Glosatra - u pusi puta-me programa pro Glosa

Glosatra eqa pusi puta-me programa; qi auxi translati ex English ad Glosa e retro: id simpli cerka plu verba de ali textu in verba-lista.

Plu puta-me dokumenta

Tu pote detekti plu seqe dokumenta in zip-dokumenta >>glosatra.zip<<:

	`glosatra.exe`		(programa; qi funktio per MS-DOS/Windows, 181 kB. Id funktio per Win95. Pe dice a mi: id funktio plus per Windows NT, e ko limita per Win98. La tu ne pote dona plu optio. Mi ne pote repara id; kausa mi ne habe Win98. Penite.)
	`glosatrb.exe`		(un hetero (mei boni) MS-Win-versio, 144 kB. Uti id per `glosatrb` alo muta nomina de id.)
	`glosatre.exe`		(e ankora un hetero MS-Win-version, 181 kB. U-ci funktio vice: `glosatre` pro English-Glosa e `glosatre -e` pro Glosa-English. Per u-ci, pe pote uti u direkti English ad Glosa plus per Win98.)
	`glosatra`		(programa; qi funktio per Linux, 30 kB)
	`glosatra.cc`		(fonta programa-textu, 29 kB)

Tu plus nece habe plu dokumenta >>engl.txt<< (verba-lista English-Glosa) e >>glen.txt<< (verba-lista Glosa-English).

Plu qalita de programa

Glosatra eqa primitive komanda-stria programa pro konsola. Id ne habe plu menu, id ne pote uti mus, id habe nuli pikto e nuli hetero tali ra.
Id pote "translati" Glosa-English e English-Glosa.
Id detekti plu verba, verba-fa e kompositi ko e minus hifem ("-") in verba-lista (plu ultima ra ne ko -t optio).
Id tenta dona sugesti, klu si fini-vokali de Glosa-verba in textu habe falsi (ne ko -t optio).
Id tenta rekogni plu English verba, klu si mu ne habe norma forma (ne ko -t optio).
Id ne face difere de mega e pusi litera.
Id pote uti panto-tem u maxi-neo versio de Glosa Inter-Reti Diktionaria, nu-fu kata-kargo mu (vide supra).
Kargo e uti, - ne komplexi instala; kausa id habe fo simpli.
Id funktio per MS-DOS/Windows e Linux. Id sura pote funktio plus per hetero sistema. U fonta programa-textu gene ofere, vide supra.
Id pote uti plu norma in/ex-kanali (standard-I/O). Seqe-co id pote gene proto alo gene uti ex plu hetero programa, klu in textu-editora-programa.
Id es gratis.
Id ne pretende; id habe nuli ero alo id es profesionali alo komodi.
Penite de u-ci stupidi ero: un in-dokumenta nece fini ko space-litera, koma, punkta alo stria-fini-litera. Hetero-co tu sio lose un ultima verba.

Instala e uti

Tu habe u programa; qi funktio in tu sistema; plu verba-lista dokumenta glen.txt e engl.txt e tu Glosa textu intextu.txt; qi eqa simpli ASCII textu-dokumenta; in direktori; tu es in [qi] (alo ali-lo; qi-lo tu sistema pote detekti plu-la dokumenta).
Po-co proto u konsola alo DOS-fenestra e tipo
```
    glosatra intextu.txt extextu.txt 
  
```
Tu textu ko verba-lista fu es in dokumenta extextu.txt. Tu pote lekto id per editora-programa alo rekti epi skuta
```
    more extextu.txt. 
  
```
Tu pote vide auxi-skuta ko -i:
```
    glosatra -i
  
```
(A MS-Win/DOS, tu pote invoka plu optio plus ko "/", per exempla glosatra /i.)
Translati in hetero direkti, English ad-in Glosa, funktio ko -e:
```
    glosatra -e intextu.txt extextu.txt
  
```
Si tu volu uti hetero verba-lista dokumenta, prende -d-optio:
```
    glosatra -d:midiktionaria.txt intextu.txt extextu.txt
  
```
Tu pote tenta translati ex e ad-in plu hetero lingua kon u-ci optio, si tu sio habe verba-lista dokumenta ko formati; qi pote gene lekto ex Glosatra. Sed place nota; Glosatra ne pote manu speciali litera e tu posi detekti nuli verba; si tu plu lingua habe poli inflexio.

Si tu dokumenta es in hetero direktori, tu pote nomina mu, sura. Exempla:

    c:\dir1\glosatra.exe -d:c:\dir2\glen.txt c:\dir3\intext.txt c:\dir4\extextu.txt

Glosatra habe lento, sed ko -t-optio, tu fu gene ma tako e mei ex-textu; qi plus posi pote gene examina ma facili:
```
    glosatra -t intextu.txt extextu.txt
  
```
Tu pote uti norma ex-kanali (standard output) e vide plu ex-ra direkti alo tu direkti plu ex-ra ad dokumenta. Alo tu elekti plus norma in-kanali (standard input), exempla
```
    echo " ... solo pusi textu ... "|glosatra 
  
```
e tu uti Glosatra in pipa, ostraka-programa (shell script), alo ex alo in hetero programa.
Alo "inter-akti": Po
```
    glosatra
  
```
alo -- pro English --
```
    glosatra -e
  
```
simpli tipo in tu textu. Po singu <Return>, tu fu gene u verba-lista. Fini u programa ko <Control>-C.
Tu pote uti Glosatra klu per textu-editora-programa. Exempla ko editora Emacs ( www.gnu.org/software/emacs/emacs.html alo www.xemacs.org):
Kargo textu ad-in memo-me ko "emacs intext.txt", marka bloka; tu volu translati; ko <Control>-<Space> e plu indika-ra-klavi. Po-co tipo "<Alt>-x shell-command-on-region <Return>", e po prompti ":" tipo "glosatra". U ex-ra de Glosatra fu gene monsta in neo fenestra. Ko "<Alt>-1" pre "<Alt>-x shell-command-on-region: glosatra" u ge-marka textu fu gene versi ex plu ex-ra de Glosatra.

Exempla de plu ex-ra:

  echo "Nu tu pote uti tu puta-me te cerka plu verba. " | glosatra

tu fu gene:


GLOSATRA, u pusi programa te auxi translati Glosa.  Optio -i pro info.

"Nu tu pote uti tu puta-me te cerka plu verba. "
------------------------------
nu 1++           now; present; present {now}; present {tense}; up-to-date
tu 1++           you {singular}; your {singular}; thou
pote 1++         able; can; capable; may
uti 1++          use; employ; treatment; useful
tu 1++           you {singular}; your {singular}; thou
puta 1++         calculate; compute; idea; reckon; think; thought; trim {v}
me[-] {short affix form of mekani} 1++  device; mechanism
puta-me 1++      computer
puta-me sporta 1  computer game
te {short form of tende} 1+  aim; deliberate; in order to; intend; intention; intentional; object {purpose}; purpose; tend; tendency
te[-] {short affix form of textili} 1+  cloth; fabric; textile
cerka 1++        grope; quest; look for; search; seek
plu 1++          s[-] {plural sign}; more than one; plural; some
verba 1++        word
==============================

Plu hetero programa

Modela pro Glosatra pa es u programa ex Charles Ganson (1999, meno 10). Mali-fortuna id feno, id ne du es in inter-reti.

Un hetero programa es Glosaread, ge-grafo ex Eike Preuß, kron meno 11, 2005. Id suporta mus e GUI-fenestra. Id funktio per MS-Windows e Linux.

“Ernobe” pa grafo plu programa per Icon-lingua, 2006 meno 11.

Reporta plu ero ad autori

Si tu habe textu dokumenta; qi pote krasc u programa, place bali id ad mi ad glosa.org. Id sio es gluko; si tu grafo a mi; si tu uti Glosatra ko plu hetero lingua alo per hetero puta-me sistema. Place ne protesta de mi programa-stilo alo plu facia; tu este minus. Gratia de tu visita u-ci pagina.

Marcel Springer, www.glosa.org, 2002-08-07 ... 2012-07-31