kron nega; tu habe ski de Mi."
35 An dice: "Kron Mi mite vi minus bursa e minus saka e minus pedi-ve, qe vi pa es minus ali-ra?" Mu dice: "Nuli-ra." 36 Ka-co An dice: "Anti-co nu, pe; qi habe u bursa, prende, homo-co u saka. Pe; qi ne habe gladia, vendo u vesti e merka id. 37 "Mi dice a vi; u ra; qi pa es ge-grafo, nece gene fini per Mi: 'An es ge-doxo homo minus-lega-pe.' Plu-la ra; qi habe importa de Mi, habe fini. 38 Mu dice: "Cefa: vide; bi gladia es ci." An dice: "Es sati."
39 Tem ki-ex, An ki ad Olivi-Monti akorda more. An sko-pe ki-seqe. 40 Po ki a loka, An dice: "Dice preka; ne ki a stimula a kako." 41 An es u bali-petro tele ab mu e, po kade epi genu, akti preka 42 tem dice: "Patri, si Tu volu, Tu fu apo u-ci algo ab Mi. Anti-co ne Mi volu sed Tu volu gene akti." 43 Un urani angeli monstra se tem dona forti. 44 Tem este ma algo, An dice ko ma forti tende. An sudo gene homo mega hema-guta; qi kade epi geo. 45 Po sta ab preka e tem ki a sko-pe, An detekti; mu du somni kausa tristi. 46 An dice: "Qo-ka vi du somni? Po sta, dice preka; vi ne gene stimula a kako."
47 Ci-kron, tem An dice, vide; u poli-pe ko Juda; mo ex Mo-bi-pe, qi ki-ante. An ki proxi Jesu tende dona oskula. 48 Jesu dice: "Juda, qe tu vendo un Homi-Fili per oskula?" 49 Tem vide ra; qi fu gene acide, plu homi peri An dice: "Cefa, qe na bate per gladia?" 50 Mo ex mu bate u dulo de cefa arki-preka-pe e apo dextro oti. 51 Tem reakti, Jesu dice: "Sati!" Po palpa oti, An face repara. 52 Jesu dice a panto homi, arki-preka-pe e religio-do polica-cefa e religio arki-pe; qi ki anti An: "Qe vi homo klepto-pe ki-ex ko gladia e ko lance? 53 "Tem Mi es ko vi in religio-do panto-la di, tu ne pa tensio manu a Mi. Anti-co, u-ci es u kron de vi e de kako dina.
54 Po rapi, mu duce e moti An ad-in cefa arki-preka-pe domi. Petro ki-seqe ko tele. 55 Po face piro in korta meso e po simul sedi, mu sedi-inter Petro. 56 Po vide e tem sedi proxi lumi e po skope ko tende, u fe-dulo dice: "U-ci pe pa es kon An." 57 An dice nega tem dice: "Gina, mi ne ski An." 58 Po pusi tem e tem vide, un hetero homi dice: "Tu es mo ex mu." Petro dice: "Andro, Mi ne es." 59 Po mo horo gene spende, hetero homi dice ko mega testi tem dice: "Ko veri, u-ci homi pa es kon An, ka An es Galilai-pe." 60 Petro dice: "Andro, mi ne ski de ra; tu dice." Imedia tem an dice, un an-galina voci. 61 Po tropi, Jesu vide Petro. Petro sti memo de na Cefa verba homo; An pa dice: "Pre un an-galina voci, tu fu dice nega anti mi tri kron." 62 Po ki-extra, Petro fo lakrima.
63 Plu andro; qi tena An, ridi anti Jesu tem bate An. 64 Po moti tegu epi An [oku], mu bate An facia e dona qestio tem dice: "Pre-dice; qo-pe ba bate Tu?" 65 Mu dice poli hetero falsi ra anti An.
66 Kron es di-proto, plu demo krati-pe, arki-preka-pe e religio-tekno-pe, simul veni e duce An ad koncili tem dice: 67 "Si Tu es Kristo, dice a na." An dice: "Si Mi sio dice a vi, vi ne fu du kredi. 68 "Si Mi sio dice qestio, vi ni fu reakti a Mi ni lase libe. 69 "Po nu, un Homi-Fili fu sedi para dextro de Teo dina." 70 Panto mu dice: "So Tu es Teo Fili?" An dice a mu: "Vi dice; Mi es." 71 Mu dice: "Na habe qo nece de ma testi-pe? Na auto pa audi ex An stoma."
1 Po sta, holo poli-pe duce An a Pilato. 2 Mu proto dona etio tem dice: "Na pa detekti u-ci Homi; Qi face kako na landa e Qi veto; pe dona fiska ad imperi-regi tem dice; An Auto es Kristo, Regi."
3 Pilato dona qestio tem dice: "Qe Tu es Juda Regi?" Tem reakti, An dice: "Tu dice [ja]." 4 Pilato dice a cefa arki-preka-pe e a poli-pe: "Mi detekti nuli etio in u-ci andro." 5 Sed mu fo-tena tem dice: "An face koleri panto-pe tem dona sko inter holo Juda-landa, ex Galilai-landa a ci."
6 Po audi Galilai, Pilato qestio; qe u-ci andro es Galilai-pe. 7 Po gene ski; An es de Herode arki, An mite a Herode; qi es in Jerusalem-civita tem panto-la di. 8 Tem vide Jesu, Herode voci hedo ko mega. An pa volu vide An longi-tem, kausa An audi poli pragma de An. 9 An dice qestio per poli verba. An reakti nuli-ra. 10 Plu arki-preka-pe e religio-tekno-pe sta tem forti dice etio. 11 Po Herode e plu milita-pe face humili e po ridi anti An, an mite versi Pilato. 12 Pilato e Herode gene ami inter alelo tem u-ci di. Pre-kron, mu este miso inter se.
13 Po sti veni de plu arki-preka-pe e plu arki-landa-pe e panto-pe, 14 Pilato dice a mu: "Vi duce a mi un Andro homo Pe; Qi face kako panto-pe. Vide; mi pa akti proba e pa detekti in u-ci Andro nuli etio; vi dice anti An, 15 "Ni Herode [pa detekti]. Mi pa mite vi ad an. Vide; An pa akti nuli-ra; qi habe morta merito. 16 "Ka-co, po akti puni, mi fu face libe." 17 Nece, an face libe uno-pe tem festa. 18 Mu simul voci tem dice: "Face libe a na Baraba!"; 19 qi pa gene bali in karcera kausa stimula milita e cide in civita. 20 Ka-co Pilato itera voci tem volu face libe Jesu. 21 Mu voci tem dice: "Kruci-ra, kruci-ra!" 22 An dice a mu u kron tri: "An akti qo kako? Mi detekti nuli morta kausa in An. Po akti puni, mu fu face libe." 23 Mu face tako ko mega voci tem dice petitio de kruci-ra anti An. Panto mu e arki-preka-pe voci gene vikto. 24 Pilato face judika; u petitio gene akti. 25 An face libe pe; de qi [poli-pe] dice petitio e qi gene bali in karcera kausa stimula milita e cide. An dona Jesu akorda mu volu.
26 Tem duce-ab e po rapi Simon, Kireni-pe; qi ki ab agri, mu moti epi an u kruci-ra tende fero poste Jesu. 27 U mega poli-pe ko plu gina; qi lakrima e voci, ki-seqe. 28 Po tropi a mu, Jesu dice: "Jerusalem fe-fili: ne lakrima pro Mi, sed pro auto se e pro auto infanti. 29 "Ka vide; plu di veni, tem qi uno-pe fu dice: 'Panto uteri; qi ne pa nati, e panto mama; qi ne gene suge, es boni.' 30 "Ci-kron mu proto dice a monti: 'Kade epi na!'--e a buno: 'Es epi na!' 31 "Ka, si mu akti panto-ci tem dendro es kloro, qo fu acide tem sika?" 32 Bi hetero kako-pe gene duce kon An tende gene morta. 33 Po veni a loka ge-nomina Krania, la mu face ge-kruci-ra An e bi kako-pe, mo dextro e hetero laevo. 34 Jesu dice: "Mi Patri: dona pardo! Mu ne ski ra; mu akti." Mu bali fortuna tem gene distribu de An vesti. 35 Plu homi sta tem skope. Panto arki-pe ko mu ridi tem dice: "An pa face salva hetero-pe. Face salva Se, si Tu sio es Kristo; Teo pa elekti!" 36 Plu milita-pe ridi tem ki-proxi e tem ofere vinagra 37 e tem dice: "Si Tu es u Juda Regi, face salva Se!" 38 Supra An es u grafo ge-grafo per Heleni e Latino e Hebreo litera: U-CI ES U JUDA REGI.
39 Mo ex bi ge-pende kako-pe voci mali tem dice: "Si Tu sio es Kristo, face salva Se e na!" 40 Un hetero-pe voci kritici tem dice: "Qe tu; qi es de iso judika, ne este fobo de Teo? 41 "Na [gene] justi judika. Na pa gene justi judika kausa ra; na pa akti. U-ci homi pa akti nuli kako." 42 An dice a Jesu: "Tena memo de mi, Cefa, po Tu ki ad-in regi-landa." 43 Jesu dice: "Mi dice a tu veri; nu-di tu fu es ko Mi in paradiso."
44 Cirka horo sixa ad horo nona, u skoto gene acide epi holo geo. 45 Un heli es skoto. U religio-do vela meso gene skizo. 46 Po voci per fo-soni voka, Jesu dice: "Patri, Mi dona Mi spiritu ad-in Tu manu." Po dice panto-ci, An lose bio. 47 Po vide ra; qi acide, u milita arki-pe dona glori a Teo tem dice: "Sura; un homi pa es justi." 48 Panto poli-pe; qi pa simul ki a vista, ki-versi tem bate toraci. 49 Panto-pe; qi ski An, tele sta ko plu gina; qi pa ki-seqe ab Galilai-landa, tem skope panto-ci.
50 Vide; un andro ge-nomina Josef, tem es u konsili-pe e es u boni e justi andro; 51 qi ne pa dona akorda ad u-la konsili e ad u-la akti e qi es ex Juda Arimatai-civita e qi du atende Teo regi-landa, 52 dice petitio de Jesu soma, po ki a Pilato. 53 Po apo, an involve per linu e moti id ad-in morta-lo ge-seka ex petro; nuli-pe pa gene moti ad-in. 54 Es Prepara-Di ko; no-ergo-di veni.
55 Po ki-seqe, plu gina; qi pa simul ki ex Galilai-landa, vide u morta-lo e u mode; u soma gene moti. 56 Po ki-versi, mu akti prepara de boni-odoro materia e olea e akti non-ergo akorda komanda.
1 Kron di-proto de setimana-di mo, mu ki a morta-lo tem fero u boni-odoro-ma; mu face ko plu hetero-pe. 2 Mu detekti; u petro gene apo ab morta-lo 3 e, po ki-in, ne detekti u soma de na Cefa Jesu. 4 Acide: tem mu este enigma de u-ci, vide; bi andro in lumi vesti sta-proxi. 5 Tem mu gene fobo e tem klina facia a geo, [bi-ci andro] dice a mu: "Qo-ka vi akti cerka de vive-pe inter morta-pe? 6 "An ne es ci sed pa akti re-surge. Sti memo; An pa dice a vi tem es in Galilaia-landa 7 "tem dice: 'Un Homi-Fili fu nece gene livra ad-in manu de mali-akti-pe e gene pende epi kruci e fu akti re-surge tem di tri.'" 8 Mu sti memo. 9 Po ki-versi ab morta-lo, mu dice panto-ci a Mo-Mo e a panto hetero-pe. 10 Pa es Maria Magdalene e Joana ko Maria; [matri] de Jakob, e resta homi ko mu; qi dice panto-ci ad apostola. 11 Panto-ci verba feno rumora a mu, ko-co mu habe nuli kredi. 12 Po sta, Petro dromo a morta-lo e, po klina se, vide plu linu vesti kumbe solo. An ki a domi tem qestio a se de ra; qi pa acide.
13 Vide; tem iso di, bi ex mu ki a viki; qi nomina es Emau e qi es sixa-ze dromo-pista tele ab Jerusalem-civita. 14 Mu dice kon alelo de panto-la; qi pa acide. 15 Acide tem konversa e puta: po ki proxi, Jesu ki-ko. 16 Mu oku gene tena tende ne gene ski de An. 17 An dice a mu: "Vi dice qo verba ad alelo tem ki e este tristi?" 18 Tem reakti, mo; qi nomina es Kleopa, dice ad An: "Qe Tu es u viagia-pe in Jerusalem-civita e solo Tu ne pa ski de pragma; qi pa acide in id tem panto-ci di?" 19 An dice: "Qo pragma?" Mu dice: "Pragma de Nazaret-pe Jesu; qi pa es pre-dice-An, dina per ergo e per verba ante Teo e ante panto-pe, 20 "e de mode; arki-preka-pe e landa arki-pe pa dona An a morta-judika e pende An epi kruci. 21 "Na pa este spe; es An; qi fu face re-valu Israel[-fili]. Anti-co, ko panto-ci, nu-di es u di tri po panto-la pa acide. 22 "Anti-co, po ki a morta-lo kron di-proto e po ne detekti soma, 23 "plu gina ex na veni tem dice; mu pa vide u vista de angeli; qi dice; An es re-vive. 24 "Uno-pe ex na pa ki a morta-lo e detekti homo; panto gina dice. Mu ne pa vide An." 25 An dice a mu: "O, minus-logika homi; qi es lento de; kredi de panto-ra; panto pre-dice-pe pa dice. 26 "Qe Kristo ne nece este algo kausa panto-ci e ki ad-in glori?" 27 Tem proto ab Mose e ab panto pre-dice-pe, An dice semani de panto-ra de Se in panto Grafo.
28 Kron ki proxi viki; mu ki ad id, An feno ki ma tele. 29 Mu tena An tem dice: "Sti resta ko na, ka es proxi vespera e di gene mei." An ki-in tende sti resta ko mu. 30 Acide tem es ko mu: po prende pani, An bene-dice e, po frakti, dona id. 31 Mu oku gene aperi, ko-co mu gene ski de An. An no-feno ab mu. 32 Mu dice ad alelo: "Qe na ne pa este mira intra se, tem An dice a na longi via e tem An face aperi panto Grafo a na?" 33 Po sta, mu ki versi Jerusalem-civita tem iso horo e detekti Mo-Mo e plu homi ko mu, 34 tem dice: "Na Cefa sti re-surge ko sura e monstra Se a Simon." 35 Mu dice nara de panto-ra longi via e mode; per qi mu gene ski de An tem frakti pani.
36 Tem mu dice panto-ci, Jesu sta meso mu e dice: "Paci a vi!" 37 Tem este fo-fobo, mu doxo; mu vide u spiritu. 38 An dice: "Ko-ka vi este turba? Qo-ka tali puta gene acide intra vi? 39 "Vide manu e pedi--es Mi! Sti palpa Mi e vide! U spiritu ne habe karni e osteo homo; vi vide; Mi habe." 40 Po dice u-ci, An monstra manu e pedi. 41 Tem mu ne este kredi kausa hedo e tem mu este mira, An dice: "Qe vi habe sito ci?" 42 Mu dona u ge-kuko piski mero e meli-stora mero. 43 Po prende ante mu, An fago.
44 An dice: "Panto-ci es panto verba; Mi dice a vi tem es ko vi: panto-ra; qi gene grafo in Mose e pre-dice-pe Lega e in panto Kanta de Mi, nece gene sati." 45 Po-co An dice explika, tende mu gene logi de panto Grafo. 46 An dice: "So u-ci pa gene grafo e so Kristo nece este algo e sti re-surge ex morta-pe tem di tri 47 "e so penite e apo de mali-akti fu gene voci per An nomina ad-in panto natio, proto ab Jerusalem-civita. 48 "Vi es plu testi-pe de panto-ci. 49 "Vide; Mi mite a vi Mi Patri promise. Sti resta in Jerusalem-civita a-kron vi fu habe dina ex alti-lo."
50 An duce ex la a Betani-urba e, po leva manu, bene-dice. 51 Acide tem bene-dice, An gene lisi ab mu e gene fero ad-in urani. 52 Po dona adora, Mu ki versi Jerusalem-civita ko mega hedo. 53 Mu es in religio-do ko dura tem lauda e tem bene-dice a Teo. Amen [Es veri]!
...
...
(U seqe mero pa gene translati ex Wendy Ashby.)
16 Ka Teo ta pa filo kosmo; an pa dona an solo fili; plu-la qi kredi in an; ne fu gene morta; sed pan tem bio. 17 Ka Teo pa mite u fili ad-in munda, ne te judika anti munda; sed u munda fu gene salva per an. 18 An; qi kredi in an; ne fu gene judika anti; an; qi ne kredi; es klu nu ge-judika anti; kausa an ne pa kredi in u nima de u solo Fili de Teo. 19 E u-ci es u judika; u lumi pa veni a gaia; e plu demo pa filo skoto vice lumi; kausa mu plu akti pa es kako. 20 Ka singu pe; qi akti kako; miso u lumi; e ne veni a lumi; ka plu akti de an fu gene vide. 21 Sed an; qi akti pro veri; veni a lumi; seqe u demo klari vide; an pa akti pro Teo.
...
(U seqe textu habe un holo bibli. Id pa gene translati ex Gary Miller, USA, 2003.)
1 O Teofilo: veri, mi pa face u proto nara; Jesu pa proto face e doci 2 a di; tem qi An gene leva po dona komanda per Sankti-Spiritu a panto Apostola [ge-bali-pe]; An pa elekti. 3 An pa monstra vive Se a mu per poli verifi, po An pa gene algo, tem gene vide tetra-ze di e tem dice plu ra de Teo regi-landa. 4 Tem es ko mu, An pa dice u komanda: "Ne ki ab civita Jerusalem, anti-co atende Patri promise; vi audi ex Mi, 5 "Veri, Joane pa akti bapti-ritu. Vi fu gene bapti-ritu per Sankti-Spiritu po oligo di." 6 Veri, mu, po simul veni, dona qestio tem dice: "Cefa: qe Tu nu re-face u regi-landa Israel?" 7 An dice a mu: "U ski de plu tem; Patri pa moti ad Auto arki, es ne de vi. 8 "Anti-co vi fu gene dina po Sankti-Spiritu veni epi vi. Vi fu es plu testi-pe pro Mi in civita Jerusalem e in panto landa Juda e Samaria e a maxi tele de geo." 9 Po dice panto-ci tem mu skope, An gene leva. U nefo sti apo An ab oku. 10 Tem vide ko tende ad urani tem An ki, vide: bi andro in leuko vesti sta para mu. 11 Mu dice: "Vi Galilaia-pe: qo-ka vi du sta tem skope ad urani? U-ci Jesu; Qi pa gene leva ab vi ad urani, fu veni per homo mode; vi pa vide An ki ad urani." 12 Kron mu ki versi civita Jerusalem ab monti; ge-nima Olivi e qi es proxi civita Jerusalem--u tele de sabato-di iti. 13 Po ki in, mu ki ad-in supra kamera, topo du es Petro ko Jakob ko Joane kon Andre, e Filipo ko Toma, e Bartolomai ko Matai, e Alfai fili Jakob ko zelo-pe Simon, e Jakob fratri Juda. 14 Panto-ci dura kon akorda per preka e per humili ko plu gina e ko Jesu matri Maria e ko Jesu fratri.
15 Tem plu-la di po sta meso plu sko-pe--u numera de nima simul es hekto-bi-ze--Petro dice: 16 "Plu asocia vi: pa es nece: u-ci grafo pa gene reali; Sankti-Spiritu pa pre-dice per David stoma de Juda; qi pa es u duce-pe pro plu-la; qi akti rapi de Jesu. 17 "An pa es ko na in grega e pa kon-akti u servi"-- 18 Veri, u-ci pa gene un agri ex no-justi gratia-ra. Po kade, an gene explode in meso, ko-co panto entero fo fusi ex. 19 Panto-pe; qi du eko in civita Jerusalem pa gene ski, so id gene per auto lingua u nima Akeldama; qi es Hema Agri. 20 "Es ge-grafo in bibli Kanta: '+Lase; un eko-lo fu es solo, e lase; nuli-pe fu eko in id,+' e '+Lase; un hetero-pe fu cepti an supra-visi.+' [Kanta 69:25; 109:8] 21 "Ka-co mo ex plu andro; qi pa akti ko na holo-tem; tem qi na Cefa Jesu pa ki in e ki ex inter na 22 "proto po Joane bapti-ritu a di; tem qi An gene leva ab na, fu nece es u testi-pe de ana-sta ko na." 23 Mu moti ante bi, Josef; ge-nima Barsaba e qi habe un adi nima Justo, e Matia. 24 Tem akti preka, mu dice: "Cefa Tu; Qi habe ski de panto-pe psiko: monstra mo ex bi-ci; Tu pa elekti 25 "te cepti u mero de servi e de Apostola ergo; Juda pa lose tem akti anti e tem ki ad auto loka." 26 Mu dona plu elekti. Un elekti gene a Matia. An es in grega de mo-mo Apostola.
1 Tem u di Pentekoste gene sati, panto mu es kon akorda topo iso loka. 2 Ko subito, u soni; homo fo tako venti, ki ex urani e face ple un holo domi; topo mu sedi. 3 Plu ge-skizo flama monstra se e sedi epi singu mo de mu. 4 Panto mu gene ple per Sankti-Spiritu, ko-co mu proto dice per plu hetero lingua akorda ra; Sankti-Spiritu pa dona a mu te dice. 5 Es plu Juda-pe; qi du eko in civita Jerusalem--plu religio homi ex panto demo infra urani. 6 Po u soni de u-ci pa gene acide, u poli-pe simul veni e gene konfusi, ka panto-pe audi loqi per auto lingua. 7 Panto-pe gene mira e dona u qestio tem dice ad alelo: "Vide! Qe panto-pe; qi dice, ne es plu Galilaia-pe? 8 "Na audi; panto homi dice per auto lingua; in qi na pa gene nati, per qo mode: 9 "Homi ex Parto, Medo, Elam, homi; qi du eko in landa Mesopotami, Juda, Kapadocia, Ponto kon Asia, 10 "Frigia ko Pamfilia, Egipto ko plu mero de landa Libia proxi landa Kirena, e Roma-pe ko Juda-pe ko religio-muta-pe; qi du resta ci, 11 "Kreta-pe kon Arabi-pe? Na audi; mu dice plu mega ra de Teo per auto lingua." 12 Panto-pe este mira e este konfusi tem dice ad alelo: "U-ci posi es qo-ra?" 13 Hetero dice ko ridi: "Mu es ple per neo vini!"
14 Tem sta, Petro ko Mo-mo sti voka e dice: "Juda-pe ko panto vi; qi du eko in civita Jerusalem: u-ci gene ski a vi, ko-co dona audi a mi verba. 15 "Panto-ci homi es narko ne sio es vi doxo--es un horo tri de la di. 16 "U-ci es u ra; profeta Joel pa dice: 17 "'+Fu es tem plu ultima di'--Teo dice--'Mi fu fusi Spiritu epi panto homi, ko-co vi an-fili e fe-fili fu pre-dice, ko-co vi juve homi fu vide idio vista, e paleo homi fu vide sonia. 18 "'+Mi fu fusi Spiritu klu epi an-dulo e fe-dulo tem plu-la di, ko-co mu fu pre-dice. 19 "'+Mi fu dona supra in urani plu mira e infra epi geo plu sema; hema e piro e vapo de fumi. 20 "'+Un heli fu es skoto e u luna hema, pre u mega e evide di de na Cefa fu veni. 21 "'+Fu es: ali-pe; qi voci u nima de na Cefa, fu gene salva.+' [Joel 2:28-32] 22 "Israel-fili vi: sti audi de panto-ci verba: Teo pa dona a vi un Homi, Nazaret-Pe Jesu, per dina e per mira e per sema; Teo pa akti per An inter vi akorda u ra; de qi vi auto habe ski-- 23 "An; ge-dona per decide e per pre-ski de Teo, po vi pa rapi per minus-lega manu e po cide An per kruci-ra-- 24 "An; Teo pa leva po face laxa plu algo de morta, ka u tena per id ne es posi. 25 "David dice de An: '+Mi pre-vide u Cefa ante mi panto-tem, ka An es para mi dextro, so mi ne fu gene seiso. 26 "'+Ka-co mi psiko pa dice hedo e mi glosa honora, plus-co mi soma habe relaxa in spe, 27 "'+ka Tu ni fu lase mi psiko in tortu-lo ni fu dona Tu sankti-Pe te vide sapro. 28 "'+Tu face ge-ski a mi plu via de vive. Tu fu face ple per hedo mi ante Tu facia.+ [Kanta 16:8-11] 29 "Relatio-pe: lase; mi dice a vi ko libe de na patri-arki-pe David: An pa gene morta e gene in-tera. An tafo es inter na a nu-di. 30 "Tem es u profeta e tem habe u ski; Teo pa dice u jura te leva Kristo homo karpe de An soma e homo un Homi te sedi epi regi-mo. 31 "Tem pre-vide, an dice de un ana-sta de Kristo; An psiko ne pa es ge-lase in tortu-lo e An soma ne pa vide sapro. 32 "Teo pa leva u-ci Jesu; de qi panto na es plu testi-pe. 33 "Po gene honora per Teo dextro manu e po gene u promise de Sankti-Spiritu ex Patri, An pa dona u-ci; vi nu vide e nu audi. 34 "David ne pa ki a plu urani. An auto dice: '+Mi Cefa dice a mi Cefa: "Sti sedi para dextro, 35 "'"+a-kron Mi moti plu anti-pe homo pedi-mo pro pedi."+' [Kanta 110:1] 36 "Ka-co dona ko sura a panto Israel-fili u ski; Teo pa face na Cefa e Kristo An, u-ci Jesu; vi pa cide epi kruci-ra."
37 Po audi, mu este etio in psiko e dice a Petro e a plu hetero Apostola: "Na fu akti qo, relatio-pe?" 38 Petro dice a mu: "Sti penite, ko-co panto vi gene bapti-ritu ko nima Jesu Kristo te apo peka. Vi fu gene u doro de Sankti-Spiritu. 39 "U promise es a vi e a vi fili e a panto-pe in tele--a panto-pe; qi dona a Teo u nima Cefa." 40 An dice testi e spe ko plu hetero verba tem dice: "Gene salva ab plu mali homi de nu-tem." 41 Mu; qi gene plu verba kon hedo, gene bapti-ritu. Cirka tri-kilo psiko gene adi tem u-ci di. 42 Mu dura kon Apostola doci ko plu asocia e ko mero de pani ko preka. 43 Fobo sti ki in panto psiko. Poli mira e sema gene acide per plu Apostola. 44 Panto-pe; qi habe kredi, es kon alelo e habe komuni panto-ra. 45 Mu vendo plu habe-ra e idio-ra e mero mu a panto-pe akorda ra; ali-pe habe u nece. 46 Mu es in Religio-do kon akorda tem panto-ci di. Tem mero de pani in domi, mu vora sito kon hedo e kon unio 47 tem dice lauda a Teo a tem habe favo a panto-pe. Na Cefa adi panto-pe; qi gene salva, a grega tem panto-ci di.
1 Petro ko Joane ki a Religio-do kron horo de preka--un horo nona. 2 Tem es klaudi ex matri uteri, u certa andro; pe moti para Religio-do porta; ge-nima Kali, gene fero panto-di te dice petitio de doro a plu homi; qi ki ad-in Religio-do. 3 Kron vide; Petro e Joane nu-fu ki ad-in Religio-do, an dice petitio te gene doro. 4 Tem vide ad an ko tende, Petro ko Joane dice: "Sti vide a na." 5 An dona kura, tem atende; gene uno-ra ex mu. 6 Petro dice: "Ne es ko mi argenti alo kriso. Mi dona a tu u ra; mi habe: per u nima de Nazaret-pe Jesu Kristo, sti sta e gresi." 7 Po prende dextro manu, an leva an. An pedi e pedi artri imedia gene forti. 8 Po salta, an sta e gresi e ki ad-in Religio-do ko mu tem gresi e salta e dice lauda a Teo. 9 Panto homi vide an tem gresi e dice lauda a Teo. 10 Mu rekogni; es an; qi sedi kausa doro proxi porta Kali de Religio-do. Mu gene ple ko mira e kon excite de ra; qi pa acide. 11 Tem u ge-repara-pe tena Petro e Joane, panto homi simul dromo ko mira epi portika; ge-nima De Solomon.
12 Po vide, Petro reakti a plu homi: "Israel-pe: vi este mira de u-ci qo-ka alo qe skope na, homo na pa face; an du gresi, per na idio dina alo sankti? 13 "Teo de Abraam e de Isaak e de Jakob, Teo de na patri, pa dona glori a servi-Pe Jesu; vi pa dona ab e de Qi vi pa dice nega ante Pilato, po an dice u decide; an fu dona libe. 14 "Vi dice nega anti u sankti e justi Homi e dice u petitio; an dona a vi u cide-pe. 15 "Vi pa cide un arki-Pe de vive; Teo pa leva ex panto morta-pe; de qi na es testi-pe. 16 "Per fide de An nima, An nima pa face forti u-ci; vi vide e de qi vi habe ski. 17 "Relatio-pe vi: mi nu habe u ski; vi pa akti ko ne-ski--plus plu arki-pe de vi. 18 "Per-co Teo pa face reali u ra; Teo pa pre-dice per stoma de panto profeta: Kristo fu gene sufero. 19 "Ka-co este penite e gene muta ad apo de vi peka, te plu kron de re-fresko fu veni ab na Cefa loka 20 "e te An fu bali An; Qi pa gene voci a vi, Jesu Kristo. 21 "Veri, un urani nece cepti An pre plu kron de versi de panto-ra; Teo pa dice per stoma de panto sankti profeta de plu paleo tem. 22 "Veri, Moses pa dice a plu patri de na: '+Na Cefa, vi Teo, fu leva a vi u Profeta homo mi ex plu relatio-pe. Sti audi akorda panto ali-ra; An fu dice a vi. 23 "'+Fu es: panto psiko; qi ne audi u Profeta, fu gene destru ab plu homi.+' [Nomi-Bi 18:15,18,19] 24 "Panto profeta de e seqe Samuel pa pre-voci panto-ci di. 25 "Vi es plu fili de plu profeta e de testi-ra; Teo pa dona a plu patri de na, tem dice ad Abraam: '+Panto demo de geo fu gene bene per tu fili.+' [Gene-Nati 22:18; 26:4; 28:14] 26 "Po leva Auto servi-Pe Jesu, Teo pa bali An proto a vi tem dice bene pro vi per face u tropi de panto vi ab kako."
1 Tem mu dice a panto-pe, plu hiera e u hiera cefa e plu Sadukai-pe veni 2 tem este turba, ka mu dice doci a panto-pe e voci ana-sta per Jesu ex panto morta-pe. 3 Mu rapi per manu e moti mu ad-in tena-lo a mana. Nu es vespera. 4 Poli homi; qi pa audi u dice, gene kredi. U numera de andro es cirka penta-kilo. 5 Acide: kron mana, plu arki-pe e plu krati-pe e plu religio-tekno-pe kolekti se in civita Jerusalem 6 ko cefa-hiera Ana ko Kaiafa e Joane e Alexandro e panto ex cefa-hiera famili. 7 Po duce mu a meso, mu dice u qestio: "Vi pa akti u-ci per qo dina alo per qo nima?" 8 Tem ple per Sankti-Spiritu, kron Petro dice a mu: "Arki-pe vi de panto na e arki-pe vi de landa Israel: 9 "Si na nu gene examina de boni ergo a pato-pe e de ra; per qi an pa gene sani, 10 "gene a vi e a panto-pe in landa Israel u ski; per u nima de Jesu Kristo; Nazaret-pe, Qi vi pa cide epi kruci-ra e Teo pa leva ex morta-pe--u-ci es sani ante vi per An. 11 "U-ci es +U Lito; tekto-pe vi no-cepti e Qi gene es u cefa gono-Li.+ [Kanta 118:22] 12 "Es salva per zero hetero-Pe, ni es infra urani u nima; qi gene dona inter homi e per qi na nece gene salva." 13 Tem vide u no-fobo de Petro e de Joane e po gene un este; mu es plu ne-ge-sko e ne-ski andro, mu este mira e gene u rekogni; mu pa es ko Jesu. 14 Tem vide; u ge-sani andro du sta, mu dice nuli-ra. 15 Po dice u komanda; mu ki ex koncili, mu habe diskusi ad alelo 16 tem dice: "Na fu akti qo a panto-ci homi? Veri, u ge-ski sema; qi pa gene acide per mu, pa gene monstra a panto-pe; qi du eko in civita Jerusalem, ko-co na ne posi dice u nega. 17 "Anti-co, te id gene difusi ne ma a panto-pe, na fu dice u menace; sti u dice de u-ci nima a nuli-pe." 18 Po dice veni, mu dice u komanda; mu ni dice ni dona sko de nima Jesu ali-kron. 19 Tem reakti, Petro e Joane dice: "Akti u judika; qe audi vi vice audi Teo es justi ante Teo. 20 "Na ne fu pote ne dice ra; na pa vide e pa audi." 21 Po dice ma menace, mu lase libe tem detekti nuli-ra; per qi mu fu akti puni kausa panto-pe, ka panto mu dona glori a Teo de ra; qi pa gene acide. 22 Un homi; epi qi u-ci repara sema pa gene acide, habe ma de tetra-ze anua.
23 Po gene libe, mu ki ad auto homi e dice a mu panto; plu cefa-hiera e plu arki-pe pa dice. 24 Po audi, mu kon akorda sti voka a Teo e dice: "Na Cefa: Tu es Teo; Qi pa face plu urani e u geo e u mari e panto-ra; qi es in mu, 25 "e Qi pa dice per stoma de Tu dulo David: '+Qo-ka plu demo akti ko koleri e panto-pe face skema ko no-funktio? 26 "'+Plu regi de geo sta, ko-co plu arki-pe kolekti se anti na Cefa e anti An Kristo.+' [Kanta 2:1,2] 27 "Veri, Herode e Pontio Pilato ko plu hetero demo e plu Israel-pe pa es ge-kolekti anti Tu sankti Dulo Jesu; epi Qi Tu pa fusi olea, 28 "te akti panto-ra; de qi Tu manu e Tu konsili pa face u pre-decide te fu gene acide. 29 "Na Cefa: nu sti vide a plu menace e sti dona a plu dulo de Tu u dice de Tu ko panto no-fobo; 30 "per qi Tu tensio manu te akti repara e te plu sema e plu mira gene acide kausa u nima de Tu sankti servi-Pe Jesu." 31 Po dice preka, u loka; in qi mu kolekti se, gene seiso, ko-co panto mu gene ple per Sankti-Spiritu e akti Teo dice ko no-fobo.
32 U kredi poli-pe es mo de kardia e de psiko, ko-co nuli-pe dice de habe-ra; id es de se, anti-co panto-ra es komuni. 33 Ko mega dina, plu Apostola dona u testi de ana-sta de na Cefa Jesu, ko-co mega filo es epi panto-pe. 34 Ali-pe inter mu habe zero minus, ka, tem akti vendo, panto habe-pe de plu landa alo de plu domi moti la plu valu de plu ge-vendo ra 35 e moti mu para plu pedi de plu Apostola. Difusi gene face a singu-pe akorda nece; u-ci pe habe. 36 Josef; qi pa gene ex plu Apostola un adi nima Barnaba; qi per translati es "An-fili de konsola", u Levi-fili e u Kipro-pe per nati, 37 po habe landa e po akti vendo, moti la u valuta e moti id para plu pedi de plu Apostola.
1 Uno andro, ko nima Anania, ko sponsa Safira, pa akti u vendo de habe-ra 2 e tena ab valu, tem u gina de an habe ski e, po fero u mero, moti id para pedi de plu Apostola. 3 Petro dice: "Anania: qo-ka Satan pa face ple tu kardia te dice u falsi a Sankti-Spiritu e te tena ab valu de landa? 4 "Qe id ne pa es de tu, tem id es? Po vendo, qe id ne es in tu arki? Qe tu pa face in tu kardia u skema de u-ci ra? Tu pa dice u falsi ne a plu homi sed a Teo." 5 Po Anania pa audi u dice, an kade e lose bio. U-ci sti mega fobo in panto; qi pa audi panto-ci. 6 Po sta, plu juve andro akti involve de an e, po fero, moti an ad-in tera. 7 Acide: po cirka tri horo, u gina ki in tem ne habe ski de ra; qi pa acide. 8 Petro reakti: "Sti dice; qe vi pa akti vendo de landa per u-ci?" Fe dice: "Ja, per u-ci." 9 Petro dice a fe: "Qo-ka vi pa dice un akorda te stimula Spiritu de na Cefa? Sti vide; plu pedi de plu homi; qi pa moti tu andro ad-in tera, es para porta e fu moti ex tu." 10 Fe imedia kade para pedi e lose bio. Po ki in, plu juve andro pa detekti morta fe. Po fero-ex, mu moti fe ad-in tera ko sponsa. 11 U-ci sti mega fobo in holo grega e in panto; qi pa audi panto-ci.
12 Plu sema e mira gene acide per manu de plu Apostola inter poli homi. Panto mu ko mo akorda es in portika Solomon. 13 Zero hetero pe akti risko de unio, anti-co panto-pe face importa mu. 14 Tali ma kredi-pe gene adi a na Cefa--poli-pe de andro e de gina, 15 so mu moti pato-pe a via e moti mu epi kli e kumbe-mo, so, tem veni, un umbra de Petro fu es u tegu epi uno-pe. 16 U mega de homi ex plu civita peri civita Jerusalem veni tem fero plu pato-pe e plu; qi es ge-turba per no-puri spiritu, e gene repara.
17 Po sta, u cefa arki-hiera e panto-pe kon an; qi es de Sadukai mero, gene ple per koleri 18 e moti manu epi plu Apostola e moti mu ad-in publika karcera. 19 Tem noktu, un angeli de na Cefa aperi plu karcera porta e, po lase ex, dice: 20 "Sti ki e, tem sta, dice panto dice de u-ci bio a panto-pe in Religio-do." 21 Po audi, mu ki a religio-do kron aurora e dona sko. Po u cefa arki-hiera ko plu-la homi veni, mu sti veni a koncili e a panto arki-pe de Israel-fili e bali [plu polica-pe] a karcera te moti ci mu. 22 Po veni, plu polica-pe ne detekti mu in karcera. Po versi, mu dona nova 23 tem dice: "Veri, na pa detekti ge-klude ko panto sekuri u karcera e detekti extra plu kura-pe tem sta ante porta. Po aperi, na detekti intra nuli-pe." 24 Po audi panto-ci verba, u cefa arki-hiera e u polica kapitana de Religio-do ko plu arki-hiera este enigma de mu--id es qo. 25 Po veni, uno-pe dona nova tem dice: "Sti vide; plu andro; vi pa moti ad-in karcera, es in Religio-do tem sta e dona sko a panto-pe." 26 Po ki ab, u polica kapitana ko plu polica-pe moti la mu--ne per viole, ka mu este fobo; panto-pe fu cide mu per lito. 27 Po moti la, mu face; mu sta in koncili. U cefa arki-hiera dona qestio 28 tem dice: "Qe na ne dice a vi u forti komanda; ne dona sko de u-ci nima? Sti vide; vi pa face ge-ple u civita Jerusalem per sko e tende moti epi na un hema de u-ci Homi." 29 Tem reakti, Petro ko plu Apostola dice: "Es nece: akti obe akorda Teo vice akorda plu homi. 30 "Teo de na patri pa leva Jesu; vi pa cide e pa pende epi dendro. 31 "Teo face importa An per dextro manu homo arki-Pe e salva-Pe te dona penite e apo de peka a demo Israel. 32 "Na es plu testi-pe de panto-ci dice. Homo es Sankti-Spiritu; Teo dona a plu obe-pe." 33 Po audi, mu este forti turba e cepti konsili te cide mu. 34 Po sta, u certa Farisai-pe in koncili ko nima Gamaliel, u lega doci-pe e ge-honora ex panto-pe, dice u komanda; sti extra plu Apostola brevi-tem 35 e dice a mu: "Israel-fili vi: sti kura a panto-ci andro pro ra; vi fu akti. 36 "Akorda-co Teuda pa gene origi tem dice; an es uno-pe. U numera de andro, cirka tetra-hekto, pa ki kon an. An pa gene morta. Panto-pe; qi pa akti obe, akti distribu de se e nu es nuli-ra. 37 "Po u-ci, u Galilaia-pe Juda pa gene origi tem plu di de lista e pa trakto poli homi seqe an. An lose bio. Panto-pe; qi pa este kredi de an, akti tele distribu de se. 38 "Mi nu dice a vi: apo se ab panto-ci homi e lase; mu du es. Akorda-co, si u konsili alo un ergo es ex plu homi, id fu es zero. 39 "Anti-co, si id es ex Teo, vi ne fu pote habe vikto, kaso vi fu es ge-detekti plu anti-Teo-pe." 40 Mu gene u kredi. Po sti veni de plu Apostola e po bati mu, mu dice u komanda; ne dice de u nima Jesu. Mu lase libe mu. 41 Ka-co mu ki ab koncili-lo tem dice un hedo; mu habe u valu; mu gene non-honora kausa u-ci nima. 42 Tem panto di in Religio-do e in plu domi, mu ne sto dona sko e voci boni nova de Jesu Kristo.
1 Tem plu-la di tem multi de sko-pe, u protesta ex plu Helena-pe anti plu Heber-pe gene acide, ka plu fe-vidua ne es ge-ski in panto-di servi. 2 Po sti veni, plu Mo-bi dice a poli-pe: "Linqi Teo dice te akti servi para tabla ne habe logika a na. 3 "Ka-co, kredi-pe vi: akti cerka de seti andro ex vi; de qi vi dice testi e qi es ple per Sankti-Spiritu e per sofi. Na fu elekti mu supra u-ci ra. 4 "Na fu dura per preka e per servi de dice." 5 U dice es gluko ante holo poli-pe. Mu elekti Stefano, andro ple per fide e per Sankti-Spiritu, e Filipo e Prokoro e Nikanor e Timon e Parmena e Nikola, gene-kredi-pe ex civita Antiokea; 6 Mu duce mu ante plu Apostola. Po dice preka, mu moti manu epi mu. 7 Teo dice gene kresce, ko-co u numera de sko-pe in civita Jerusalem mega gene multi, klu u poli-pe de hiera akti obe a fide.
8 Stefen, ple per fide e dina, akti plu mega mira e sema inter panto-pe. 9 Plu certa homi de Religio-do; ge-nima Libe-pe, sta ko Kirena-pe e Alexandra-pe ko Cilicia-pe e Asia-pe tem dice disputa ko Stefano. 10 Mu ne pote akti resista anti sofi e anti Spiritu; per qi an dice. 11 Po-co mu stimula ko kripto plu andro; qi dice: "Na pa audi; an akti plu falsi dice anti Moses e anti Teo." 12 Mu stimula panto-pe ko plu arki-pe e plu religio tekno-pe e, tem veni, mu rapi an e duce an a koncili. 13 Mu duce falsi testi-pe; qi dice: "U-ci homi ne sto akti falsi dice anti u-ci sankti loka e anti u-ci lega. 14 "Akorda-co na pa audi; an dice; Jesu ex civita Nazaret fu destru u-ci loka e fu muta plu ra; Moses pa dona a na." 15 Tem skope ad an, panto; qi sedi in koncili, vide; an facia es homo facia de angeli.
1 Un arki-hiera dice: "Qe plu-ci es so?" 2 An dice: "Relatio-pe e patri vi: sti audi! Teo de glori monstra Se a patri Abraam, tem an es in landa Mesopotamia, pre an du eko in landa Haran, 3 "e dice ad an: '+Ki ex tu landa e ex tu relatio-pe, ko-co ki ad-in landa; Mi fu monstra a tu.+' [Gene-nati 12:1] 4 "Po-co tem ki ex landa Kaldea, an du eko in landa Haran e, kron an patri lose bio, An apo an ad u-ci landa; in qi vi nu du eko. 5 "An ne pa dona u geneti-lo in id, klu ne pro mo pedi. An dice u promise; An fu dona id iso habe-ra ad an e a plu fili po an tem an habe zero infanti. 6 "Teo dice so: plu-ci fili fu es plu iti-pe in xeno landa, ko-co pe fu face dulo mu e fu mali-uti mu tem tetra-hekto anua. 7 "Teo dice: '+Mi fu akti judika a demo; pro qi mu fu es plu dulo. Po panto-ci, mu fu ki ex e dona servi a Mi in u-ci loka.+' [Gene-nati 15:14; Ki-ex 3:12] 8 "An dona u testi-ra de peri-seka, so an habe Isaak e akti peri-seka kron di okto. Isaak habe Jakob, e Jakob mo-bi patri-arki-pe. 9 "Panto-ci patri-arki-pe, tem este invidi anti Josef, vendo an a landa Egipto. Teo es kon an 10 "e akti an salva ex panto turba e dona favo e sofi ante Farao; an-regi de landa Egipto; qi face u krati-pe an supra holo domi. 11 "U famina ko mega turba veni epi holo landa Egipto e Kanaan. Na patri ne du detekti vora-ma. 12 "Po audi; es grana in Egipto, Jakob bali plu patri de na proto-kron. 13 "Kron-bi, Josef gene monstra a panto fratri. Josef famili es ge-ski a Farao. 14 "Po bali, Josef sti veni de patri Jakob e de panto relati-pe, seti-penta psiko. 15 "Jakob ki a landa Egipto e lose bio--an ko plu patri de na-- 16 "ko-co mu gene fero a landa Sihem e gene moti in tafo; Abraam pa merka per qantita de valuta ab plu fili de Emor ex Sihem. 17 "Tem u kron de promise; Teo pa dice homo jura ad Abraam, ki proxi, u-ci demo du kresce e du multi se in Egipto 18 "a-kron u regi; qi ne habe ski de Josef, gene origi. 19 "Po akti ko mali-tekno a na racia, an mali-akti anti na patri tem apo plu babi, so mu ne fu habe bio. 20 "Tem u-la, Moses gene nati; qi es kali a Teo e gene eduka in patri domi tem tri meno. 21 "Tem an gene apo, u fe-fili de Farao prende ana an pro auto an-fili. 22 "Moses gene sko de panto sofi de Egipto-pe e es dina per dice e per akti. 23 "Kron an habe tetra-ze anua, u kura de plu Israel-fili fratri gene surge in an psiko. 24 "Tem vide uno-pe de mu gene mali-akti, an akti alexi e akti versi-puni pro an; qi pa gene mali-akti e cide un Egipto-pe. 25 "An doxo; plu fratri gene u logi; Teo dona salva per an manu. Mu ne gene logi. 26 "Tem seqe di, an monstra se a plu fratri; qi habe lukta, e tenta stimula a paci tem dice: 'Fratri vi: qo-ka vi mali-akti anti alelo?' 27 "An; qi mali-akti anti proxi-pe, pulsa ab se tem dice: '+Qo-pe pa face tu u judika-pe de na?' 28 "'+Qe tu volu cide mi per mode; per qi tu pa cide un Egipto-pe pa-di?+' [Ki-ex 2:14] 29 "Po u-ci dice, Moses akti fugi e es u xeno-pe in landa Midian, topo an gene bi an-fili. 30 "Po tetra-ze anua, un Angeli de na Cefa monstra se in deserta per flama de piro de pusi dendro. 31 "Tem vide, Moses gene mira de vista. Tem ki-proxi te skope, es u voka de na Cefa ad an: 32 "'+Mi es u Teo de tu patri--u Teo de Abraam e u Teo de Isaak e u Teo de Jakob.+' Po gene tremulo, Moses ne debi skope. [Ki-ex 3:6,15] 33 "Na Cefa dice: '+Apo plu pedi-ve ab tu pedi, ka u loka; epi qi tu sta, es u sankti tera. 34 "'+Tem vide, Mi pa vide u mali-akti anti Mi demo in Egipto e pa audi algo-soni. Mi pa ki kata te apo mu. Nu sti veni, ko-co Mi fu bali tu a land Egipto.+' [Ki-ex 3:5,7,8,10] 35 "Teo bali u-ci Moses; mu pa nega tem dice: '+Qo-pe face tu un krati-pe e u judika-pe?+' iso un krati-pe e u judike-pe per manu de Angeli; Qi monstra Se in pusi dendro. [Ki-ex 2:14] 36 "U-ci duce mu po akti plu mira e sema in landa Egipto e in mari Rubi e in deserta tem tetra-ze anua. 37 "U-ci es Moses; qi dice ad Israel-fili: '+Na Cefa, tu Teo, fu face u Profeta ex vi fratri homo mi. Vi fu audi An.+' [Nomi-bi 18:15] 38 "U-ci es an; qi du es in grega in deserta kon Angeli; Qi du dice epi monti Sinai, e qi du es ko na patri; qi du gene plu vive dice te dona a na, 39 "e infra qi na patri ne volu es sed bali ex e tropo se versi landa Egipto 40 "tem dice ad Aaron: '+Face a na plu teo; qi fu ki ante na, ka u-la Moses; qi duce na ex landa Egipto--na ne habe u ski; qo pa acide.+' [Ki-ex 32:1,23] 41 "Mu face u babi bovi tem plu-la di e akti sakrifice ad idoli e este hedo kausa ergo de manu. 42 "Teo tropo Se e lase; mu akti servi a [falsi] grega de urani akorda ge-grafo in bibli de plu profeta: '+Demo Israel vi: qe vi pa dona a Mi plu ge-cide zoa e sakrifice tem tetra-ze anua in deserta? 43 "'+Vi pa cepti u te-do de Moloh e un astro de vi teo Remfan--plu modela; vi pa face te dona a mu latri. Mi fu apo vi ultra civita Babilono.+' [Amos 5:25-27] 44 "U te-do de testi du es inter na patri in deserta akorda komanda; An pa dice a Moses: sti face akorda modela; an pa vide. 45 "Plu patri de na moti id a ci ko Josua po gene un habe de plu hetero demo; Teo bali ab facia de na patri a plu di de David; 46 "qi detekti favo ante Teo e dice u petitio; face u religio-do pro Teo. 47 "Solomon tekto An domi." 48 "Anti-co u maxi-alti-Pe ne habe eko in religio-do; ge-face per manu, akorda profeta dice: 49 "'+Un urani es a Mi u regi-mo e u geo pedi-mo a pedi. Vi fu tekto qo domi a Mi'--na Cefa dice--'alo qo loka de relaxa? 50 "'+Ne Mi manu pa krea panto-ci?+' [Isaia 66:1,2] 51 "Obstina e ne ge-peri-seka de kardia e de oti vi: homo plu patri, plus vi akti resista anti Sankti-Spiritu panto-tem. 52 "Plu patri de vi ne pa akti opresi anti qo profeta? Mu pa cide panto; qi pa pre-voci u veni de u justi-Pe; de Qi vi nu es plu vendo-pe e plu cide-pe. 53 "Vi pa gene u lega per monstra ex plu angeli e ne tena obe."
54 Kron audi panto-ci, mu gene fo koleri e fo frika denti anti an. 55 Tem es ple per Sankti-Spiritu e po skope ad urani, an vide u glori de Teo e vide Jesu; Qi sta para Teo dextro. 56 An dice: "Vide; mi vide plu ge-aperi urani e un homi-Fili; Qi sta para Teo dextro." 57 Tem fo voci per fo soni voka, mu tena plu oti e dromo anti An kon unio. 58 Po bali an ex civita, mu jeti plu lito. Plu testi-pe moti plu vesti para pedi de u juve andro; ge-nima Saul. 59 Mu jeti plu lito anti Stefano, tem an voci tem dice: "Cefa Jesu: cepti mi spiritu." 60 Po kade epi genu, an voci per fo soni voka: "Cefa: ne puta a mu u-ci peka." Po dice u-ci, an gene somni.
1 Saul dice akorda ad an cide. Acide kron u-la di: es u mega opresi anti grega in civita Jerusalem. Panto-pe excepti plu apostola gene difusi dia plu landa Juda e Samaria. 2 Plu religio andro moti Stefano ad-in tera e face mega tristi de an. 3 Saul face viole anti na grega tem ki ad-in panto domi e trakto plu andro e plu gina ad-in karcera.
4 Mu; qi pa gene difusi, ki dia landa tem voci plu boni dice. 5 Tem ki ad-in civita de Samaria, Filipo voci Kristo. 6 U poli-pe pa dona kura kon akorda a ra; Filipo dice, tem audi e vide plu sema; an akti. 7 Poli homi; qi habe plu no-puri spiritu; qi ki ex ko fo soni voka. Po es paralisi e klaudi, poli-pe gene repara. 8 Mega hedo gene acide in u-la civita. 9 U certa andro ko nima Simon pa es in civita tem uti magika e face stupe u landa Samaria tem dice; an auto es un importa-pe. 10 Panto-pe, pusi a mega, dona kura ad an tem dice: "U-ci es u mega dina de Teo." 11 Mu dona kura, ka an pa face stupe mu per magika longi-tem. 12 Kron mu gene kredi; Filipo voci de plu boni nova de Teo regi-landa e de nima Jesu Kristo, mu, andro e gina, gene bapti-ritu. 13 Simon gene kredi. Po gene bapti-ritu, an du es ko Filipo. Tem skope plu mega sema e ergo; an akti, an este mira. 14 Po audi; landa Samaria pa cepti Teo dice, plu apostola in civita Jerusalem bali Petro e Joane. 15 Po veni, mu dice preka pro mu, te mu fu gene Sankti-Spiritu. 16 Ka An pa kade epi nuli-pe a-nu. Mu pa gene bapti-ritu solo ad-in nima Cefa Jesu. 17 Kron mu moti manu epi mu. Mu gene Sankti-Spiritu. 18 Po vide; Sankti-Spiritu gene dona per moti epi mu plu manu de Apostola, Simon dona un ofere de pluto 19 tem dice: "Sti dona a mi u-ci dina, so, po moti mi manu epi ali-pe, pe fu gene Sankti-Spiritu." 20 Petro dice ad an: "Tu valuta fu gene destru ko tu, ka tu pa doxo; pe gene u doro de Teo per pluto. 21 "Es a tu ni mero ni fortuna in u-ci ra, ka tu psiko ne es justi ante Teo. 22 "Ka-co sti penite de u-ci kako e sti petitio a Teo, si u doxo de tu psiko posi gene pardo a tu. 23 "Mi vide; tu es in turba de mali emotio e in liga de no-justi." 24 Tem reakti, Simon dice: "Sti petitio pro mi a na Cefa, so zero; de qi vi pa dice, fu veni anti mi." 25 Ka-co, po dice testi e dice na Cefa dice, mu ki versi civita Jerusalem e voci plu boni nova a poli Samaria viki.
26 Un angeli de na Cefa dice a Filipo: "Sti sta e sti ki a sud epi via; qi duce ab civita Jerusalem a civita Gaza. Id es deserta." 27 Po sti sta, an sti ki. Vide; un Etiopia ofici-an; qi es infra Etiopia regi-fe Kandace e es supra holo tresora e qi pa veni te akti latri in civita Jerusalem 28 e qi ki versi e qi sedi in vagona, lekto u profeta Isaia. 29 Spiritu dice a Filipo: "Sti proxi e gene inkontra kon u-ci vagona." 30 Tem dromo, Filipo audi lekto ex profeta Isaia e dice: "Qe tu habe ski de ra; tu lekto?" 31 An dice: "Mi fu sio pote per qo-mode, si pe ne duce mi?" An dice a Filipo u petitio; po ki ana, sti sedi kon an. 32 U loka de Grafo; an lekto, es: "+An gene duce homo ovis [gene duce] a cide, ko-co homo un ovis-fili es no-soni anti pe; qi uti cisori, so An ne aperi stoma. 33 "+Per humili, u justi judika gene apo. Qo-pe fu habe ski de plu fili de An? Ka An bio gene apo ab geo.+" [Isaia 53:7-8] 34 Tem reakti, un ofici-pe dice a Filipo: "Mi dice a tu u qestio; u profeta dice u-ci de qo-pe: de se alo de u certa hetero pe?" 35 Po aperi stoma e po face proto ab u-ci grafo, Filipo voci u boni nova de Jesu. 36 Tem viagia longi via, mu gene inkontra kon u certa aqa. Un ofici-pe dice: "Sti vide aqa. Qo sto mi gene bapti-ritu?" 37 Filipo dice: "Si tu habe kredi ex holo psiko, lice." Tem reakti, an dice: "Mi habe u kredi; Jesu Kristo es un an-Fili de Teo." 38 An dice u komanda; u vagona gene sta. Ambi Filipo e un ofici-pe ki ad-in aqa. An akti bapti-ritu. 39 Kron ki ex aqa, Spiritu de na Cefa kapti Filipo. Un ofici-pe ne du vide an, ka an ki longi via tem voci hedo. 40 Filipo gene detekti in landa Azoto. Tem ki dia, an voci plu boni nova in panto civita a-kron veni a civita Cesarea.
1 A-nu, Saul dice menace de cide anti plu sko-pe de na Cefa. Po veni a cefa arki-hiera, 2 An dice u petitio; an gene plu grama ex an te ki ad-in civita Damasko a plu religio-do, so, si ali-pe, andro alo gina, gene detekti es de u-ci mode, po liga mu, an fu duce mu ad-in civita Jerusalem. 3 Tem viagia, acide: an ki proxi civita Damasko. Subito, u foto ex urani es peri an. 4 Po kade epi landa, an audi u voci dice: "Saul, Saul: qo-te tu akti opresi anti Mi?" 5 An dice: "Qo-pe es tu, mi Cefa?" Na Cefa dice: "Mi es Jesu; anti Qi tu akti opresi. Tu pedi anti plu punge es no-facili." 6 Tem tremulo e este subito, an dice: "Cefa: Tu volu mi akti qo?" Na Cefa dice ad an: "Sti sta e sti ki a civita, ko-co u ra; tu nece akti, fu gene dice a tu." 7 Plu andro; qi ki tem viagia, sta minus dice tem audi u voka sed vide nuli-pe. 8 Saul sti sta ab landa e, po aperi oku, an vide nuli-pe. Tem duce per manu, mu duce an a civita Damasko. 9 Tem tri di, an ne pote vide e ni vora ni bibe. 10 Es uno sko-pe ko nima Anania in civita Damasko. Na Cefa dice ad an per idio vista: "Anania." An dice: "Cefa: vide; es mi." 11 Na Cefa dice ad an: "Po surge, sti ki epi strata ko nima Rekti e sti cerka de homi ko nima Saul de civita Tarso in Juda domi. Vide; an dice preka. 12 "An pa vide per idio vista un homi ko nima Anania; qi veni e moti manu epi an, te an gene vide-pote." 13 Anania reakti: "Cefa: mi pa audi ex poli homi de u-ci andro--de poli kako; an pa akti anti plu sankti homi in civita Jerusalem. 14 "Ci an habe arki ex plu arki-hiera te liga panto-pe; qi dice Tu nima." 15 Na Cefa dice ad an: "Sti ki, ka u-ci es a Mi u ge-elekti vasa te fero Mi nima a no-juda-pe e a regi e ad Israel-fili. 16 "Mi fu monstra u qantita de sufero; an nece gene kausa Mi nima." 17 Anania ki-ab e ki a domi e, po moti manu epi an, an dice: "Fratri Saul, na Cefa Jesu; Qi pa monstra Se a tu in via; in qi tu pa veni, pa bali mi, te tu fu gene vide-pote e gene ple per Sankti-Spiritu." 18 Imedia, uno-ra; qi feno es plu lepido, kade ab oku, ko-co an subito gene vide-pote e, po surge, gene bapti-ritu. 19 Po gene fago, an gene forti. Acide: Saul es ko sko-pe in Damasko tem uno qantita de plu di. 20 Subito, an es in Juda religio-do tem dona sko de Kristo; An es u Fili de Teo. 21 Panto-pe; qi audi, este mira e dice: "Qe ne u-ci es pe; qi pa destru in civita Jerusalem pe; qi voci u-ci nima, e pa veni a ci, te, po liga mu, an fu duce mu a plu arki-hiera?" 22 Saul gene ma dina e dona turba a plu Juda-pe; qi du eko in civita Damasko, tem dona verifi; u-la es Kristo. 23 Po poli di gene fini, plu Juda-pe dice konsili ad alelo te cide an. 24 U skema gene ge-ski a Saul. Mu skope panto janu tem di e noktu te cide an. 25 Po duce an tem noktu, mu lase kata an in korbe dia mura. 26 Po veni a civita Jerusalem, an tenta gene unio ko plu sko-pe. Panto mu este fobo de an tem ne este kredi; an es u sko-pe. 27 Po duce an, Barnaba duce an a plu apostola e dice u mode; per qi an pa vide na Cefa e per qi An dice e per qi an dona sko de u nima de Jesu in civita Damasko. 28 An es ko mu tem ki in e ki ex in civita Jerusalem e tem dona sko de u nima de na Cefa Jesu. 29 An dice e habe disputa ko plu Helena-pe. Mu gene prepara te cide an. 30 Po gene ski, plu Kristo-pe duce an a civita Cesarea e bali an a civita Tarso. 31 Veri, plu eklesia in holo Juda e Galilai landa habe paci tem gene forti e dura per fobo de na Cefa, e, per konsola de Sankti-Spiritu, gene ma membra.
32 Acide: tem ki dia panto [civita], Petro ki a plu sankti-pe; qi du eko in civita Lida. 33 An detekti la un andro ko nima Ainea; qi pa kumbe epi kli tem okto anua e qi habe paralisi. 34 Petro dice: "Ainea: Jesu Kristo sti repara tu." An imedia sti sta. 35 Panto-pe; qi du eko in civita Lida e in landa Sarona, vide an e tropi se a na Cefa.
36 In civita Jopa es u sko-pe ko nima Tabita; qi translati es Cervus. Fe pa es ple ko plu boni ergo e plu doro; qi fe akti. 37 Acide tem plu-la di: po gene pato, fe gene morta. Po lava fe, mu lase fe in supra. 38 Ka civita Lida es proxi civita Jopa, plu sko-pe pa audi; Petro es in id, e bali bi andro ad an te dice petitio; an ne resta sed veni a mu. 39 Po sti sta, Petro ki ko mu. Po veni, mu duce an ad-in supra, ko-co panto fe-vidua sta tem plora e monstra plu tunika e vesti; Cervus pa face tem es ko mu. 40 Po bali ex panto-pe, Petro dice u preka po es epi genu. Po tropi a morta soma, an dice: "Tabita: sti sta." Po aperi oku e vide Petro, fe sedi. 41 Po dona manu, an face ge-sta fe e, po sti veni de plu sankti-pe e plu fe-vidua, an dona vive fe. 42 U-ci gene ge-ski in holo landa Jopa, ko-co poli homi habe kredi de na Cefa. 43 Acide: an du resta poli di in civita Jopa ko derma-pe Simon.
1 In civita Cesarea es un homi ko nima Kornelio, un hekto-kapitana de milita grega ko nima Italia 2 e u religio homi tem este fobo de Teo ko panto-pe in eko-lo e tem dona plu doro a poli homi e dice preka panto-tem. 3 An vide in idio vista ko klari kron u horo nona de di un angeli de Teo; qi veni ad an e dice: "Kornelio!" 4 Po vide an e gene fobo, an dice: "Sinior: es qo?" An dice: "Tu preka e tu doro pa ki ana homo memo ante Teo. 5 "Nu, sti bali plu andro a civita Jopa e sti veni de Simon; qi habe un adi nima Petro. 6 "An du eko kon uno derma-pe Simon; qi du eko para mari. An fu dice a tu ra; qi nece gene ge-face a tu." 7 Po un angeli; qi pa dice a Kornelio, pa ki ab e po sti u veni de bi servi-pe e de mo religio soldata de plu homi; qi du servi, 8 e po sti ge-ski panto-ra, an bali mu a civita Jopa. 9 Tem fu-di tem viagia e tem plu-la homi gene proxi a civita Jopa, Petro ki epi stego te dice preka cirka horo sixa. 10 An gene fo fami e volu vora. Tem mu kuko id, u trance gene acide. 11 An vide; un urani gene aperi, ko-co u vasa homo mega lamina-te; ge-liga topo tetra gono e ge-kata epi geo, ki-kata. 12 In id es panto tetra-poda e agrio zoa de geo ko panto repti-ra e avi de urani. 13 U voka veni ad an: "Petro: po sti sta, sti cide e sti vora!" 14 Petro dice: "Per zero mode, mi Cefa, ka mi pa vora zero vulga alo no-puri ra!" 15 Itera kron bi, u voka veni ad an: "Ne face no-puri ra; Teo pa face puri. 16 U-ci gene acide tri kron, ko-co u vasa itera gene prende ad urani. 17 Tem Petro este in se un enigma; un idio vista es qo, vide; panto andro; qi gene ge-bali ab Kornelio e qi pa dice qestio de un eko-lo de Simon, sta epi portika. 18 Po voci, mu dice qestio; qe Simon; qi habe adi nima Petro, du eko ci. 19 Tem Petro du kogita de idio vista, [Teo] Spiritu dice: "Sti vide; tri andro tenta detekti tu. 20 "Anti-co, po sti sta, sti ki kata e sti ki ko mu tem este dubi de zero ra, ka Mi pa bali mu." 21 Po ki kata, Petro dice a panto andro; qi gene bali ex Kornelio ad an: "Sti vide; mi es pe; qi vi tenta detekti. Vi pa veni kausa qo?" 22 Mu dice: "Kornelio--un hekto-kapitana e u religio homi; qi habe fobo de Teo e qi habe testi ex holo Juda natio--gene ex sankti angeli u demando; bali na a tu eko-lo e audi dice ex tu." 23 Po sti veni, an dona eko. Tem fu-di, Petro sti ki ko mu, ko-co plu Kristo-pe ex Jopa ki ko. 24 Tem fu-di, mu ki ad-in civita Cesarea. Kornelio du atende po sti veni plu relati-pe e ge-ski ami. 25 Tem Petro ki in e po gene unio e po kade epi an pedi, Kornelio dona latri. 26 Petro leva an tem dice: "Sti sta! Plus mi es un andro." 27 Tem konversa, an ki in e detekti ge-grega poli homi. 28 An dice a mu: "Vi habe u ski; es fo no-lega: u Juda-pe face unio ko alo ki proxi xeno-pe. Teo pa monstra a mi; dona verba 'vulga' alo 'no-puri' a nuli-pe. 29 "Ka-co, minus dice adi, mi pa veni po gene bali. Ka-co mi dice qestio; vi pa bali mi kausa qo?" 30 Kornelio dice: "Pre tetra di ad u-ci horo, mi sto vora e, tem horo nona, mi dice preka in mi eko-lo. Vide; un andro in foto vesti sta ante mi. 31 An dice: 'Kornelio, tu preka gene audi e tu doro gene memo ante Teo. 32 "'Sti bali a civita Jopa, ko-co sti veni de Simon kon adi nima Petro. An du eko in eko-lo de Simon; u derma-pe para mari. Po veni, an fu dice a tu.' 33 "Ka-co mi imedia bali a tu. Tu boni akti u-ci; tu pa veni. Ka-co panto na nu es ci ante Teo te audi panto-ra; qi pa gene komanda ex Teo a tu." 34 Tem aperi stoma, Petro dice: "Veri, mi gene logi; Teo ne es un honora-pe de homi. 35 "Anti-co, in panto natio, pe; qi habe fobo e akti justa, es ge-cepti. 36 "Tu habe ski de panto verba; An bali a panto Israel-fili e qi sti ge-ski u paci per Jesu Kristo--u-ci es u Cefa de panto-ra-- 37 "e de dice; qi veni dia holo landa Juda; proto ex landa Galilaia ko bapti-ritu; Johane pa sti ge-ski, 38 "e de Jesu ex civita Nazaret e de mode; per qi Teo pa fusi Sankti-Spiritu e dina epi An; Qi ki tem akti boni e sti repara panto-pe; qi habe opresi ex diabola, ka Teo es kon An. 39 "Na es plu testi-pe de panto-ra; An akti in landa de Juda-pe e in civita Jerusalem. Mu cide An po pende An epi dendro. 40 Teo pa leva An kron di tri e dona An te es u monstra 41 "ne a panto-pe sed a plu testi-pe; qi pa gene pre-elekti ex Teo--a na; qi pa vora e pa bibe kon An, po An gene leva ex morta-pe. 42 "An dice a na u komanda; sti ge-ski e dice testi a panto-pe; es An; Qi pa gene elekti ex Teo u judika-pe de vive-pe e morta-pe. 43 "Panto profeta dice testi de An; panto-pe; qi habe kredi de An, fu gene apo de peka per An nima." 44 Klu tem Petro dice panto-ci verba, Sankti-Spiritu acide epi panto-pe; qi audi [Teo] verba. 45 Panto peri-seka kredi-pe; qi pa veni ko Petro, este mira, kron u doro de Sankti-Spiritu acide in plu hetero demo. 46 Ka mu audi; mu dice [xeno] lingua e face importa Teo. Po-co Petro reakti: 47 "Qe es posi; uno-pe ne lice aqa te dona bapti-ritu a panto-ci; homo na, Sankti-Spiritu pa cepti?" 48 An dice komanda; mu gene bapti-ritu per u nima de na Cefa. Po-co mu dice petitio; an fu resta tem uno qantita de plu di.
1 Plu apostola e Kristo-pe; qi es in landa Juda, audi; plu hetero demo pa gene Teo verba. 2 Po-co Petro ki a civita Jerusalem, plu peri-seka-pe dona disputa ad an 3 tem dice: "Tu pa ki a plu no-peri-seka andro e pa vora!" 4 Po proto, Petro klari dona id per sistema tem dice: 5 "Mi pa es in civita Jopa tem preka, ko-co mi vide in trance un idio vista; u vasa; homo mega lamina-te ki kata, gene kata per tetra gono ex urani e veni a mi. 6 "Po in-skope, mi puta e vide plu tetra-poda-ra e agrio zoa e repti-ra e avi de urani. 7 "Mi audi u voka; qi dice a mi: 'Po sti sta, Petro: sti cide e sti vora. 8 "Mi dice: 'Per zero mode, mi Cefa, ka zero vulga alo no-puri ra pa ki ad-in stoma!' 9 "U voka reakti kron bi ex urani: 'Ne face vulga ra; Teo pa face puri.' 10 "U-ci pa gene acide tri kron, ko-co panto-ra gene trakto ad urani. 11 "Vide; tri andro; ge-bali ex civita Cesarea a mi, subito sta proxi eko-lo; in qi mi es. 12 "[Teo] Spiritu dice a mi; ki ko mu tem este zero dubi. Sixa Kristo-pe ki ko mi, ko-co na ki ad-in eko-lo de u-ci andro. 13 "An sti ge-ski a na u mode; per qi an pa vide in eko-lo un angeli; qi sta e dice: 'Sti bali a civita Jopa plu andro, ko-co sti veni de Simon; qi habe un adi-nima Petro. 14 "'An fu dice plu verba; per qi tu ko panto-pe in tu eko-lo fu gene salva.' 15 "Tem mi proto dice, Sankti-Spiritu gene acide a mu homo a na tem proto. 16 "Mi pa sti memo de Teo dice; kron An dice: '+Johane akti bapti-ritu per aqa, anti-co vi fu gene bapti-ritu per Sankti-Spiritu.+' [Matai 3:11; Marko 1:8; Luka 3:16] 17 "Ka-co, si Teo pa dona a mu homo a na un iso doro po habe kredi de na Cefa Jesu Kristo, qo-pe es mi; qi posi veto Teo?" 18 Po audi panto-ci, mu es silento e dona glori a Teo tem dice: "Veri, Teo dona a plu hetero natio u penite de vive."
19 Ka-co, veri, mu; qi pa gene difusi kausa opresi; qi gene acide po Stefano, ki a plu landa Foinicia e Cipro e a civita Antiokea tem dice Teo verba a nuli-pe solo excepti a plu Juda-pe. 20 Es plu homi ex mu, Cipro-pe e Kirena-pe; qi, po veni a civita Antiokea, dice a plu Helena-pe tem face ge-ski na Cefa Jesu. 21 U manu de na Cefa es ko mu. Po gene kredi, u mega qantita tropi se a na Cefa. 22 U nova de mu gene audi ad-in oti de eklesia; qi es in civita Jerusalem. Mu bali Barnaba te ki a civita Antiokea. 23 Po veni e po vide u filo de Teo, an voci hedo e dice a panto-pe te, ko mo kausa, tena fide de na Cefa. 24 Ka an es u boni andro e es ple ko Sankti-Spiritu e ko fide. U mega poli-pe gene adi a na Cefa. 25 Barnaba ki a civita Tarso te tenta detekti Saul. 26 Po detekti an, an duce an a civita Antiokea. Acide: mu es in u-la eklesia tem holo anua, ko-co mu dona sko a mega poli-pe, ko-co plu sko-pe proto gene u nima "Kristo-pe" in civita Antiokea. 27 Tem plu-la di, plu profeta ki ex civita Jerusalem a civita Antiokea. 28 Po mo ko nima Agabo sti sta ex mu, an dice per [Teo] Spiritu; u mega famina nu-fu es epi holo landa. U-ci gene acide tem Klaudio Cesari. 29 Akorda ra; pe pa habe, panto sko-pe face decide; bali servi a plu Kristo-pe; qi du eko in civita Jerusalem. 30 Mu akti u-ci tem bali a plu eklesia krati-pe per manu de Barnaba e Saul.
1 U-la tem, regi Herode akti te kako uti plu homi ex eklesia. 2 An pa cide Jakob; fratri de Joane, per gladia. 3 Po vide; u-ci dona hedo a plu Juda-pe, an plus akti te kapti Petro. Es plu di de no-zima pani. 4 Po kapti an, an duce an ad-in karcera po dona an a tetra guarda grega te tena an, tem tende duce an a panto-pe po Paska. 5 Ka-co, veri, Petro gene tena in karcera. U preka de an pa gene ge-face forti ex eklesia a Teo. 6 Tem Herode tende duce an e tem u-ci noktu, Petro; ge-liga per bi katena, du somni inter bi soldata, ko-co bi guarda ante porta akti kura de karcera. 7 Vide; un angeli de na Cefa sta, ko-co u foto es in domi. Po bate u latu de Petro, an face vigi an tem dice: "Sti sta per tako!" Plu katena kade ab manu. 8 Un angeli dice ad an: "Sti moti u zona epi se, ko-co fixa plu pedi-ve." An so akti. An dice: "Sti moti vesti, ko-co sti ki seqe mi." 9 Tem ki avanti, An ki seqe. An ne este ski; ra; qi gene acide per angeli, es reali, anti-co an puta; an sio vide un idio vista. 10 Po ki dia u mo e dia u guarda grega bi, mu veni a feru porta; qi duce ad-in civita e qi aperi se. Po ki ex, mu dura longi mo strata, ko-co un angeli imedia ki ab an. 11 Po re-gene este, Petro dice: "Mi nu veri ski; mi Cefa pa bali un angeli e pa salva mi ex manu de Herode e ex panto expekta de plu Juda homi." 12 Tem puta, an veni a domi de Maria; u matri de Joane; qi habe un adi nima Marko, topo poli homi pa gene veni e nu dice preka. 13 Po bate u porta de portika, u ju-fe ko nima Roda veni a portika te audi. 14 Po gene rekogni de voka de Petro, fe ne aperi u portika kausa hedo e, po dromo in, dice u nova; Petro du sta ante u portika. 15 Mu dice a fe: "Tu es rabi!" Anti-co fe forti dice; es so. Mu dice: "Es an angeli." 16 Petro dura bate. Po aperi, mu vide e gene mira. 17 Po face per manu u sema de silento, an sti ski per mode; per qi na Cefa pa duce an ex karcera. An dice: "Dice panto-ci a Jakob e a plu Kristo-pe." Po ki ex, an ki ad hetero loka. 18 Po di veni, es inter plu soldata zero pusi turba; qo pa gene acide a Petro. 19 Po tenta detekti e po ne detekti an e po dice examina a plu guarda, Herode dice komanda; mu gene cide. Po ki ab landa Juda a civita Cesarea, an resta.
20 Herode este fo non-ami anti plu Tiro-pe e Sidono-pe. Anti-co mu veni ad an kon akorda e, po sti un ami Blasto; qi habe arki supra somni-ka de regi, mu tenta paci. 21 Tem pre ge-elekti di e po moti plu regi vesti epi se e po sedi epi regi-lo, Herode dice oratora a mu. 22 U demo du voci: "U voka de Teo e ne de homi!" 23 Un angeli de na Cefa imedia bate an, ka an ne pa dona glori a Teo. Po gene ge-vora per plu vermi, an lose bio. 24 Plu dice de Teo gene kresce e multi. 25 Barnaba e Saul ki-versi ex civita Jerusalem po akti servi e po ki ko Joane; qi pa gene un adi-nima Marko.
1 Es in eklesia; qi es in civita Antiokea, plu certa profeta e doci-pe: Barnaba e Simeon; ge-nima Niger, e Kirena-pe Lukio e Manaen; qi pa gene eduka ko arki-tetra-pe Herode, e Saul. 2 Tem mu akti servi e sto vora a na Cefa, Sankti-Spiritu dice: "Sti separa de Barnaba e Saul pro ergo; a qi Mi pa sti mu veni." 3 Po sto vora e po dice preka tem tri di e po moti manu epi mu, mu bali mu. 4 Po gene bali veri ex Sankti-Spiritu, mu ki a civita Seleucia; ab qi mu sti veli ad insula Cipro. 5 Po ki a civita Salami, mu voci nova de Teo verba in plu Juda-pe religio-do. Mu habe un auxi-pe Joane. 6 Po ki trans insula a civita Pafo, mu detekti u certa magika-pe; Juda falsi profeta, qi nima es Barjesu. 7 An es kon arki-pe Sergio Paulo; un intelige andro. Po sti veni de Barnaba e Saul, an volu audi Teo dice. 8 U Magika-pe Elima, u nima gene so translati, tenta tropi un arki-pe ab fide. 9 Tem ple per Sankti-Spiritu e po skope ad an, Saul; qi es Paulo, 10 dice: "Tu; ge-ple per panto kako e panto mali tekno e fili de diabola e anti-pe de panto justi: qe tu ne sto tropi ab rekti mode de na Cefa? 11 "Nu sti vide; Teo manu es epi tu, ko-co tu fu es no-vide tem ne vide un heli." Nebu e skoto imedia gene acide epi an, ko-co an tenta detekti duce per manu. 12 Po vide ra; qi pa gene acide, un arki-pe gene kredi tem este mira kausa doci de na Cefa.
13 Po sti veli ab civita Pafo ko grega, Paulo ki a civita Perga in landa Pamfilia. Po ki ab, Joane ki versi civita Jerusalem. 14 Po ki ab civita Perga, mu ki a civita Antiokea in landa Pisidia, ko-co, po ki ad-in religio-do tem sabato-di, mu sedi. 15 Po lekto de lega e de plu profeta, plu religio-do arki-pe bali a mu tem dice: "asocia vi: si es per vi u dice de spe a panto-pe, sti dice." 16 Po sti sta e kron face u sema per manu, Paulo dice: "Israel-fili vi e pe; qi este fobo de Teo: sti audi! 17 "Teo de panto Israel-fili pa elekti na plu patri e pa dona honora a panto-pe tem es in landa Egipto e duce mu ex id kon alti braki. 18 "Tem tetra-ze anua, An dura mu akti in deserta. 19 "Po destru seti demo in landa Kanaan, An dona a mu landa mero-po-mero. 20 "Ko panto-ci, po tetra-penta-ze anua, An dona plu judika-pe a profeta Samuel. 21 "Kron mu dice u petitio de regi, ko-co Teo pa dona Saul; fili de Kis e andro ex tribu Benjamin tem tetra-ze anua. 22 "Po apo an, An face regi David; po monstra testi, a qi An dice: '+Mi pa detekti David ex Jese un andro akorda Mi kardia. An fu akti Mi panto volu.+' [Kanta 89:20; 1 Samuel 13:14] 23 "Ex sperma de u-ci, Teo pa face a demo Israel u salva-pe Jesu, 24 "po Joane pa sti ski de bapti-ritu de penite a panto Israel-pe, pre An veni. 25 "Tem du ergo a buta, Joane dice: '+Vi doxo; mi es qo-pe? Mi ne es An, anti-co vide; An; Qi pedi-ve; mi ne es gru pro laxa, ki seqe mi.+' [Mataio 3:11; Luka 3:16] 26 "asocia vi e fili de Abraam racia ko panto-pe inter vi; qi este fobo de Teo: plu dice de salva pa gene bali a vi. 27 "Po ne ski plu voka de plu profeta; qi gene lekto tem panto sabato-di, e po akti judika anti An, plu Jerusalem-pe kon arki-pe pa face reali [plu-ci dice]. 28 "Po detekti zero kausa te cide An, mu dice a Pilato u petitio; cide An. 29 "Kron face ge-fini panto-ra; qi pa gene grafo de An, e po moti An ab xilo, mu pa moti An ad-in tafo. 30 "Teo pa leva ex panto morta-pe An; 31 "Qi monstra Se tem poli di a plu homi; qi pa ki kon An ab landa Galilaia a civita Jerusalem e qi nu es plu testi-pe a panto-pe. 32 "Na nu voci a vi u promise; ge-face a plu patri e Teo pa face reali a na; plu fili, per leva de Jesu. 33 "Iso es ge-grafo in Kanta bi: '+Tu es Mi Fili, ko-co Mi pa proto Tu nu-di.+' [Kanta 2:7] 34 "An leva ex panto morta-pe An; Qi ne fu ki versi a sapro, so An pa dice: '+Mi fu dona a Tu plu sura boni de David.+' [Isaia 55:3] 35 "Ka-co An dice in hetero: '+Tu ne fu lice; Tu sankti-Pe fu vide sapro.+' [Kanta 16:10] 36 "Veri, po dona servi a plu homi de auto tem per Teo volu, David pa gene somni e gene in-tera ko plu patri e vide sapro. 37 "Sed An; Teo pa leva, pa vide zero sapro. 38 "Asocia vi: ka-co sti gene u ski; per u-ci, u pardo de peka gene voci a vi. 39 "Per An, panto-pe; qi habe kredi, gene justi ab panto-ra; ab qi vi ne posi gene justi per Moses lega. 40 "Ka-co sti kura; ra; ge-dice per plu profeta, ne fu ki a vi: 41 "'+Mali-dice-pe vi: sti vide e sti mira e sto bio, ka Mi akti tem plu di de vi un ergo; de qi anti-co vi sio este kredi per zero mode, si pe dice id a vi.+'" [Habakuk 1:5] 42 Po plu Juda-pe ki ex religio-do, plu hetero demo dice u petitio; panto-la verba fu gene dice a mu tem seqe sabato-di. 43 Po plu religio-do-pe pa divide ki, poli Juda-pe e latri muta-religio-pe ki seqe Paulo e Barnaba; qi, tem dice a mu, sti akorda te dura in filo de Teo.
44 Kron u veni sabato-di, proxi un holo civita veni te audi Teo dice. 45 Po vide plu poli-pe, plu Juda-pe gene ple kon invidi e dice kontra plu ra; ge-dice ex Paulo, tem dice kontra e falsi. 46 Tem dice ko no-fobo, Paulo ko Barnaba dice: "Pa es nece: Teo dice gene dice proto a vi. Ka vi apo id e face se ne-valu de panto-tem bio, sti vide; na tropi se a plu hetero demo. 47 "Ka-co na Cefa pa dona a na u komanda: '+Mi pa fixa Tu homo foto de plu hetero demo, so Tu fu es u salva a plu maxi tele mero de geo.+'" [Isaia 49:6] 48 Tem audi, plu hetero demo-pe voci hedo e face glori na Cefa dice. Poli homi; qi pa gene fixa ad-in panto-tem bio, habe kredi. 49 Na Cefa dice gene fero dia holo landa. 50 Plu Juda-pe face excite plu latri gina e plu honora e proto-pe de u-la civita, ko-co mu sti noku anti Paulo e Barnaba, ko-co mu bali mu ex landa margina. 51 Po seiso pulve de pedi epi mu, mu ki a civita Ikonio. 52 Plu sko-pe gene ple kon hedo e ko Sankti-Spiritu.
1 Gene acide: ambi mu ki ad-in Juda religio-do in civita Ikonio e dice, so u mega qantita Juda-pe e Helena-pe gene kredi. 2 Plu no-kredi Juda-pe stimula e face ge-kako plu psiko de hetero demo anti plu asocia. 3 Ka-co mu du resta mega-tem no-fobo dice de na Cefa. Mu dice testi de verba de filo tem dona sema e mira; ge-akti per mu manu. 4 U mega qantita de civita gene divide. Uno qantita es ko plu Juda-pe e hetero qantita ko plu apostola. 5 Kron es u viole ex plu hetero demo e ex plu Juda-pe kon arki-pe te dice mali e jeti lito anti mu, 6 mu gene ski e fugi a plu civita Likaonia e Listra e Derbe ko peri landa. 7 La mu voci boni nova.
8 U certa andro; no-dina de pedi tem es klaudi ex matri uteri e qi gresi zero-kron, du sedi in civita Listra. 9 U-ci andro audi; Paulo dice. Po skope An e tem vide; an habe fide de sani, 10 an dice per mega voka: "Sti sta kon orto epi pedi!" An salta e gresi. 11 Po vide ra; Paulo pa akti, plu poli-pe sti voci per Likaonia lingua tem dice: "Po gene feno de andro, plu teo pa ki a na. 12 Mu dona a Barnaba u nima Zeo e a Paulo Herme, ka an es u duce de verba. 13 Po moti plu bovi e orna-zo, u Zeo hiera; qi es ante civita, ko plu poli-pe volu akti sakrifice. 14 Po audi e po skizo vesti, Barnaba e Paulo ki ko tako ad-in poli-pe tem voci 15 e dice: "Homi vi: qo-te vi akti panto-ci? Na es iso este homi ko vi. Na voci a vi; sti tropi se ab panto-ci vaku vice a vive Teo; Qi pa face un urani e u tera e u mari ko panto-ra in mu. 16 "Pre-tem An pa lice; panto demo akti auto ra. 17 "Para-co An ne linqi Se minus testi de akti boni tem dona a na ex urani plu pluvi- e karpe-tem e tem face ple na kardia per sito e hedo." 18 Tem dice panto-ci, mu proxi ne sto; plu poli-pe akti sakrifice. 19 Plu Juda-pe ki ex plu civita Antiokea e Ikonio. Po sti kredi in plu poli-pe e po bali lito anti Paulo, mu trakto an ex civita tem puta; an pa lose bio. 20 Po plu sko-pe ki peri an e po an sti sta, an ki a civita. Kron seqe di, An ki ko Barnaba a civita Derbe. 21 Po voci boni nova ad u-ci civita e po dona sko a poli homi, mu ki a plu civita Listra e Ikonio e Antiokea 22 tem face forti plu psiko de plu sko-pe e tem dona spe; dura per fide, e na nece ki dia poli turba a Teo regi-landa. 23 Po elekti a mu plu eklesia ante-pe e po dice preka ko sto-vora, mu dona mu liabili a na Cefa; de Qi mu habe kredi. 24 Po ki dia civita Pisidia, mu ki a landa Pamfilia. 25 Po dice in civita Perga, mu ki a civita Atalia. 26 Mu sti veli ex la a civita Antiokea; ex qi mu pa gene dona a Teo filo ad-in ergo; mu pre face ge-fini. 27 Po veni e po sti veni eklesia, mu dice nova de holo ra; Teo pa face ko mu, e An pa face ge-aperi a plu hetero demo u porta de fide. 28 Mu du es la ko plu sko-pe no-pusi-tem.
1 Po ki ab landa Juda, certa homi dona a plu asocia u sko: "Si vi ne gene peri-seka per Moses mode, vi ne fu gene salva." 2 Ka-co, po no-pusi turba e disputa gene acide a mu ex Paulo e Barnaba, mu face u decide; Paulo e Barnaba ko plu certa hetero homi fu ki de u-ci qestio a civita Jerusalem. 3 Veri ka-co, po gene bali akorda eklesia, mu ki dia plu civita Fenicia e Samaria tem re-dice u muta de plu hetero demo. Mu sti kausa de mega hedo a panto asocia. 4 Po ki a civita Jerusalem, mu gene bene-veni de eklesia ko plu apostola e ante-pe e sti ski de panto-ra; Teo pa akti ko mu. 5 Plu certa homi de mero Farisai; qi, tem dice, habe u kredi: "Akti peri-seka de mu e dona u komanda; tena Moses lega es nece." 6 Plu apostola e ante-pe pa sti veni te logi de u-ci dice. 7 Po poli disputa gene acide, Petro, po sti sta, dice a mu: "Asocia vi: vi du ski; po plu proto di, Teo inter na pa elekti; panto hetero demo fu audi per mi stoma u dice de panto boni nova e gene kredi. 8 "Teo; Qi du ski panto kardia, pa monstra testi a mu, tem dona Sankti-Spiritu a mu iso a na. 9 "An pa face zero difere inter na e mu po face puri kardia per fide. 10 "Ka-co qo-ka vi nu dona a Teo u stimula; moti epi kola de plu sko-pe u zigo; ni na plu patri ni na auto pa pote fero? 11 "Kontra-co na per filo de na Cefa Jesu Kristo habe u kredi de salva per iso mode de mu." 12 Un holo poli-pe habe silento e audi; Barnaba e Paulo re-dice plu sema e mira; Teo pa akti inter plu hetero demo per mu. 13 Po mu es silento, Jakob reakti tem dice: "Asocia vi: audi mi! 14 "Simeon pa re-dice u mode; per qi Teo proto-kron pa visita te cepti ex panto demo mo demo pro An nima. 15 "Plu verba de plu profeta dice akorda u-ci akorda grafo: '+Po panto-ci, Mi fu ki versi e fu re-tekto David religio-do; qi pa gene kade. 16 "'+Mi fu re-tekto plu ruina de id e fu sti sta id, 17 "'+te u resta homi fu tenta detekti na Cefa--plus plu hetero demo; epi qi Mi nima gene voci; ge-dice per Teo, Qi akti panto-ci.+' [Amos 9:11,12] 18 "Teo du ski Auto panto ergo po panto tem. 19 "Ka-co mi face u judika; ne dona turba a mu; qi ex plu hetero demo tropi se a Teo. 20 "Kontra-co grafo a mu u-ci; tena se ab no-puri de idoli e de matura-pe kako e de ge-tortu-kola [zoa] e de hema, 21 "ka, ex panto paleo generatio in panto civita, Moses habe plu homi; qi voci an tem lekto in plu religio-do panto sabato-di." 22 Po-co bali plu ge-elekti andro ex mu; Juda kon adi-nima Barsaba e Sila, ko Paulo e Barnaba a civita Antiokea feno boni a plu apostola e a plu ante-pe kon holo eklesia 23 po grafo per manu so: "Plu apostola ko plu ante-pe e plu asocia a plu homi in plu civita Antiokea e in landa Siria e in landa Cilicia e a plu asocia de plu hetero demo: saluta. 24 "Ka na pa audi; plu certa homi ex na, po ki ex, pa sti turba vi per verba; qi sti mali muta in psiko, tem dice; vi nece gene peri-seka e tena u lega-fa, e a qi na pa dice zero komanda, 25 "bali a vi plu ge-elekti andro ko ge-filo Barnaba e Paulo feno boni a na; qi pa sti veni ko mo akorda. 26 "Bi-ci homi pa sti risko a psiko pro nima de na Cefa Jesu Kristo. 27 "Ka-co na pa bali Juda e Sila; qi auto dice per verba u-ci, 28 "Ex-co dona a vi zero ma no-facili de panto-ci nece-ra feno boni a Sankti-Spiritu e a na: 29 "tena se ab idoli sacrifice-ra e ab hema ko ge-tortu-kola [zoa] e ab matura-kako; ab qi tena se; vi fu boni akti. Vale." 30 Ka-co, po gene lase ki ab, mu ki a civita Antiokea e, po sti veni grega, dona u-ci grama. 31 Po lekto, mu voci hedo kausa akorda. 32 Juda e Sila auto; qi es plu profeta, dona spe e face forti plu asocia per poli verba. 33 Po resta tem, mu gene lase ki ab ko paci ab plu asocia a plu apostola, 34 [anti] resta feno boni a Sila.
35 Paulo e Barnaba ko poli hetero homi du es in civita Antiokea tem dona sko e voci na Cefa verba. 36 Po plu certa di, Paulo dice a Barnaba: "Po ki versi, na fu akti kura de stato de plu asocia in panto civita; in qi na pa voci na Cefa dice." 37 Barnaba tende duce ko mu Joane; ge-nima Marko. 38 Paulo puta; ne duce u-la homi; qi pa ki ab mu ab landa Pamfilia e ne pa ki ad ergo. 39 Ka-co ta forti disputa gene acide; mu ki ab alelo, e, po duce Marko, Barnaba sti veli ad insula Kipro. 40 Po elekti Sila, Paulo ki avanti po gene liabili a Teo filo akorda plu asocia. 41 An ki dia landa Siria e Cilicia tem face forti plu grega.
1 An ki a plu civita Derbe e Listra. Vide; la es u certa sko-pe ko nima Timoteo; un an-fili de u certa kredi Juda gina sed de Helena patri 2 akorda testi de plu asocia in plu civita Listra e Ikoniu. 3 U-ci homi volu; Paulo ki kon an. Po duce an, an akti peri-seka kausa plu Juda-pe; qi es in plu-la loka, ka panto mu habe u ski; an patri es un Helena-pe. 4 Tem ki dia plu civita, mu dona a mu; tena plu doci; ge-decide akorda plu apostola e plu ante-pe in civita Jerusalem. 5 Ka-co plu grega gene forti de fide e gene multi tem plu-la di.
6 Po ki dia plu landa Frigia e Galatia e po gene veto de dice [Teo] dice in landa Asia-Minora akorda Sankti-Spiritu 7 e po ki longi landa Misia, mu tenta ki longi landa Bitinia. Sankti-Spiritu ne lice u-ci. 8 Po ki para landa Misia, mu ki a civita Troa. 9 Tem noktu, un idio vista gene a Paulo: u certa andro de landa Makedonia tem sta e tem dona u petitio tem dice: "Po ki a landa Makedonia, sti auxi a na!" 10 Kron vide un idio vista, na imedia tenta ki a landa Makedonia tem face u decide; na Cefa pa sti veni na te voci boni nova. 11 Ka-co, po sti veli ab civita Troa, na ki per rekti viagia a civita Samotracia e, tem seqe di, a civita Neapolis 12 e ex la a civita Filipi; qi es u proto civita de u-la mero de landa Makedonia e es u koloni. Na du es in u-ci civita tem plu certa di. 13 Tem sabato-di, na ki ex civita para fluvi; topo more es preka. Po sedi, na dice a plu gina; qi pa kolekti se. 14 U certa gina ko nima Lidia; u vendo-pe de ciano-rubi [vesti] de civita Tiatira e qi dona latri a Teo, audi. Na Cefa face aperi fe kardia te akti kura de dice akorda Paulo. 15 Po gene bapti-ritu ko [plu homi in] eko-lo, fe dona petitio tem dice: "Si tu pa detekti; mi es fide a na Cefa, po ki ad-in mi eko-lo, sti resta." Fe sti u-ci kredi in mu.
16 Acide: kron na ki a preka-lo, u certa fe-dulo gene inkontra ko na tem habe u divina spiritu. Fe duce mega pluto per divina a plu habe-pe. 17 Po ki seqe Paulo ko na, fe voci tem dice: "Panto-la homi es plu dulo de maxi alti Teo e dice a na u nova de salva mode." 18 Fe akti u-ci tem poli di. Tem este koleri e po tropi se ad u-ci spiritu, Paulo dice: "Mi dice a tu per nima Jesu Kristo u komanda; sti ki ab fe!" Id ki ex tem iso horo. 19 Kron vide; u spe de pluto pa ki ex, e po rapi Paulo e Sila, mu trakto mu a merka-lo a plu arki-pe. 20 Po duce mu a plu komanda-pe, mu dice: "Plu-la homi face turba in na civita tem es plu Juda-pe. 21 "Mu dice nova de plu more; de qi ni cepti ni akti es lega a na tem es plu Roma-pe." 22 U poli-pe sti surge anti mu. Po skizo plu vesti peri mu, plu komanda-pe dice u komanda; bate per flagela. 23 Po face poli stria, mu bali mu ad-in karcera tem dice a karcera duce-pe u komanda; tena asilu mu. 24 Po gene tali komanda, an bali mu ad-in intra-karcera e liga mu poda ad-in xilo-ra. 25 Proxi noktu meso e tem dice preka, Paulo e Sila kanta a Teo, tem plu ge-puni-pe audi mu. 26 Subito, es ta mega tera seiso; plu karcera funda gene seiso. Panto porta imedia gene aperi, ko-co panto liga-me gene laxa. 27 Kron gene vigi ex somni e vide ge-aperi plu karcera porta e po tira u gladia, u duce-pe nu-fu cide se tem puta; plu ge-puni-pe pa ki ko fugi. 28 Paulo voci per mega voka tem dice: "Akti zero kako a se! Ka panto na es ci." 29 Po petitio de foto, an ki in ko tako. Tem tremulo, an kade ante Paulo e Sila. 30 Po duce mu extra la, an dice: "Mi plu cefa: nece qo a mi, te mi gene salva?" 31 Mu dice: "Sti u kredi de na Cefa Jesu Kristo, ko-co tu fu gene salva--tu ko plu eko-lo-pe." 32 Mu dice na Cefa dice ad an e a panto-pe in eko-lo. 33 Po duce mu tem u-la noktu horo, an lava mu kausa plu stria, ko-co an ko panto auto homi imedia gene u bapti-ritu. 34 Po duce mu ad-in auto eko-lo, an prepara u tabla e sti hedo kon panto eko-lo-pe po gene kredi de Teo. 35 Po di gene proto, plu komanda-pe bali plu polica-pe tem dice: "Lase; plu-la homi ki ab!" 36 U karcera duce-pe re-dice panto-ci verba a Paulo: "Plu komanda-pe dice; vi fu ki ab. Nu ka-co, po ki ex, sti viagia ko paci." 37 Paulo dice a mu: "Po bate minus-kritici na ko publika e, tem na es plu Roma-pe, po jeti na ad-in karcera, qe mu nu bali ex ko kripto na? Ne u-ci kausa, kontra-co, po auto veni, mu fu duce na extra ci." 38 Plu polica-pe re-dice panto-ci verba a plu komanda-pe. Mu este fobo po audi; mu es plu Roma-pe. 39 Po veni, mu tenta detekti mu. Po duce ex, mu dice u petitio; ki ex civita. 40 Po ki ex karcera, mu ki a Lidia. Po vide plu asocia, mu dice spe e ki ex.
1 Po ki dia plu civita Amfipoli e Apolonia, mu ki a civita Tesalonika; topo es u religio-do de plu Juda-pe. 2 Akorda more, Paulo ki a mu, ko-co, tem tri sabato-di, an dice a mu u logika ex plu Grafo 3 tem face klari e monstra; Kristo pa nece gene algo e pa gene leva ex plu morta-pe e: "U-ci Jesu es Kristo; de Qi mi dice nova a vi." 4 Plu certa mu gene kredi. Mu ko poli-pe de plu latri Helena-pe e de non-oligo proto gina face u grega ko Paulo e Sila. 5 Po este kako zelo e po duce plu certa kako andro ex plu anti-ergo-pe e po face u poli-pe, plu ne-kredi Juda-pe sti excite u civita. Po akti viole anti eko-lo de Jasono, mu stimula; mu duce mu a demo. 6 Po ne detekti mu, mu duce ko trakto Jasono ko plu certa asocia a plu arki-pe tem voci: "Plu-la homi; qi pa sti konfusi inter panto-pe, pa ki a ci. 7 "Jasono pa cepti mu. Panto-ci homi akti kontra plu dice de Cesari tem dice es un hetero Regi Jesu." 8 Mu face ge-turba u poli-pe e plu arki-pe, po mu audi panto-ci. 9 Po gene tena-ra ex Jasono e ex plu hetero homi, mu lice; mu ki ab. 10 Subito tem noktu, plu asocia bali ex a civita Berea Paulo e Sila. Kron veni, mu ki ad-in religio-do de plu Juda-pe. 11 Panto-la homi es ma boni de plu homi in civita Tesalonika. Mu cepti [Teo] dice kon holo zelo tem skope plu Grafo tem panto di [te verifi]; qe panto-ci es plu-la ra. 12 Veri, poli homi ex mu ko non-oligo honora Helena gina e andro gene kredi. 13 Po gene u ski; u nova de Teo dice akorda Paulo gene ski in civita Berea, plu Tesalonika Juda-pe sti veni a la tem face koleri plu poli-pe. 14 Kron plu asocia bali ex ko subito Paulo, te an sti viagia epi mari. Sila e Timoteo dura la. 15 Plu duce-pe face; Paulo ki a civita Atena. Po gene a mu u komanda; sti ki ko tako ad an, Sila e Timoteo ki ex.
16 Tem atende mu in civita Atena, Paulo este stimula de auto spiritu tem vide; u civita es ple ko plu idola. 17 Veri ka-co an monstra logika in religio-do ko plu Juda-pe e ko plu latri-pe plus in merka-lo a plu ko-sedi-pe. 18 Plu Epikure e Stoiko filo-sofi-pe gene inkontra kon an. Certa mu dice: "U-la tro-dice-pe volu dice qo?" Mu dice: "An feno es u nova-pe de plu xeno diabola," ka an dice a mu u nova de Jesu e de ana-sta. 19 Po kapti, mu duce an ana buno Are tem dice: "Qe na pote gene ski de neo doci; qi gene dice akorda tu? 20 "Akorda-co tu moti plu certa xeno ad-in na oti. Ka-co na volu habe u ski; panto-ci ra habe qo semani." 21 Panto Atena-pe ko plu resta xeno-pe spende libe tem per zero hetero ra vice dice e audi ali neo ra. 22 Po sti sta in meso de buno Are, Paulo dice: "Atena-an vi: mi vide; vi es falsi religio de panto-ra. 23 "Ka, tem ki dia e tem vide plu buta de vi latri, mi pa vide u tabla; epi qi es ge-grafo: A NE-GE-SKI TEO. Ka-co mi dice nova a vi de u-ci; a Qi vi dona latri minus ski. 24 "Teo; Qi pa akti u krea de geo ko panto-ra in id tem es u Cefa de urani e geo, du eko ne in manu-ge-face religio-do 25 "ni gene servi per homi manu tem sio nece uno-ra e tem Auto dona bio e spira a panto-ra akorda panto-ra. 26 "An pa face ex mo hema panto homi demo, te mu habe eko epi holo facia de geo po face plu pre-ge-decide tem e margina de eko-lo 27 "e te mu tenta detekti u Cefa, si mu sio tenta gene este de An e sio detekti An, anti An es ne tele ab panto na. 28 Akorda-co na habe bio e ki e es, homo plu certa poesi-pe inter vi pa dice: 'Akorda-co na es plu fili de u-ci Homi.' 29 "Ka-co, tem es plu fili de Teo, na ne debi puta; Teo es homo kriso alo argenti alo lito--u ge-forma ra de homi arti e imagi. 30 "Veri ka-co, po ne volu vide plu ne-ski tem, Teo nu dice u komanda; panto homi panto-lo dice penite. 31 "Ka An pa face sura u di; tem qi An fu face judika de panto-pe per justi e per Andro; An pa elekti po dona a panto-pe u verifi; An pa leva An ex panto morta-pe." 32 Po audi ana-sta de morta-pe, veri, mu sti ridi, ko-co mu dice: "Na fu itera audi tu de u-ci." 33 Per u-la mode, Paulo ki ex mu meso. 34 Tem face u grega kon an, plu certa homi; inter qi es un Are-pe Dionisio e u gina ko nima Damara plus ko mu plu hetero homi, gene kredi.
1 Po panto-ci e po sti viagia, Paulo ki ex civita Atena a civita Korinto. 2 Po detekti u certa Juda-an ko nima Aqila; qi es de racia Ponto e, po brevi tem, pa ki ab landa Italia, ka Klaudio pa dice u komanda; panto Juda-pe sti viagia ex civita Roma, kon auto gina Priscila. 3 Ka es de homo tekno, an du eko ko mu e akti ergo, ka mu habe te-do tekno. 4 An dice logika in religio-do tem panto sabato-di e sti kredi in plu Juda-pe e Helena-pe. 5 Kron Sila e Timoteo veni ab landa Makedonia, Paulo este fo stimula in auto spiritu tem dice a plu Juda-pe u testi; Jesu es Kristo. 6 Tem mu face se sura anti an e tem mu dice falsi, e po seiso vesti, Paulo dice a mu: "Vi hema epi vi kefa! Tem ne habe liabili, mu nu ki a plu hetero demo." 7 Po ki ex la, an ki ad-in eko-lo de certa latri-Teo-pe ko nima Justo; qi eko-do habe unio ko religio-do. 8 U religio-do arki-pe Krispo ko panto eko-lo-pe gene kredi de na Cefa. Tem audi, poli Korinto-pe gene kredi e gene u bapti-ritu. 9 Per un idio vista tem noktu, na Cefa pa dice a Paulo: "Ne este fobo sed dice e ne es silento, 10 "ka Mi es ko tu, ko-co nuli-pe fu gene vikto supra tu te kako uti tu e ka es poli homi pro Mi in u-ci civita." 11 An du resta tem mo anua plus sixa meno tem dona sko de Teo verba inter mu.
12 Tem Galio es u krati-pe de landa Akaia, plu Juda-pe sti surge kon akorda anti Paulo e duce an a judika-lo 13 tem dice: "Ultra lega, u-la homi sti u kredi; panto homi debi dona latri a Teo." 14 Pusi-tem pre Paulo volu aperi stoma, Galio dice a plu Juda-pe: "Juda-pe vi: si veri kausa certa no-justi alo kako krimi, akorda logika, mi fu sio dura ko vi. 15 "Si es u qestio de verba e de plu nima e de lega akorda vi--vi auto sti kura, ka mi ne volu es u judika-pe de panto-ci." 16 An ago mu ab judika-lo. 17 Po rapi u religio-do arki-pe Sostene, panto Helena-pe bate an ante judika-lo. Panto-ci feno es zero kura a Galio.
18 Po resta tem poli di, Paulo dice vale a plu asocia e ki per veli a landa Siria. Priscila kon Aqila; qi pa razo kefa in civita Kenkrea, ka an habe u jura, ki kon an. 19 An ki a civita Efeso e ki ab mu la. Po ki ad-in religio-do, an dice logika ko plu Juda-pe. 20 Po mu dice u petitio; qe an fu resta kon an ma mega tem, an ne dice akorda. 21 Kontra-co an dona vale tem dice: "Mi nece per panto mode fu es in celebra in civita Jerusalem. Mi fu ki versi vi, si Teo volu. An ki per veli ab civita Efeso. 22 Po ki epi tera a civita Cesarea e po dice saluta a Kristo-pe grega, an ki a civita Antiokea. 23 Po resta u certa tem, an ki ex e ki dia plu landa Galata e Frigia ko sistema tem face forti panto sko-pe.
24 U certa Juda-pe ko nima Apolo; ge-nati un Alexandria-pe e u logi andro, ki a civita Efeso tem es dina per plu Grafo. 25 An gene sko de na Cefa mode e, tem habe zelo spiritu, dice e dona sko ko korekti de plu ra de na Cefa po gene solo Johane bapti-ritu. 26 An proto dice ko koragi in religio-do. Po audi an, Aqila ko Priscila duce an e face ma korekti ad an u mode de Teo. 27 Tem an tende ki a landa Akaia, plu asocia grafo a plu sko-pe te urge; mu cepti an. Po veni, an dona mega auxi a plu homi; qi habe kredi per filo. 28 Akorda-co an dice disputa ko plu Juda-pe per dina tem monstra per plu Grafo: Jesu es Kristo.
1 Acide tem Apolo es in civita Korinto: po ki dia plu ma alti mero, Paulo ki a civita Efeso. Po detekti plu certa sko-pe, 2 an dice a mu: "Qe vi pa gene Sankti-Spiritu po gene kredi?" Mu dice ad an: "Na klu ne audi; qe es Sankti-Spiritu." 3 An dice a mu: "Vi gene bapti-ritu ad-in qo?" Mu dice: "Ad-in Joane bapti-ritu." 4 Paulo dice: "Veri, Joane akti bapti-ritu de penite tem dice a panto-pe; mu debi habe kredi de An; Qi ki seqe an--u-la es de Kristo Jesu. 5 Po audi, mu gene bapti-ritu ad-in nima de na Cefa Jesu. 6 Po Paulo moti manu epi mu, Sankti-Spiritu ki epi mu, ko-co mu dice de sankti-ra per plu lingua. 7 Panto andro [qantita] es cirka mo-bi. 8 Po ki ad-in religio-do, an dice ko koragi tem tri meno e tem dice logika e sti kredi de plu ra de Teo regi-landa. 9 Po ne volu kredi, plu certa homi dice kako de u-la mode ante poli-pe. Po ki ab mu, an face divide inter plu sko-pe tem dice logika panto-di in sko-do de certa Tirano. 10 U-ci gene acide tem bi anua, so panto-pe; qi habe eko in Asia-Minor, Juda-pe e Helena-pe, audi na Cefa Jesu verba. 11 Teo pa akti ne-norma dina per Paulo manu, 12 so klu plu mero-te alo alexi-ve gene fero ab an derma a pato-pe, ko-co plu pato ki ab mu e plu kako spiritu ki ab mu. 13 Plu certa vaga Juda-pe; qi apo diaboli, tenta dice u nima de na Cefa Jesu epi plu homi; qi habe plu kako spiritu tem dice: "Na dice komanda a vi per Jesu; Paulo voci." 14 Plu certa seti fili de Juda arki-hiera Skeua akti u-ci. 15 Tem reakti, u kako spiritu dice: "Mi du ski Jesu e pa gene ski de Paulo. Vi es qo-pe?" 16 Tem salta epi mu, un homi; in qi es u kako spiritu e po gene es u cefa supra mu, gene domina supra mu, so nudi e ge-vulne mu ki ko fugi ex domi. 17 U-ci gene ski a panto Juda e Helena eko-pe in civita Efeso. Fobo gene acide in panto mu, ko-co u nima de na Cefa Jesu gene mega. 18 Poli kredi-pe veni tem dice akorda e sti ski de mu akti. 19 Po fero plu bibli, poli magika-pe sti piro epi mu ante panto-pe. 20 So akorda dina, na Cefa verba gene ma mega e gene domina.
21 Po panto-ci gene fini, Paulo in auto spiritu tende ki a civita Jerusalem po ki dia plu landa Makedonia e Akaia tem dice: "Po es la, mi nece vide u civita Roma." 22 Po bali a landa Makedonia bi servi-pe Timoteo e Erasto, an du resta tem in landa Asia-Minor. 23 Acide u-la tem: no-pusi turba de na mode. 24 De-co u certa homi; un argenti-pe ko nima Demetrio, tem face plu argenti imagi de Artemia, duce a plu arti-pe no-pusi profito. 25 An sti veni de plu ergo-pe de iso-ra e dice: "Andro vi: vi ski; na pluto es ex u-ci profito. 26 "Vi vide e audi; Paulo pa stimula ab-tropi de poli-pe ne solo in civita Efeso sed in proxi panto landa Asia-Minor tem dice; panto teo; ge-face per manu, ne es plu teo. 27 "Ne solo u-ci gene mali re-dice sed u religio-do de importa teo Artemia gene muta a nuli-ra es risko a na. U grandi de fe; a qi panto landa Asia-Minor e panto homi du dona latri, fu gene destru." 28 Po audi e po gene ple per koleri, mu voci tem dice: "Importa Artemia de civita Efeso!" 29 Un holo civita gene ple per no-logi. Mu tako ki kon akorda ad-in teatra po rapi Gaio e Aristarko; bi Makedonia-pe e ko-viagia-pe de Paulo. 30 Paulo tende ki a panto civi. Plu sko-pe ne lice u-ci. 31 Plu certa arki-pe de Asia-Minor, tem es plu ami ad an e po bali ad an, stimula; an ne tenta ki ad-in u-la teatra. 32 Plu homi voci uno ra e plu homi voci hetero ra. U grega habe no-logi, ko-co u pleisto ne ski; qo-ka mu pa sti veni. 33 Mu duce ante ex poli-pe Alexandro, tem plu Juda-pe pulsa an. Po face u sema per manu, Alexandro volu dice explika a panto civi. 34 Po gene ski; an es u Juda-pe, mu du voci tem bi horo, ko-co mo soni gene acide ex panto-pe: "Importa Artemia de civita Efeso!" 35 Po sti kalma, u grafo-pe dice a poli-pe: "Panto Efeso-an: es qo andro; qi ne ski; u civita Efeso es plu kura-pe de religio-do de teo Artemia e de ra; qi pa kade ex Zeo? 36 "Ka-co, tem ne es dice anti panto-ci, vi nece habe kalma e nece akti nuli-ra ko tako. 37 "Akorda-co vi pa duce panto-ci andro; qi ni es religio-do klepto-pe ni dice mali anti vi teo. 38 "Veri, si Demetrio kon auto plu arti-pe habe u verba anti uno-pe, plu lega-korta du ergo, ko-co es plu lega-pe--lase; mu dice etio anti alelo. 39 "Si vi habe qestio de hetero ra, u-ci fu gene solve in lega grega. 40 "Ka-co na habe u risko; gene un etio de no-lega grega kausa u-ci di, ko-co es zero kausa; na fu pote dona de u-ci disputi." 41 Po dice panto-ci, an bali ab u grega.
1 Po u rabi poli-pe gene sto e po Paulo sti veni de plu sko-pe e po dice saluta, Paulo ki ab a landa Makedonia. 2 Po ki dia plu-la mero e po dice poli spe, an ki a landa Helena. 3 Po resta tem tri meno e po u skema gene face ex plu Juda-pe, kron mu es prepara te sti veli a landa Siria, u kausa; ki versi dia landa Makedonia, gene surge. 4 U Boroia-pe Sopater e u Tesalonika-pe Aristarko ko Sekundo e Derbaio-pe Gaio e Timoteo ko Asia-Minor-pe Tikiko e Trofimo ki kon an ad Asia-Minor. 5 Po ki ante, panto-la homi atende na in civita Troa. 6 Po plu zero-zima di, na sti veli ab civita Filipi e gene veni a mu po penta di in civita Troa; topo na resta tem seti di.
7 Kron u di mo po sabato-di e po plu sko-pe pa veni te dona pani, Paulo dona sko a mu; qi fu ki fu-di. An dura sko a noktu meso. 8 Es poli lampa in supra kamera; topo mu es kon alelo. 9 Tem sedi in fenestra, uno juve andro ko nima Eutiko gene infra forti somni, tem Paulo dona sko mega tem. Po gene infra somni, an kade ab pedi-lo tri e gene fero morta. 10 Po ki kata, Paulo kade epi an. Po moti braki peri an, an dice: "Ne este turba, ka an psiko es in an." 11 Po ki ana e po dona pani e po vora e po dona konversa a-kron aurora, an ki ab. 12 Mu fero vive u ju-an e gene no-pusi konsola.
13 Po ki ante mu ad-in navi, na sti veli a civita Aso ko prepara; te gene Paulo, ka an pre face u skema; an fu ki per pedi. 14 Po an gene unio ko mu in civita Aso e po gene an, na ki a civita Mitilene. 15 Po sti veli ab la, u seqe di na sti veni a loka trans inslua Kio. Kron seqe di na sti veni ad insula Samos. Po resta in urba Trogilio, u seqe di na ki a civita Mileto, 16 ka Paulo pa face u decide; te ki per veli ultra civita Efeso, so ne fu acide: an spende tem in Asia-Minor, ka an ki ko tako te posi es in civita Jerusalem tem Pentekosta di.
17 Po bali ab civita Mileto ad-in civita Efeso, an sti veni de plu ante-pe de eklesia. 18 Po mu ki ad an, an dice: "Vi habe u ski; po di mo; kron mi gene veni a landa Asia-Minor, u mode; mi pa es ko vi panto-tem, 19 "tem dona servi a na Cefa ko panto humili e ko poli lakrima e stimula a mali--panto-la gene acide a mi per plu skema de plu Juda-pe-- 20 "e u mode; mi tena nuli-ra; qi habe valu, te ne sti ski [de u-ci] a vi sed te dona sko a vi ko publika ab domi a domi, 21 "tem solemni dice a Juda-pe e ad Helena-pe u testi de na Cefa Jesu Kristo. 22 "Nu sti vide; mi; ge-liga ex Spiritu, ki a civita Jerusalem tem ne du ski plu ra; qi fu gene acide a mi, 23 "exklude Sankti-Spiritu monstra testi in panto civita tem dice; liga-ra e turba du atende mi. 24 "Kontra-co mi ne doxo importa u-ci e ne doxo importa a se auto bio. Per u-ci mode, mi fu face ge-fini mi ergo kon hedo e ge-fini mi servi; mi pa gene ex na Cefa Jesu: dona testi de plu boni nova de Teo filo. 25 "Sti vide; mi nu ski; panto vi; inter qi mi pa face ge-ski Teo regi-landa, fu vide mi facia zero-kron. 26 "Ka-co mi dice a vi tem u-ci di u testi; mi es puri ab panto-pe hema. 27 "Ka mi ne pa tena ab vi u nova de panto konsili ex Teo. 28 "Ka-co este kura a vi e ad holo grega; in qi Teo pa face duce vi te es plu pastora de Teo eklesia; An pa merka per Auto hema. 29 "Ka mi habe u ski; po mi ki ab, plu noku lupus fu akti veni a vi tem ne dona civili a grega. 30 "Ex vi auto, plu homi; qi dice de kako muta te sti trakto de plu sko-pe seqe se, fu gene surge. 31 "Ka-co sti skope tem habe u memo; tri anua tem noktu e di, mi ne pa sto dice monito ko lakrima a panto-pe. 32 "Asocia vi: mi nu dona liabili de vi a Teo e ad An filo verba; qi pote face forti e pote dona a vi u geneti inter panto sankti-pe. 33 "Mi pa volu kriso alo vesti de nuli-pe. 34 "Vi auto tena u ski; mi manu pa dona servi a mi nece e a nece de plu homi; qi es ko mi. 35 "Mi pa monstra panto-ra a vi, so vi nece dona auxi a panto debili-pe e so vi fu sti u memo de plu verba de na Cefa Jesu; Qi Auto pa dice: 'Dona es ma hedo de gene.'" 36 Po dice panto-ci e po sta epi genu ko panto mu, an dice preka. 37 Es poli lakrima ex panto-pe. Po peri-braki ko Paulo, mu dona oskula. 38 Mu este maxi tristi kausa ge-dice verba; mu ne fu vide an facia. Mu ki kon an a navi.
1 Po veli gene acide e po gene trakto ab mu e po rekti ki, na sti veni a civita Ko, tem seqe di a civita Rodo e ex la a civita Patara. 2 Po detekti u navi tem ki a landa Fenika e po ki in navi, na sti veli. 3 Po gene vide de insula Kipro e ki a laevo, na sti veli a landa Siria e ki epi civita Tiro, ka la u navi apo kargo. 4 Po detekti plu sko-pe, na du resta la tem seti di. Mu dice per Spiritu a Paulo; ne ki a civita Jerusalem. 5 Kron seti di gene fini e po ki ex, na face viagia, tem panto-pe ko gina e fili ki ko na ex civita. Po sta epi genu epi kosta, na dice preka. 6 Po dice vale ad alelo, na ki ad-in navi, ko-co mu ki versi auto eko-lo. 7 Po face ge-fini u viagia ab civita Tiro, na sti veni a civita Ptolema. Po dice saluta a plu asocia, na resta tem mo di ko mu. 8 Kron seqe di e po ki ex, Paulo ko plu homi peri an sti veni a civita Cesarea. Po ki ad-in domi de sti-ski-pe Filipo; qi es ex u-la seti, na resta kon an. 9 Tetra virgo fe-fili; qi du pre-dice, es de u-ci homi. 10 Tem na resta poli di, u certa profeta ko nima Agabo ki ab landa Juda. 11 Po veni a na e po apo Paulo soma-zo e po sti liga de auto manu e pedi, an dice: "Sankti-Spiritu dice u-ci: 'Plu Juda-pe fu face ge-liga in civita Jerusalem per u-ci mode un andro; de qi es u soma-zo, ko-co mu fu dona an ad-in manu de plu hetero demo.'" 12 Po audi panto-ci, na e plu eko-pe dice u petitio; an ne ki a civita Jerusalem. 13 Paulo reakti: "Tu face qo tem lakrima e tem frakti mi kardia? Mi habe prepara ne solo te gene liga sed te lose bio in civita Jerusalem kausa nima de na Cefa Jesu." 14 Po an ne gene na kredi, na es silento tem dice: "Na Cefa volu fu gene acide."
15 Po panto-ci di e po gene kargo, na ki a civita Jerusalem. 16 Plu sko-pe ex civita Cesarea ki ko na tem duce ko mu Mnason; u longi-tem sko-pe, ko qi na fu habe eko. 17 Po na sti veni a civita Jerusalem, plu asocia cepti na kon hedo. 18 Tem seqe di, Paulo ko na ki a Jakob, ko-co panto ante-pe sti veni. 19 Po dice saluta, an dice panto histori de ra; Teo pa akti per an servi in plu hetero natio. 20 Po audi, mu dona glori a Teo. Mu dice: "Asocia: tu vide; es poli Juda poli-pe; qi pa gene kredi, ko-co panto mu es plu zelo-pe de na lega. 21 "Mu pa gene ski de tu; tu dona a plu Juda-pe inter panto hetero demo u doci anti Moses tem dice; mu ne akti peri-seka de infanti e mu ne akti akorda more. 22 "Ka-co es qo? Supra panto-ra, u poli-pe fu sti veni, ka mu fu gene audi de tu veni. 23 "Ka-co sti akti de u-ci ra; na dice a tu: ko na es tetra andro; qi habe u jura. Po duce panto-ci, gene puri-ritu ko mu e dona paga pro mu, te mu akti razo de kefa. 24 "Ko-co panto-pe fu gene u ski; u ra; de qi mu pa gene info, es nuli-ra e kontra-co tu auto du akti akorda na lega. 25 "Na pa grafo de hetero-demo kredi-pe tem face judika; mu obe zero tali ra exklude tena se ab idoli sakrifice-ra e ab hema e ge-sto-aero [zoa] e ab matura kako." 26 Po-co e po duce panto-la andro tem seqe di e po gene puri-ritu ko mu, Paulo ki ad-in religio-do tem dice nova de fini de panto di de puri-ritu, a-kron u sakrifice gene dona pro panto mu. 27 Kron panto-la seti di es prepara pro fini e po vide an in religio-do, plu Juda-pe ab Asia-Minor stimula holo poli-pe. Mu moti manu epi an 28 tem voci: "Israel-fili vi: auxi! U-la es un homi; qi dice doci panto-lo anti panto na e anti na lega e anti u-ci loka. Plus an pa duce plu Helena-pe ad-in religio-do e face kako u-ci sankti loka." 29 Mu pre vide kon an in civita un Efeso-pe Trofimo; mu doxo; Paulo pa duce ad-in religio-do. 30 Holo civita pa gene stimula. Panto-pe ki ko dromo. Po rapi Paulo, mu trakto an ex religio-do. Plu porta imedia gene klude. 31 Tem mu tenta cide an, nova ki a kilo-kapitana de arme mero: holo civita Jerusalem habe rabi. 32 Po duce plu soldata ko mu hekto-kapitana para an, an imedia ki epi mu. Po vide u-la arki-cefa ko plu soldata, mu sto bate Paulo. 33 Po ki proxi, u-la arki-cefa rapi an e dice u komanda; an gene liga per bi katena. An dice qestio; an es qo-pe e an pa akti qo. 34 Uno-pe voci uno-ra e hetero-pe voci hetero-ra in poli-pe. Tem ne gene sura kausa rabi, an dice u komanda; an gene duce ad-in forti-do. 35 Po ki epi skala; an gene fero ex plu soldata kausa poli-pe viole. 36 Ka u-la poli-pe ki seqe tem voci: "Apo an!"
37 Tem es prepara te gene duce ad-in forti-do, Paulo dice ad arki-cefa: "Qe es lice; mi dice a tu uno-ra?" An dice: "Qe tu habe ski de Helena lingua? 38 "Ka-co tu ne es u-la Egipto-pe; qi pa sti turba pre panto-ci di e duce tetra-kilo cide-an ad-in sika-lo." 39 Paulo dice: "Veri, mi es u Juda-an de civita Tarso de landa Cilicia--u civi de fo importa civita. Mi dice a tu u petitio; sti lice; mi dice a panto-pe." 40 Po an dona lice, Paulo sta epi skala e face manu sema a panto-pe. Po forti silento gene acide, an dice a mu per Hebre lingua tem dice:
1 "Fratri e patri vi: sti audi mi alexi verba a vi." 2 Po audi; an dice ante mu per Hebreo lingua, mu tena ma silento. An dice: 3 "Veri, mi es u Juda-an; ge-nati in civita Tarso de landa Cilicia sed ge-eduka in u-ci civita infra Gamaliel po gene doci akorda exakti de na patri lega tem es u zelo-pe de Teo, iso panto vi es nu-di. 4 "Mi pa akti noku anti u-ci mode, tem liga e dona a plu karcera plu andro e gina, 5 "homo u cefa arki-hiera ko panto ante-pe habe testi de mi. Mi pa gene plu grama ex mu a plu asocia, ko-co mi pa ki a civita Damasko te duce ge-liga mu la a civita Jerusalem, te mu fu gene puni. 6 "Pa gene acide a mi tem viagia e tem ki proxi civita Damasko: kron meso-di ko subito, u forti foto gene dona ex urani peri mi. 7 "Mi kade a tera e audi u soni; qi dice e mi: 'Saul, Saul: tu akti noku anti Mi qo-te?' 8 "Mi reakti: 'Sinior: tu es qo-pe?' An dice a mi: 'Mi es u Nazaret-pe Jesu; anti Qi tu akti noku.' 9 "Panto homi ko mi veri vide u-la foto e este fobo sed ne audi u soni de dice-Pe a mi. 10 "Mi dice: 'Mi akti qo, mi Cefa?' Na Cefa dice a mi: 'Po sti sta, sti ki a civita Damasko, ko-co la tu fu gene dice de panto-ra; qi gene skema, te tu akti mu.' 11 "Po ne pote vide kausa glori de u-la foto e tem gene duce per manu de panto-pe ko mi, mi ki a civita Damasko. 12 "U certa andro Anania; fo religio akorda na lega e habe testi ex panto eko Juda-pe, 13 "tem veni a mi e tem sta, dice a mi: 'Fratri Saul: sti skope ana!' Kron iso horo, mi skope ad an. 14 "An dice: 'Na patri Teo pa elekti tu te gene ski de An volu e te vide u justi-Pe e te audi u soni ex An stoma, 15 "'so tu fu es u testi-pe a panto homi de ra; tu pa vide e pa audi. 16 "'Qo-te tu gene po-kron? Po sti sta, sti gene u bapti-ritu e apo tu peka per lava tem voci a nima de na Cefa!' 17 "Gene acide a mi: po ki versi civita Jerusalem e tem dice preka in religio-do, mi gene in trance. 18 "Mi vide An tem dice a mi: 'Sti tako e sti ki ko tako ex civita Jerusalem, ka mu ne fu cepti tu testi de Mi.' 19 "Mi dice: 'Mi Cefa: mu habe u ski; mi pa duce ad-in karcera e pa bate in panto religio-do plu kredi-pe de Tu. 20 "'Kron un hema de Tu testi-pe Stefan pa gene fusi, mi sta e dona akorda a cide e tena plu vesti de plu cide-pe.' 21 "An dice a mi: 'Sti ki, so Mi bali tu a plu tele hetero demo.'"
22 Mu audi an a-kron u-ci verba. Mu sti voci tem dice: "Apo u-ci homi ab geo, ka ne es gru: an habe bio." 23 Tem mu voci e apo plu vesti e jeti pulve ad-in aero, 24 u-la kilo-kapitana dice u komanda; an gene duce ad-in forti-do tem demanda; an gene qestio per flagela, so an fu gene u kausa; mu voci anti an so. 25 Tem mu sti liga an per derma-fi, Paulo dice a sta-proxi hekto-kapitana: "Qe es lega; vi bate u Roma e ne-ge-judika homi per flagela?" 26 Po audi e po ki ab, u-la hekto-kapitana dona info a kilo-kapitana tem dice: "Vide u ra, tu prepara akti, ka u-ci homi es u Roma-pe." 27 Po ki ante, u-la kilo-kapitana dice ad an: "Sti a mi dice; qe tu es u Roma-pe." An dice: "Ja." 28 U-la kilo-kapitana reakti: "Mi pa merka u-ci civi-stato per mega preci." Paulo dice: "Mi es ge-nati." 29 Mu; prepara akti qestio, imedia ki ab an. U kilo-kapitana este fobo po gene u sura; an es u Roma-pe, e ka an pa face ge-liga an. 30 Kron u seqe di e tem volu ski u sura; qo-ka an gene etio ex plu Juda-pe, an sti laxa an ex plu liga. An dice u komanda; plu arki-hiera e un holo koncili sti veni. Po duce an, an duce Paulo a mu.
1 Tem vide ko kura u koncili, Paulo dice: "Asocia vi: mi pa akti kon holo boni auto-kritici a Teo a u-ci di." 2 U cefa arki-hiera Anania dona a para-pe u komanda; bate an stoma. 3 Po-co Paulo dice ad an: "Teo fu bate tu, ge-puri extra-lo! Tu sedi te akti judika akorda lega, ko-co, kontra lega, tu dona u komanda; mi gene bate." 4 Plu para-pe dice: "Qe tu mali-dice Teo arki-hiera?" 5 Paulo dice: "Mi ne habe u ski; an es un arki-hiera. Ka es ge-grafo: '+Tu ne fu dice kako u natio arki-pe.+'" [Ki-ex 22:28] 6 Po ski; uno mero es Sadukai e hetero Farisai, Paulo voci in koncili: "Asocia vi: mi es u Farisai e fili de Farisai. Mi gene judika de spe; ana-sta de morta-pe." 7 Po dice u-ci, es disputa de Farisai e Sadukai, ko-co u poli-pe gene divide. 8 Ka, veri, plu Sadukai dice; ne es ana-sta plus ni angeli ni spiritu. Plu Farisai konfesi bi-ci. 9 Es u mega voci. Po sti sta, plu religio-tekno-pe de Farisai mero face disputa, tem dice: "Na detekti zero kako in u-ci homi. Si u spiritu alo un angeli pa dice ad an, na ne fu face disputa anti Teo." 10 Tem u mega disputa gene acide e tem u kilo-kapitana este fobo; Paulo gene skizo kausa mu, an dice u komanda; po ki kata, duce an per dina ex meso e duce an ad-in forti-lo. 11 Tem sta para an tem seqe noktu, na Cefa dice: "Habe koragi, Paulo. Per u-la mode tu pa dice testi de Mi in civita Jerusalem, so tu fu nece dice testi in civita Roma."
12 Kron di e po face u grega, plu Juda-pe moti se infra jura tem dice; mu ne fu bibe alo vora a-kron cide Paulo. 13 Es ma de tetra-ze; qi pa face u-la kripto grega. 14 Po ki a plu arki-hiera e a plu krati-pe, mu dice: "Na pa face se infra jura; na fu vora nuli-ra a-kron cide Paulo. 15 "Ka-co vi kon koncili nu sti veni a kilo-kapitana, te an fu duce an a vi fu-di, homo vi fu sio es prepara te dice ma boni qestio de an. Pre an fu ki proxi, na habe prepara te cide an." 16 Po audi e po veni e ki ad-in forti-do, Paulo sorori an-fili dice u nova de atende grega a Paulo. 17 Po sti veni mo ex plu hekto-kapitana, Paulo dice: "Sti duce u-ci juve andro a kilo-kapitana, ka an habe nova." 18 Veri, po duce a kilo-kapitana, an dice: "Po sti veni mi, u karcera-pe Paulo pa dice u petitio; sti duce a tu u-ci juve andro; qi habe u dice a tu." 19 Po tena an manu e po ki ad idio loka, u kilo-kapitana dice u qestio: "U nova; tu habe, es qo?" 20 An dice; plu Juda-pe pa face un akorda; dice a tu u petitio; qe tu fu duce Paulo a koncili homo sio es prepara de ma boni qestio de an. 21 "Ka-co ne gene kredi ex mu, ka un atende grega ex mu; qi pa dice u jura; ni vora ni bibe a-kron cide an, es ma de tetra-ze." 22 Ka-co u kilo-kapitana lase; u juve-andro ki ab po dice u komanda: "Dice a nuli-pe panto-ci; tu pa monstra a mi." 23 Po sti veni bi certa hekto-kapitana, an dice: "Sti prepara bi-hekto soldata te ki a civita Cesarea plus seti-ze Equs-soldata ko bi-hekto lance-soldata kron horo tri de noktu. 24 "Dona plu zoa, te, po moti epi mu, mu fu fero Paulo a landa-cefa Felix. 25 An grafo u grama per u-ci mode: 26 "Klaudio Lisia a maxi krati landa-cefa Felix: Saluta. 27 "Po an gene rapi ex plu Juda-pe e gene prepara te akti cide ex mu, mi, po ki ko plu soldata e po gene ski; an es u Roma-pe, pa salva u-ci andro. 28 "Tem volu ski un etio; kausa qi mi dona judika ad an, mi duce an a mu koncili. 29 "Mi detekti; an gene etio kausa plu qestio de mu lega, anti-co u judika habe zero merito de morta alo de liga. 30 "Po gene dice de skema anti an; de qi plu Juda-pe sti prepara, mi bali un andro a tu, po dice u komanda; plu dona-etio-pe dice u-la anti an ante tu. Vale." 31 Ka-co, akorda plu komanda e po kapti an, plu soldata duce Paulo a civita Antipatris tem noktu. 32 Po lase; plu Equs-soldata ki kon an, mu ki versi forti-do. 33 Po ki a civita Cesarea e po dona u grama ad an, mu dona an a landa-cefa. 34 Po lekto e po dice u qestio; an es ex qo landa, e po gene u ski; an es ex landa Cilicia, 35 u landa-cefa dice: "Mi fu audi tu po plu dona-etio-pe anti tu veni." 36 An dona u komanda; an gene tena in Herode tribuna.
1 Po penta di, un arki-hiera Anania ko plu krati-pe e u certa dice-pe Tertulo; qi dona info anti Paulo a landa-cefa. 2 Po gene veni, Tertulo proto dona etio tem dice: 3 "Tem gene mega paci per tu e tem plu grandi-ra gene face ad u-ci landa kausa tu pre-puta, na cepti u-ci ko panto gratia, maxi krati Felix. 4 "So mi ne fu du es u non-auxi a tu, mi dice u petitio; tu fu sti audi na per tu arki. 5 "Ka na detekti pesti u-ci andro, tem an sti anti-krati inter panto Juda-pe in holo kosmo e es u duce-pe de kripto religio de Nazaret-pe. 6 "An; na pa rapi, pa tenta falsi-dice u religio-do. Na pa volu akti judika akorda na lega. 7 "Po ki proxi, u kilo-kapitana Lisia pa duce an per mega dina ab na 8 "po dice u komanda; plu dona-etio-pe sti veni a tu. Po akti examina de panto-ci, tu auto fu habe u pote; gene ski de ra; de qi na dona etio ad an." 9 Plu Juda-pe dice ja tem voci; panto-ci es so. 10 Po face u sema de dice a landa-cefa, Paulo reakti: "Tem habe u ski; tu pa es u judika-pe de u-ci landa tem poli anua, mi dice alexi de mi ko tali ma hedo. 11 "Tu pote gene u ski; es a mi ne ma de mo-bi di po ki a civita Jerusalem te akti latri. 12 "Mu pa detekti mi ni in cefa religio-do tem dona logika ad uno-pe alo ni in turba tem face u poli-pe ni in plu hetero religio-do alo ni in civita. 13 "Mu ne pote verifi u ra; de qi mu nu dona etio a mi. 14 "Mi dice a tu u konfesi; per u mode; a qi mu dona u nima 'kripto religio', so mi dona servi a Teo de na plu patri tem habe kredi de panto-ra; qi pa gene grafo akorda na lega ex plu profeta 15 "e tem habe in Teo u spe; de qi mu auto habe kredi: fu es un ana-sta de panto morta-pe--de plu justi e de plu no-justi. 16 "Mi auto akti ergo per u-ci te dura habe auto-kritici minus mali anti Teo e anti panto homo. 17 "Po poli anua, mi pa veni tem fero plu doro e plu sakrifice pro pove-pe de mi demo. 18 "Tem u-ci mu pa detekti ge-puri mi in cefa religio-do ni ko poli-pe e ni ko turba. Plu certa Juda-pe ab landa Asia-Minor 19 "fu debi monstra se ante tu e dona etio, si mu posi habe ali-ra anti mi. 20 "Alo lase; mu auto dice, si mu pa detekti ali no-justi in mi, tem mi sta inter koncili-- 21 "excepti u-ci mo dice; mi voci tem sta inter mu: 'Mi gene judika ex tu de ana-sta de panto morta-pe nu-di.'" 22 Po audi, Felix moti panto-ci a latu tem habe ma exakti ski de u-la mode e tem dice: "Po u kilo-kapitana Lisia veni, mi fu akti examina de plu ra akorda tu." 23 Po dice ad hekto-kapitana u komanda; tena Paulo, an lase u libe; veto; nuli-pe ex an idio-pe dona servi alo veni ad an. 24 Po plu certa di e po veni kon an gina Drusila; qi es u Juda-fe, Felix sti veni Paulo e audi an de fide a Kristo. 25 Tem an dice logika de justi e de auto-krati e de fu-tem judika, Felix, tem este fobo, reakti: "Ki nu-tem. Po detekti un okasio, mu fu sti veni tu." 26 Plus an habe u spe; valuta fu gene dona ad an ex Paulo, so an fu sio lase laxa an. Ka-co, tem sti veni an ma freqe, an dice konversa kon an. 27 Po bi anua gene fini, Felix cepti u seqe arki-pe Porcio Festo. Tem volu gene favo a plu Juda-pe, Felix linqi ge-liga Paulo.
1 Ka-co, po ki a landa mero, Festo pa ki a civita Jerusalem ab civita Cesarea po tri di. 2 Un arki-hiera e u proto-pe de panto Juda-pe dice info anti Paulo ante an e tenta 3 dice anti an u petitio; an bali an a civita Jerusalem, tem u grega du atende te cide an longi via. 4 Ka-co Festo reakti; Paulo fu gene tena in civita Cesarea. An auto es prepara te sti ki. 5 "Ka-co,"--an dice--"po ki ko, si ali-ra es in u-ci andro, plu-la arki-pe inter vi fu dice etio anti an." 6 Po resta inter mu ma de deka di e po ki a civita Cesarea e tem sedi epi judika sedi-mo seqe di, an dice u komanda; Paulo gene duce. 7 Po veni e po plu Juda-pe; qi pa ki ab civita Jerusalem tem dice anti an poli gravi etio; mu ne pote demonstra, 8 Paulo dice alexi: "Mi pa akti peka ni anti Juda lega ni anti religio-do ni anti Cesari." 9 Tem volu gene favo pro se ko plu Juda-pe, Festo dice tem reakti a Paulo: "Po ki a civita Jerusalem, qe tu fu volu gene kritici de panto-ci ante mi la?" 10 Paulo dice: "Mi du sta ante judika sedi-mo de Cesari; topo mi debi gene judika. Mi pa akti zero no-justi a plu Juda-pe. Tu du fo ski u-ci. 11 "Ka, si mi veri pa akti no-justi e morta-merito, mi ne fu nega morta. Si es zero ra; de qi mu dice etio anti mi, nuli-pe fu pote duce mi a mu. Mi akti petitio a Cesari." 12 Po dice ko koncili, Festo reakti: "Tu pa akti petitio a Cesari--tu fu ki a Cesari."
13 Po spende plu certa di, regi Agripa ko Bernice ki a civita Cesarea tem dice saluta a Festo. 14 Po mu du resta la tem poli di, Festo dona info de Paulo ad u regi tem dice: "U certa karcera-an pa gene linqi ex Felix. 15 "Tem es in civita Jerusalem, plu arki-hiera e krati-pe de plu Juda-pe dice info de an tem dice u petitio de judika anti an. 16 "Mi pa reakti a mu; plu Roma-pe ne more cede ali homi a destru, pre u gene-judika-pe fu dice a facia de dona-etio-pe e gene okasio de alexi anti etio. 17 "Ka-co, po mu kolekti se ci e ne lento ki, tem u seqe di e po sedi epi judika-lo, mi pa dice u komanda; un andro gene duce. 18 "Plu dona-etio-pe dice anti an zero etio; de qi mi pa puta. 19 "Mu habe anti an plu certa qestio de auto barbaro religio e de u certa Jesu; morta sed Paulo forti dice vive. 20 "Tem este dubi de qestio mode de u-ci, mi dice; qe an volu ki a civita Jerusalem te gene kritici de panto-ci la. 21 "Po Paulo face petitio te tena se ad Augusto ski, mi dice u komanda; du tena an, a-kron mi fu bali an a Cesari." 22 Agrippa dice a Festo: "Mi auto volu audi un homi." An dice: "Fu-di tu fu audi an." 23 Ka-co, kron mana, Agripa ko Bernice veni ko mega grandi e ki a tribuna-ka tem plu kilo-kapitana e importa andro de civita es la. Po Festo dice komanda, Paulo gene duce. 24 Festo dice: "Regi Agripa e panto-pe; qi es ci kon andro na: vi vide u-ci homi; de qi un holo Juda poli-pe pa akti ko mi in civita Jerusalem e ci tem voci; an debi ne dura vive. 25 "Po detekti; an pa akti nuli-ra; qi habe u morta merito, e po an pa akti u petitio ad Augusto, mi pa decide bali an. 26 "Mi ne pa grafo ali sura ra a mi cefa. Ka-co mi duce an a vi e supra panto-ra a tu regi Agripa, so, po examina gene acide, mi fu habe u grafo. 27 "Ka feno ne-logika a mi: bali u karcera-pe, ko-co ne sti ski de etio anti an."
1 Agripa dice a Paulo: "Gene lice; tu dice pro se." Po-co, tem tensio manu, Paulo dice alexi: 2 "De panto-ra; de qi mi gene etio ex plu Jude-pe, regi Agripa, mi este valu, ka mi fu dice alexi ante tu nu-di. 3 "Supra panto-ra, tem tu habe ski de panto more e qestio inter plu Juda-pe, mi dice u petitio; tu audi mi ko tolera. 4 "Ka panto Juda-pe habe ski de mi bio ex juve; qi proto es in mi landa in civita Jerusalem. 5 "Ex proto, mu habe u ski; si mu pa sio dona testi, mi pa habe u bio akorda maxi severi mero de na religio: Farisai. 6 "Mi nu sta ge-kritici kausa spe de promise; ge-face ex Teo a na patri. 7 "De u-ci spe veni, na mo-bi tribu du servi ko tende tem noktu e di. De u-ci spe, mi gene etio ex plu Juda-pe, regi Agripa. 8 "Tu doxo ne-kredi de u-ci per qo mode, si Teo sti; plu morta-pe gene leva? 9 "Ka mi auto pa doxo; mi pa debi akti kontra-praxi ad u nima de Nazaret-pe Jesu. 10 "Mi akti mu in civita Jerusalem. Mi klude poli sakri-pe in karcera, po gene arki ex plu arki-hiera. Mi dona vota anti mu; qi gene cide. 11 "Tem freqe akti puni anti mu in panto Juda religio-do, mi sti per dina; mu dice falsi. Tem fo este fo-koleri anti mu, mi akti opresi anti mu klu a plu xeno civita. 12 "Tem-co e tem face viagia a civita Damasko ko krati e ko bali ex plu arki-hiera, 13 "kron meso-di, mi vide epi via, Regi, u foto; ma foto de heli e qi dona foto a mi ko plu viagia-pe. 14 "Po panto na pa kade a tera, mi audi u voka; qi dice a mi--klu dice per Hebreo lingua: 'Saul, Saul: tu akti opresi anti Mi qo-ka? Es no-facili: tu bate per pedi anti plu punge.' 15 "Mi dice: 'Tu es qo-pe, Cefa?' An dice: 'Mi es Jesu; anti qi tu akti opresi. 16 "'Anti-co sti sta. Sti sta epi poda. Ka Mi pa monstra Se a tu kausa u-ci: te elekti tu u servi-pe e u testi-pe de plu ra; tu pa vide e qi fu gene monstra a tu, 17 "'tem apo tu ex panto-pe--klu ex plu hetero demo; a qi Mi nu bali tu-- 18 "'te sti; mu oku gene aperi, te mu fu tropi se ab skoto a foto e ab Satan krati a Teo, te mu fu gene apo de peka e gene geneti-stato inter plu homi; qi pa gene sakri per fide a Mi.' 19 "Po-co, regi Agripa, mi ne tena no-obe ad u-la urani vista. 20 "Anti-co mi voci proto a plu Damasko-pe e a plu Jerusalem-pe e ad holo landa Juda e a plu hetero demo: dice penite e tropi se a Teo tem akti penite-merito ergo. 21 "Kausa panto-ci, plu Juda-pe, po rapi mi in religio-do, tenta cide mi. 22 "Ka-co, po gene auxi ex Teo, mi du sta ad u-ci di tem dice testi a pusi-pe e a mega-pe e tem dice zero hetero ra; sed Moses e plu profeta pa dice e qi fu gene acide: 23 "Kristo fu habe algo e, tem es proto-Pe ex ana-sta de morta-pe, fu voci foto a panto-pe--klu plu hetero demo."
24 Po dice panto-ci alexi, Festo dice per fo-soni voka: "Rabi, Paulo! Tu mega eduka tropi tu a rabi." 25 An dice: "Mi ne habe rabi, maxi krati Festo. Anti-co mi soni plu veri e no-kripto dice. 26 "Ka u regi habe ski de panto-ci, tem mi dice ko no-fobo a tu. Ka mi este u kredi; panto-ci ne es ge-kripto ab tu. Ka panto-ci ne pa gene akti in kripto-lo. 27 "Regi Agripa: qe tu habe fide a plu profeta? Mi du ski; tu habe fide." 28 "Agripa dice a Paulo: "Pusi-tem tu du sti; mi fu es u Kristo-pe." 29 Paulo dice: "Mi volu a Teo; per pusi alo per mega, ne solo tu sed panto-pe; qi audi mi nu-di, fu es homo mi minus panto-ci liga."
30 Po an dice panto-ci, u regi e u landa-arki-pe ko Bernice ko plu sedi-pe sti sta. 31 Po ki a latu, mu dice ad alelo tem dice: "U-ci homi pa akti nuli-ra ko merito de morta alo de liga." 32 "Agripa dice a Festo: "U-la homi posi gene libe, si an ne sio pa akti petitio a Cesari."
1 Kron gene decide: na fu ki per navi a landa Italia, mu dona Paulo e plu certa hetero karcera-pe ad hekto-kapitana; ge-nima Julio, de Augusto arme grega. 2 Po ki epi un Adramitiu navi; qi fu ki longi plu Asia-Minor loka, na sti veli, tem Aristarko; u Makedonia-pe ex civita Tesalonika, es ko na. 3 Tem seqe di, na sto veli in civita Sidon. Ko civili e po dona favo a Paulo, Julio lice; an ki a plu ami te gene kura. 4 Po sti veli ab la, na ki proxi insula Kipro, ka plu venti es kontra. 5 Po ki trans mari longi plu landa Cilicia e Pamfilia, na ki a civita Mira de landa Licia. 6 Po detekti un Alexandria navi; qi ki a landa Italia, un hekto-kapitana sti; na ki ad-in id. 7 Tem poli di e tem lento ki e tem u venti proxi ne lase; ki proxi civita Knido, na ki proxi insula Kreta ab peninsula Salmone. 8 Tem proxi ne ki longi id, na ki ad u certa loka; ge-nima Kali Asilu; proxi qi es u civita Lasaia. 9 Po mega tem gene spende e tem u viagia pre es risko e ka u sto-vora pre habe fini, Paulo dona monito a mu 10 tem dice: "Panto andro: mi este; u viagia fu gene poli defekti e lose ne solo de kargo e de navi sed de na bio." 11 Un hekto-kapitana gene kredi ma ex u duce-pe e un habe-pe dice de ex Paulo. 12 Tem u-la asilu es ne-gru te spende frigi-tem, u maxi qantita dice u konsili; sti veli ab la, so, po veni ad urba Fenika; un Kreta asilu; qi es a sud-uest e a nord-uest, mu posi spende frigi-tem la. 13 Tem u sud venti du fla e tem doxo; mu pa gene u tende, e po leva [ankira], mu lento ki longi insula Kreta. 14 Po brevi tem, u tempestu venti; ge-nima Euroklidu, ki kontra. 15 Po u navi gene rapi e tem na ne pote duce un ante-mero a venti tem cede, na gene duce. 16 Tem ki proxi certa insula; ge-nima Klauda, na proxi ne pote es duce-pe de navi. 17 Po prende plu korda, mu uti mu homo plu zona infra navi. Tem este u fobo; mu fu kade ad-in arena-lo Sirti e po lase kata u veli, mu gene duce. 18 Tem viole seiso tem seqe di, na pa akti jeti ex navi. 19 Tem di tri, na auto pa jeti ex navi plu nece-ra. 20 Po ni heli ni astro gene vista tem poli di e tem no-mikro tempestu es epi na, na spe de gene salva gene apo. 21 Po es longi sto-vora, Paulo, po sti sta in mu meso, dice: "Veri, andro vi, vi pa sio debi dona a mi obe; ne sti ki ab insula Kreta e gene u-ci mali-acide e lose. 22 "Mi nu dona a vi u spe; este hedo. Ka fu es zero lose de psiko ex vi sed solo de navi. 23 "Ka un angeli de Teo; de Qi es mi e a Qi mi dona servi, sta para mi nu-nokti 24 "tem dice: 'Ne este fobo, Paulo: tu nece sta para Cesari. Sti vide; Teo pa dona a tu panto tu viagia-pe.' 25 "Ka-co este hedo, andro vi. Ka mi habe kredi a Teo; so fu es akorda dice a mi. 26 "Na fu nece kade a certa insula." 27 Po u noktu mo-tetra veni po na gene duce in mari Adria e proxi meso-noktu, plu navi-pe doxo; mu ki proxi landa. 28 Po akti proba, mu detekti tetra-ze metra de bato. Po ki ma tele e itera akti proba, mu detekti tri-ze metra. 29 Tem este fobo de kaso; mu fu kade a petro loka, e po bali tetra ankira ex poste, mu volu; di sio gene proto. 30 Plu navi-pe tenta fugi ex navi e pa lase u pusi navi a mari ko postula; mu fu sio jeti plu ankira. 31 Paulo dice a hekto-kapitana ko plu soldata: "Si plu-la ne resta in navi, vi ne pote gene salva." 32 Po-co plu soldata seka plu korda de pusi navi e lase; id kade. 33 A-kron di fu gene proto, Paulo tenta sti; panto-pe vora sito, tem dice: "Nu-di es u di mo-tetra; tem qi vi skope e dura minus sito tem vora nuli-ra. 34 "Ka-co mi tenta sti; vi vora sito. Ka u-ci es pro sani. Ka zero kapila fu kade ex vi kefa." 35 Po dice panto-ci e po prende pani, an dice gratia a Teo ante panto-pe e, po frakti id, proto vora. 36 Po gene hedo, panto-pe auto vora sito. 37 Panto psiko na in navi es bi-seti-sixa. 38 Po gene sati per sito, mu face ma levia u navi tem jeti cereali Tritikum a mari. 39 Kron di gene proto, mu ne rekogni u landa. Mu gene vista de u certa baia ko litora; a qi mu tende--si mu fu pote--duce u navi. 40 Po seka, mu lase plu ankira a mari. Po face laxa plu tropi-ra banda e po leva u veli a venti, mu sti ki a litora. 41 Po kade a loka; topo bi mari gene enkontra, mu sti; u navi ki epi tera. Po gene fixa, un ante resta no-kine. U poste gene frakti per unda viole. 42 Plu soldata konsili es mu fu cide plu karcera-pe kaso uno-pe, po nekto ab, fu gene libe. 43 Tem volu dona salva a Paulo, un hekto-kapitana dona non-auxi a mu tende e dice u komanda; nekto-pote-pe, po jeti se ab navi proto-kron, fu ki epi tera, 44 e po-co plu resta-pe; veri, uno-pe epi taba e uno-pe epi certa peci de navi. So gene acide: panto-pe gene fugi epi tera.
1 Po gene salva, kron mu ski; un insula habe u nima Melita. 2 Plu barbaro-pe monstra non-ordinari civili a na. Ka, po face piro, mu cepti panto na kausa u-la pluvi e kausa frigi. 3 Po Paulo kolekti poli baci e po moti epi piro, u toxi serpenti, po ki ex termo, fixa se epi manu. 4 Po vide u zoa; pende ex manu, mu dice ad alelo: "Sura, u-ci homi es u cide-pe. Po gene salva ex mari, justi ne lice; an es vive." 5 Veri ka-co, po seiso u zoa ad-in piro, an este nuli kako. 6 Mu expekta; an fu gene brio alo fu kade subito morta. Longi-tem expekta e vide; zero no-norma gene acide ad an, tem muta doxo, mu dice; an es u teo. 7 Nu-kron, es plu landa; qi es de u cefa de insula ko nima Poplio; qi, po cepti na kon ami, dona eko. 8 Acide: u patri de Poplio, tem gene opresi per febri e disenteri, du kumbe. Po ki ad an e po preka e po moti manu epi an, Paulo sti repara an. 9 Ka-co, po u-ci pa gene acide, plu hetero-pe; qi habe pato in insula, veni e gene repara. 10 Mu dona poli honora a na. Po fixa ana veli, mu dona kargo epi navi pro na nece.
11 Po tri meno, na ki in navi de Alexandria ko sema de [gemini-teo] Dioskuri; qi pa spende frigi-tem topo insula. 12 Po gene veni a civita Sirakusa, na es la tem tri di. 13 Po ki peri, na veni a civita Regiu. Po mu di e po gene u sud venti tem di bi, na veni a civita Puteoli. 14 Po dektekti la plu asocia, na gene u petitio; es la tem seti di. So na veni a civita Roma. 15 Ab la plu asocia, po audi uno-ra de na, veni ad unio ko na a marketa Apio e a civita Tri-Taberno. Tem vide mu e po dona gratia a Teo, Paulo gene koragi. 16 Kron veni a civita Roma, un hekto-kapitana dona plu karcera-pe ad arme kapitana. Paulo gene lase es solo ko mo arme-pe; qi tena an.
17 Acide po tri di: Paulo sti veni plu Juda proto-pe. Po veni simul, an dice a mu: "An-asocia vi: po akti nuli-ra anti panto-pe alo anti na patri more, mi; u karcera-pe ex civita Jerusalem, pa gene dona a manu de plu Roma-pe. 18 "Po dona examina a mi, mu volu lase ab, ka es ne mo kausa de morta in mi. 19 "Tem plu Juda-pe dice anti u-ci, mi debi akti petitio a Cesari tem habe nuli etio anti mi demo. 20 "Ka-co, pro u-ci kausa, mi sti veni vi te vide e dice a vi. Ka, kausa spe pro [demo] Israel, mi habe u-ci katena peri mi." 21 Mu dice ad an: "Na ni pa gene plu grama de tu ab landa Juda, ni, po veni, uno asocia po dona nova alo dice de uno kako de tu. 22 "Na volu audi ex tu u ra; tu puta. Ka, veri, na habe u ski de u-ci xeno kredi; id gene dice anti se panto-lo." 23 Po taxo u di, poli homi ki ad an in domi. An sti explika a mu tem dona testi de Teo regi-landa e tem tenta sti kredi in mu de Jesu ex Moses lega e ex plu profeta tem mana a vespera. 24 Veri, plu homi gene u kredi de plu dice, sed plu hetero-pe ne gene fide. 25 Tem dice disputa ad alelo, mu ki ab, po Paulo dice mo ra: "Sankti-Spiritu dice per profeta Isaia a na plu patri u kali 26 "tem dice: '+Sti ki ad u-ci homi e sti dice: "Per audi, tu audi sed gene logi per nuli mode. Per vide, tu vide sed gene logi per nuli mode. 27 "'"+Ka u kardia de panto-pe pa gene mega kausa lipo. Per ne-interese oti, mu audi. Mu pa klude oku. Si mu ne vide per oku e ne audi per oti e ne gene logi per kardia, mu ne gene muta, ko-co Mi ne sti repara mu.+"' [Isaia 6:9,10] 28 "Ka-co gene a vi u ski; Teo salva gene bali a plu hetero natio, ko-co mu audi." 29 Po audi panto-ci, plu Juda-pe ki ab tem dice tem habe poli disputa inter se. 30 Paulo du eko tem bi holo anua in idio tem-paga domi. An cepti panto-pe; qi veni ad an 31 tem voci sko de Teo regi-landa e tem dona doci de na Cefa Jesu Kristo per holo no-sto libe.
(U seqe textu habe un holo bibli. Id pa gene translati ex Gary Miller, USA, 2001.)
1 Paulo, ge-mite-pe -- ni ex plu homi ni per un homi sed per Jesu Kristo e per Patri-Teo; Qi pa leva An ex morti-pe -- 2 e pan socia ko mi a pan Galata eklesia. 3 Amo e paci ex Patri-Teo e Jesu Kristo; 4 Qi dona Se kausa na mali akti, so An salva na ex nu-tem kako, akorda volu de na Teo e Patri; 5 a Qi es glori a pan tem. Id debi es so!
6 Mi este mira de; per talo tako vi gene ge-muta ab An; Qi voci mi per Kristo amo, ad hetero boni info; 7 qi ne es hetero sed es uno-pe; qi sti turba in vi e volu muta Kristo boni info. 8 Anti-co klu si na alo angeli ex urani voci a vi boni info anti; vi pa cepti qi ex na, an debi es ge-kondemna. 9 Homo mi dice e nu itera dice: si uno-pe voci a vi boni info anti; vi pa cepti qi ex na, an debi es ge-kondemna, 10 ka qe mi nu sti kredi in homi alo in Teo alo tenta sti hedo in homi? ka si mi sio sti hedo in homi, mi ne es Kristo dulo.
11 A vi, socia, mi sti ski de u-ci boni info; ge-voci per mi, qi es ne akorda homi, 12 ka ni ex homi mi pa cepti id, ni pa es ge-doci de id, sed per Jesu Kristo monstra. 13 Vi pre-nu audi de mi etos in Judah religio: per excesi, mi noku Teo eklesia e destru id 14 e gene ma-boni in Judah religio ultra poli iso-tem-pe in mi natio, tem mi es fo ma zelo de mi parenti traditio. 15 Kron Teo; Qi pa elekti mi ex-intra mi matri e pa voci mi per Se amo, es ge-hedo 16 te monstra Se Fili per mi, so mi sti ski de An inter no-judah-pe, mi ni imedia cerka konsili ko homi 17 ni ki ana a Jerusalem civita a ge-mite-pe pre mi, anti-co mi ki ab ad Arabia landa e itera ki versi a Damasko civita. 18 Po-co, po tri anua, mi ki ana a Jerusalem civita te ski Petro. Mi resta kon an mo-penta di. 19 Mi ne vide hetero ge-mite-pe sed Jakob, u fratri de na Cefa. 20 Mi grafo u-ci ra a vi. Vide, ante Teo, mi ne falsi dice! 21 Po-co mi ki in Siria e Cilicia area. 22 Mi es ne ge-ski per facia a Judah eklesia de Kristo. 23 Mu solo audi; an; qi pa noku na, nu voci u-ci boni info, u fide; an pa akti destru de qi. 24 Mu dona glori a Teo kausa mi.
1 Po-co, po mo-tetra anua, mi itera ki ana a Jerusalem civita ko Barnaba, tem mi duce plus Tito ko mi. 2 Mi ki ana akorda idio monstra e moti ante mu u-ci boni info; mi voci inter no-judah-pe, sed solo a bene ge-ski homi, kaso mi fu ergo alo pa ergo per vani. 3 Anti-co klu ne Tito; qi es ko mi, es ge-dina te gene peri-seka. 4 [Mi dice] u-ci ra, ka falsi socia, sekreti ge-introduce; qi ki in per sekreti te espio na libe; na habe qi per Kristo Jesu, te duce na in dulo stato. 5 Klu ne mo horo, na cede a mu per non-arki, so veri de u-ci boni info debi du es ko vi. 6 Qo es plu-la homi, ben ge-ski idio, es importa ne a mi. Teo ne cepti homi facia, ko-co plu-la homi; bene ge-ski, adi nuli-ra a mi. 7 Anti-co, po [Jakob e Petro e Johane] vide; mi es ge-fide kon u-ci boni info de no-peri-seka, homo Petro de peri-seka -- 8 ka [Teo]; Qi face ge-mite-pe de peri-seka in Petro, face plus in mi a no-judah-pe, 9 plus-co po mi ski amo; qi es ge-dona a mi,-- Jakob e Petro e Johane, ben ge-ski duce-pe, dona dextro manu de socia a mi e Barnaba, so na es pro no-judah-pe e mu pro peri-seka-pe. 10 [Mu volu] solo; na debi memo de pove-pe. Plus mi es zelo de akti homo ra.
11 Kron Petro veni ad Antioke civita, mi pa dice anti an facia, ka an es etio, 12 ka, pre oligo pe veni ab Jakob, [Petro] vora ko no-judah-pe. Anti-co, kron mu veni, [Petro] ki ab e face se ge-separa, durante an este fobo de mu de u peri-seka. 13 Plus-co resta de Judah-pe kolekti se kon an, so klu Barnaba es ge-apo per mu falsi etos. 14 Anti-co, kron mi vide; mu ne akti per korekti; [qi es] akorda veri de u-ci boni info, mi dice a Petro ante pan-pe: "Si tu, tem tu es Judah-pe, tena etos homo no-judah-pe e ne homo Judah-pe, qo-ka tu dina no-judah-pe te cepti Judah religio? 15 Na es Judah-pe per fisika e ne [-- homo Judah-pe dice --] 'no-judah mali-akti-pe', 16 tem na ski; homi es ne ge-face justi per lega akti sed per Jesu Kristo fide, plus na tena kredi de Kristo Jesu, so na es ge-face justi per Kristo fide e ne per lega akti, ka nuli homi es ge-face justi per lega akti. 17 Si na akti cerka de; na es ge-face justi per Kristo, tem hetero homi detekti; plus na es mali-akti-pe, qe Kristo sio es mali arki-pe? Id ne debi es so, 18 ka, si mi akti destru de homo ra; mi itera akti stru de qi, mi es anti-lega-pe, 19 ka Teo. 20 Mi es ge-cide epi kruci ko Kristo, anti-co mi a-nu es vive. Ne mi sed Kristo es vive in mi. Mi nu es vive in homi fisika; qi es vive per fide de Teo Fili; Qi amo mi e pa dona Se pro mi. 21 Mi ne moti Teo amo a latu, ka, si sio es justi per lega, Kristo pa morta pro nuli-ra."
1 O stulti Galata-pe, qo-pe pa sti mali influ in vi te ne obe akorda veri? Ante qo-pe oku, Kristo pa es klari ge-grafi ge-cide epi kruci inter vi? 2 Mi volu ski solo u-ci ra ex vi: qe vi acepti [Teo] Spiritu per lega akti alo per audi de fide? 3 Qe vi es talo stulti? Po vi proto per u-ci Spiritu, qe vi pote es ge-fini per homi fisika? 4 Qe vi este algo de talo poli ra pro vani? Veri pro vani! 5 Ka-co An; Qi dona u-ci Spiritu a vi e face mira akti inter vi, qe u-ci ra es per lega akti alo per audi de fide? 6 "Abraham pa kredi Teo. U-ci ra es ge-konsidera justi" pro an. 7 Nu ski; homi de fide es Abraham fili. 8 Na Sankti Grafo provide; Teo face no-judah-pe justi per fide. Pre kron, id voci u-ci boni info ad Abraham: "Pan natio fu es hedo per tu." 9 So homi de fide es hedo ko kredi Abraham. 10 Pan lega akti es in kondemna, ka es ge-grafo: "Pan-pe; qi ne du akti in pan-ra; qi es ge-grafo in u-ci Lega bibli, es ge-kondemna." 11 Es ge-monstra; nuli-pe es ge-face justi para Teo per lega, ka justi-pe es vive per fide. 12 Lega es ne de fide, anti-co: "Pe; qi akti id, es vive per id." 13 Kristo merka na ab lega kondemna, po gene kondemna vice na, ka es ge-grafo: "Pan-pe; qi pende epi dendro, es ge-kondemna." 14 So Abraham hedo-ra veni a no-judah-pe per Kristo Jesu, so na cepti u-ci promise de [Teo] Spiritu per fide.
15 Socia, -- mi dice akorda homi -- nuli-pe moti u ge-konstata homi akorda a latu alo face adi ad id. 16 U-ci promise es ge-dice ad Abraham e ad an Fili. An ne dice: "...e a plu fili," homo a poli homi, sed homo a mo homi: "... e a tu Fili;" Qi es Kristo. 17 Mi dice u-ci: lega; qi acide pre tetra-tri-ze anua, ne face u-ci Kristo akorda, ge-konstata ex Teo, nuli-ra te face u-ci promise non-efekti, 18 ka, si geneti-proprie-ra sio es per lega, id es ne per promise. Teo dona id ad Abraham per promise. 19 Qo-ka es lega? Id es ge-adi pro mali-akti, a kron [Teo] Fili veni a mu; a qi u-ci promise es ge-face, po id es ge-taxo per angeli in Inter-pe manu. 20 Inter-pe ne akti pro mo homi, anti-co Teo es mo homi.
21 Ka-co qe lega es anti Teo promise? Id ne debi es so, ka, si lega; qi pote face vive, sio es ge-dona, justi per lega es faktu. 22 U-ci Grafo inklude pan-ra in mali-akti, so u-ci promise de Jesu Kristo fide posi es ge-dona a kredi-pe. 23 Pre fide veni, akorda lega, na es ge-karcera, po na es ge-klavi de fide; qi pa fu es ge-monstra. 24 Lega es na doci-pe pre Kristo, so na es ge-face justi per fide. 25 Po na veni a fide, na ne nu es infra doci-pe, 26 ka pan vi es Teo fili per fide de Kristo Jesu, 27 ka pan vi; qi es ge-bapti pro Kristo, moti Kristo epi vi. 28 Ni es Judah-pe ni es heleni-pe, ni es dulo ni es libe-pe, ni es andro ni es gina, ka pan vi es mo per Kristo Jesu. 29 Si vi es de Kristo, kron vi es Abraham fili e geneti-pe akorda u-ci promise.
1 Mi dice; tem geneti-proprie-pe es ju-pe, u-ci ju-pe es nuli difere de dulo, tem u-ci ju-pe es u cefa de pan-ra. 2 Anti-co u-ci ju-pe es infra guarda e tena-pe a kron; patri fixa qi. 3 Homo plus na, tem na es ju-pe, es dulo infra munda materia. 4 Kron tem veni a se ple, Teo mite Se Fili, origi ex gina e origi infra lega, 5 so An posi paga preci de homi infra lega e so na pote gene ge-cepti fili. 6 Ka vi es fili, Teo mite Se Spiritu de Se Fili in vi kordi. U-ci Spiritu voci, "Mi Patri, Patri." 7 Ka-co tu ne nu es dulo sed fili e, si fili, plus Teo geneti-proprie-pe kausa Kristo. 8 Anti-co, faktu es; tem vi ne ski Teo, vi es in dulo stato de homi; qi es teo ne per fisika. 9 Po vi ski Teo, -- ma boni, po Teo ski vi -- per qo-mode vi nu itera tropi a debili e pove materia; a qi vi volu es in dulo stato? 10 Vi obe di e meno e tem e anua. 11 Mi este fobo de vi, kaso mi ergo pro vi per vani.
12 Mi petitio a vi es; es homo mi, ka mi es homo vi, socia. Vi noku mi per nuli mode. 13 Vi ski; in homi debili, mi voci u-ci boni info a vi tem proto. 14 Vi ni no-valu mi homi stimula a mali-akti ni refusa id per odio, anti-co vi cepti mi homo Teo angeli e homo Kristo Jesu. 15 Qo es vi hedo, ka mi testi a vi; si id sio es posi, po vi apo vi oku, vi dona mu a mi? 16 So qe mi gene vi non-ami, ka mi dice veri a vi? 17 Mu este zelo pro vi ne per korekti, anti-co mu volu exklude vi, so vi este zelo pro mu. 18 Korekti es; este zelo de korekti ra pan tem e ne solo kron mi es la ko vi. 19 Mi fili; de qi mi itera este algo de nati, a kron Kristo fu es ge-forma in vi, 20 e mi nu volu es la ko vi e volu muta mi emotio, mi este enigma de vi.
21 Dice a mi, vi; qi volu es in lega, qe vi ne audi lega? 22 Es ge-grafo; Abraham habe bi fili -- mo ex dulo, hetero ex libe-pe. 23 Anti-co an ex dulo es ge-nati a homi e an ex libe-pe per u-ci promise. 24 Mu es sema, ka mu es bi akorda -- mo ex Sinai monti; qi origi dulo-stato e qi es Hagar. 25 Ka Sinai monti es in Arabia landa e habe semani de nu-tem Jerusalem civita, Hagar es in dulo-stato ko pan se fili. 26 Supra Jerusalem; qi es matri de pan na, es libe, 27 ka es ge-grafo: "Este hedo, vaku-fe; qi ne nati, e tu; qi ne este nati algo, sti fo voci. Ma poli es eremo-fe fili, de fe; qi habe sponsa." 28 Na, socia, homo Isaak, es promise fili. 29 Anti-co, homo an; qi es ge-nati akorda homi, noku an akorda [Teo] Spiritu, so nu es na. 30 Anti-co u-ci Grafo dice qo? "Apo dulo e fe fili, ka dulo fili cepti geneti-proprie ko libe fili per nuli mode." 31 Ka-co, socia, na es ne dulo fili sed libe fili.
1 Ka-co per libe; per qi Kristo face na libe, du sta e ne itera es in zigo de dulo stato. 2 Vide, mi, Paulo, dice a vi; si vi cepti peri-seka ritu, Kristo es nuli gania a vi. 3 Mi testi a pan-pe, cepti peri-seka ritu: mu es debito-pe; qi nece akti akorda holo lega. 4 Vi; qi [sio] es ge-face justi per lega, gene non-ami de Kristo. Vi kade ab amo. 5 Per [Teo] Spiritu, na atende spe de justi per fide, 6 ka, in Kristo Jesu, ni peri-seka ritu es dina ni no-peri-seka, sed fide akti per amo. 7 Vi pa ben ergo. Qo-pe es anti vi, so vi ne obe veri? 8 U-ci influ es ne ex An; Qi voci vi. 9 Pusi zima fla holo pasta. 10 Mi habe fide de vi per na Cefa; vi este ne hetero puta. Uno-pe; qi sti turba a vi, habe judika decide anti se.
11 Mi, socia -- si mi sio ankora voci peri-seka ritu, qo-ka mi es ankora ge-noku? 12 Mi volu; mu; qi bali vi in konfusi, seka tro tele epi se, 13 ka vi es ge-voci pro libe, socia. Solo ne uti libe pro homi acide, sed servi aleli per amo, 14 ka holo lega es ge-sati per mo dice-ra: "Amo tu para-pe homo tu auto." 15 Si vi morda e vora aleli, es kura, so vi ne es ge-destru per aleli.
16 Mi dice, tena etos per [Teo] Spiritu e sati homi mali-volu per nuli mode, 17 ka homi fisika este mali-volu anti u-ci Spiritu e u-ci Spiritu anti homi fisika. Plu-ci ra es anti aleli, so vi nece akti ne uno-ra; vi volu. 18 Si vi es ge-duce per u-ci Spiritu, vi es ne infra lega. 19 Obvio es homi ergo; qi es sexu ko no-sponsa, sexu mali-akti, mali-akti anti soma, sexu ultra-lice, 20 adora de falsi teo, magika, odio, disputa, kako zelo, fo koleri, volu solo pro auto, divide inter vi, falsi etos, 21 invidi, cide, narko, mali etos e homo ra; de qi mi dice a vi, homo mi plus pre-nu dice: pe; qi akti talo ra, ne cepti Teo regi-landa per geneti. 22 [Teo] Spiritu ge-produce-ra es amo, hedo, paci, tolera, ami, boni, fide, 23 gentili, auto-regula. Anti talo ra es nuli lega. 24 Kristo-pe cide homi fisika kon urge e volu epi kruci. 25 Si na es vive per u-ci Spiritu, plus per u-ci Spiritu na debi akti. 26 Na ne debi gene auto-amo, tem na sti koleri in aleli e este invidi de aleli.
1 Socia, si homi es ge-vikto per uno mali-akti, vi de u-ci Spiritu versi talo homi per gentili sensi, tem vi kura puta de vi auto, kaso plus vi es ge-stimula a mali. 2 Auxi anti aleli turba, so vi sati Kristo lega, 3 ka, si uno-pe puta; pe es importa, tem u-ci pe es nuli-ra, u-ci pe puta falsi-ra de se. 4 Lice: pan-pe proba se proprie ergo, po-co pe habe bombasti solo a se e ne a hetero homi, 5 ka pan-pe fero se kargo.
6 Lice: sko-pe dona mero de pan boni-ra a doci-pe. 7 Ne puta ero: anti Teo ne es ridi. Pe karpe ra; pe kulti. 8 Pe; qi kulti se homi fisika, karpe mali ex homi fisika. Anti-co pe; qi kulti [Teo] Spiritu, karpe pan-tem bio ex u-ci Spiritu. 9 Na ne gene debili, tem na akti boni-ra, ka, po korekti tem e tem na ne lose forti, na fu karpe. 10 So, uno-kron na habe acide, na debi akti boni a pan-pe e idio a fide-pe de na grega.
11 Vide: mi grafo talo mega litera a vi per mi manu. 12 Poli homi; qi volu habe boni feno epi homi soma, dina vi te gene peri-seka ritu, solo so mu ne es ge-noku pro Kristo kruci, 13 ka ni pe; qi es ge-peri-seka, obe lega. Anti-co mu volu peri-seka pro vi, so mu pote bombasti kausa vi homi fisika. 14 Pro mi, mi ne posi dice bombasti excepti de kruci de na Cefa Jesu Kristo; per Qi, a mi, holo munda es ge-cide epi kruci e, a munda, mi, 15 ka, in Kristo Jesu, ni peri-seka ritu ni no-peri-seka es importa, sed neo krea-ra es. 16 Pro pan mu; qi tena etos per u-ci lega, es paci, e pro Teo Israel natio.
17 A resta pe, nuli-pe dona turba a mi, ka mi fero Cefa Jesu marka epi mi soma. 18 Cefa Jesu Kristo amo es ko vi spiritu, socia. Id debi es so!
(HTML ex Marcel Springer, 2001 ... 2006-07-23, www.glosa.org.)